Sulat Pol Ebè Yó Kem Tau Hemtahu Bè Rom 9:21 - Udél Dwata: Gna Kesfasad ne Lomi Kesfasad

²¹ Ngem yó dém tau gel mifil kuleng, kihu kun kóyô gónó e hembaling du yóm nifilen. Kun kóyô ke sentólóngen yóm nifilen. Wen se nifilen mò gel henyu ne mtukul kdikót du, ne wen se nifilen yóm senflós tendo wen mu du.

Sulat Pol Ebè Yó Kem Tau Hemtahu Bè Rom 9:21 Referans Kwoze

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Kem Udél Hlalak Tehe Selumun 16:4

Bè kdê deng nmò Dwata sal gel wen oluhen kul balù yó kem tau gel mò sidek deng oluhen kul yóm kdaw ktafak.

Kul Nmò 9:15

Bud mon yóm gónóhen mogot mò du, “Lemwóti etu ne, abay se deng néléku nim tau ni mò angat hógówu elem blóng yó kem tau là Juhen, ne ebè yó kem tau hol geta, ne ebè yó kem tau Israél snéen. Du se angat heglalag du yóm dou boluy lem blóng le.

Sulat Pol Ebè Yó Kem Tau Hemtahu Bè Rom 9:11

Okóm tek sotu nélék Dwata bélê le mò gónóhen hlan du yóm fasaden. Gu laan le là deng sut yó kem ngà Ribika yó, là deng wen kem tngónem nmò le hyu he duhen ke sidek, yó mon Dwata mò ke Ribika, monen, “Yóm twogu angat glaan bè yóm twoli.” Bè yóm nmò Dwata yó, yó se gónó tekuy temngón du là kóen lemwót bè yóm kehyu nmò yóm tau gónó Dwata mélék du, okóm tódô néléken yóm kun kóyô.

Sulat Pol Ebè Yó Kem Tau Hemtahu Bè Rom 9:18

Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

Jirimaya 22:28

Moen de nim Jihuyakin ni, hol lómón tô yóm lebwón btù deng hnuda? Moen de ke mom negef le ebè benwu mayuk mung du kem ngaen?

Isaya 10:15

Okóm yó bud udél Dwata, monen, “Gbek yóm beyung kô hegeta bè yóm tau mogot du? Ne yóm legadì, bong muhen kô kun senta yóm tau lemgadì? Ne yóm bogul, gbeken kô kmayang yóm tau mogot du? Là kô yó du. Kaem tau dé kmayang yóm bogul.”

Isaya 45:9

Henkna ye bè yóm tau mifil kuleng tonok, gbek yóm kuleng kô semgil yóm tau mifil du? Laen kô dù gónón stólóng bè yó kem dumu kuleng. Gbek yóm kuleng tonok kô smólók yóm tau mifil du ke tedu nmoen? Duhen ke gbek yóm kuleng kô semlón yóm là khulung yóm tau mifil du?

Sulat Pol Ebè Yó Kem Tau Hemtahu Bè Rom 9:20

Ni se balau du yóm monem yó, “Tmau kóm de tô gembek smabà ke Dwata? Là gbek yóm kuleng tonok smabà yóm tau mifil du, ke monen ‘Moen ke lómón ni kifilem do?’ ”