Sulat Pol Ebè Yó Kem Tau Hemtahu Bè Rom 9:28 - Udél Dwata: Gna Kesfasad ne Lomi Kesfasad

²⁸ Abay se angat wen kdaw Dwata kendel smolò du yóm kegsalà tau bè klamangen benwu, ne gotu tnafaken lu.”

Sulat Pol Ebè Yó Kem Tau Hemtahu Bè Rom 9:28 Referans Kwoze

Isaya 10:23

Tahu se, angat genlà Dwata yóm klamangen benwu le, yóm Dwata laen dù là gbeken du yóm hol dandónen geta gónó le mogot. Yó se yóm tehe monen mò kul. Là gomongen bè nili yóm bérs 24 kól bè bérs 34. Yó tulónen yóm kehtugod Dwata ke Isaya ebè yó kem tau dù tebel bud mulék ebè Dwata. Monen mò kul bê le abay likò bè yó kem tau Asirya ke hen-gnok le yu. Là legenen se yó abay se tódô Dwata yóm mógów mò gemlà kul. Mon Isaya bè bérs 33-34, Okóm tenngel ye, nofok yóm Dwata laen dù là gbeken du yóm koyu mtétél. Gotu genlaen yó kem tey sendalù wen bè Asirya, yó kem genlal bélê le ne yó kem gónó le kmulu. Yó kmò yóm Dwata laen dù là gbeken du, yó kem hohonen gotu nofoken lu lómón yóm beyung mofok yó kem koyu dlag bè Libanun.

Deng Hegfan 19:11

Ominu yó mton yóm longit tódô hnas. Ne wen tonu kudà bukay mdà bè yó, ne wen smakay tahen. Yó boluy yóm smakay tahen, Gsalig ne Tahu. Tey tedeng yóm kkukumen tau ne tedeng snéen yóm kesfatayen yó kem hohonen.

Kul Nmò 17:31

Yakà dengen mdengen kbuteng Dwata du yóm angat kkukumen yóm kdéen tau, hlanen bè yóm tau deng néléken, ne tey tedeng yóm angat kkukumen kul. Wen gónó Dwata hdilô du bè kdéen tau yóm tau deng néléken yó, duhen yóm deng kehlowilen du.”

Matyu 24:21

Abay se angat tey hlayam bong sok sut bélê ye yóm hlayam monu ni. Ni he yóm hlayam alì sidek bè kdéen hlayam deng sut bè tau lemwót bè hol kbut benwu, ne là se kô bud sneefen du ne.

Kem Lingón 65:5

Ó Dwata, yóm gel lemwà kum, gel bnalaem se yóm kni me béléem mlan bè yóm kehegmoem kum bè kem hohon me. Tey dê hentaw ton nmoem mò gónóm lemwà kum. Gotu snalig le uu yó kem tau bè klamangen benwu. Balù yó kem tau fatu mohin, snalig le uu snéen kul.

Kem Lingón 9:8

Knukumen yó kem tau bè klamangen benwu mlan bè ktedengen. Knukumen tau mlan bè klaen dù mtukul nfihen.

Isaya 10:22

Balù yóm tey kwen yó kem tau Israél nim kmoen ni, lómón kwen le helek bè kilil mohin, okóm là kóen hol wen bélê le bud gesfulék. Angat le gotu meglà yó kem dumu tau Israél ne yó se yóm hol knóón bélê le.