Sulat Pol Ebè Yó Kem Tau Hemtahu Bè Rom 9:29 - Udél Dwata: Gna Kesfasad ne Lomi Kesfasad

²⁹ Hol lómón yóm sotu tehe tulón Isaya ekni, yóm monen, “Bè yóm tehe ktafaken tekuy yóm Dwata laen dù là gbeken du, ke tehe là wen dù tebelen bè yó kem ból tekuy, deng tekuy mkél bè yóm tehe kegbaen yó kem syudad Sodom ne Gomora. Bà udì ke wen dù tebel bélê le.”

Sulat Pol Ebè Yó Kem Tau Hemtahu Bè Rom 9:29 Referans Kwoze

Isaya 1:9

Ke là lemwóten bè Dwata yóm Dwata laen dù là gbeken du, deng gotu genbà le ne Jirusalim, balù udì ke wen dù tebel du hol lómón yóm tehe kegbà yó kem syudad Sodom ne Gomora.

Sulat Jim 5:4

Ngem yó kem sukéy tehe là hsut ye du bè yó kem tau mò nmò bélê ye, yó se yóm fen kmamo kuy bè Dwata. Hnungol ye dé yóm keslón le kuy yó kem tau mò nmò bélê ye. Deng gefet bè Dwata, yóm gónó mogot hol mfasang bè kdéen yóm ktaba le ebéléen.

Amus 4:11

“Deng wen genlau bè yó kem syudad ye lómón yóm tehe ksulék keglau yóm benwu Sodom ne Gumura. Yó kem dù mowil bélê ye, hol lómón ke yóm koyu deng ken ofi dolihen bè yóm keskot le du lem ofi. Ewenem sana là kóyô ye semfulék ebéléu,” mon Dwata.

Sulat Jud 1:7

Ne hentulón ye nawa yó kem tau tehe menwu bè yó kem syudad Sodom ne Gomora ne yó kem benwu hmilol kul. Tódô nmò le yóm tehe kul nmò yó kem hógów Dwata monu yó koni bè yóm kmò le samuk. Là són du bè kem libun gónó le mò du, balù bè kem kul dumu logi snéen sana kmò le du. Yó kmò Dwata kul, gotu tnafaken lu bè yóm ofi laen kô dù sónen. Ni se yóm eles hetngónen bélê tekuy anì là nmò tekuy du yóm sidek.

2 Pitér 2:6

Tehe yu ekni, tódô tnafak Dwata yó kem tau menwu bè yó kem syudad Sodom ne Gomora lemwót bè yóm tey kegsalà le. Yó nmò Dwata, tódô ntemen lu. Yó gónón gemlà kul mò ton yó kem dumu tau yóm gónón e kól yóm tau laen dù klikoen ke Dwata.

Sifanaya 2:6

Yóm benwu ye bè kilil mohin, angat baling gónó le mótób kem ubiha ne mò gónó le nô yó kem tau gel semgyok kul ne mò gónó le hemsù kul ke kifu.

Lanu Jirimaya 3:22

duhen yóm kbong nawa Dwata tekuy laen kô dù nan e són. Lemwót bè kkoduhen tau là sulék le matay bè yóm tey kwen glumfak le.

Isaya 6:13

Baluen ke olon sotu dù tebel bè yóm sfolò kem tauhen, kaem senged snéen angat bud keglà le du yó kem hohon le. Hol lómón ke du yóm tuhod koyu tehe nofok le.” Bede yóm tuhoden yó sal wen uléken, hningónen yóm bud kehgulék Dwata kul yó kem kun tau.

Isaya 1:10

Ó Jirusalim, yó kem tau mogot kóm ne yó kem tauhem deng le mkél bè kul alì ksidek nmò yó kem tau tehe menwu bè Sodom ne Gomora. Hol hnungol ye dé yóm kdê ye yóm udél Dwata ebélê ye. Hol kenmón ye dé yóm hdalangen kuy.