Sulat Pol Ebè Yó Kem Tau Hemtahu Bè Rom 9:20 - Udél Dwata: Gna Kesfasad ne Lomi Kesfasad

²⁰ Ni se balau du yóm monem yó, “Tmau kóm de tô gembek smabà ke Dwata? Là gbek yóm kuleng tonok smabà yóm tau mifil du, ke monen ‘Moen ke lómón ni kifilem do?’ ”

Sulat Pol Ebè Yó Kem Tau Hemtahu Bè Rom 9:20 Referans Kwoze

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Job 33:13

Ne tahu se yó. Okóm moen de ke dnuónem Dwata bè yóm là kbalaen yóm gel tnalaw tau?

Job 40:2

“Bud natuem o he kô, Job, igoen ou se yóm Dwata laen dù là gbeken du? Tey dê udélem etahu, hyu se ke bnalaem yóm sólóku kóm?”

Matyu 20:15

Ilóem laen dù dou kwalis mò du yóm dou kóyô bè yóm dou filak? Nófô ye kô yóm kkoduhu yó kem tau huli mò nmò?’ ”

1 Timuti 6:5

Tendo mit skaf stulón bè yó kem tau là buden btol kehedem le, là bud lolò le du ne kul yóm ktahuhen. Bè kul kehlan du, yóm kul kehtahu mò lan baling kwasa.

1 Kurin 1:20

Duhen yó, ke yó se nmò Dwata, tedu se gónóhen e kól yóm tau alì temngón, ne yóm tau alì bong hennagien, ne yóm tau alì hulung skuya mon? Deng tódô hdilô Dwata yóm klaen dù muhen yóm kul ketngón yó kem tau te tonok.

Job 40:8

Yóm tô nmoem ni, tô hegfanem kô yóm là ktedengu anì gfan yóm kóm ktedeng?

Sulat Jim 2:20

Nungeli. Kéng yóm kehtahuhen ke là gfanen bè yóm gel któbóngen kem dumuhen.

Taytus 2:9

Yó kem tau klifen, yake hol le heglaan bè yó kem tau mfun kul, ne hol nmò le yóm gónó le hefligal kul. Hol bê le abay smabà

Sulat Pol Ebè Yó Kem Tau Hemtahu Bè Rom 2:1

Béem tódô gel tendok kun kmò kem dumum. Laen dù lasunem mò du, balù sentnga se yóm kóm ktau. Ke wen tendokem bè dumum, ne ke bud gel nmoem se kóm, ten-geedem hegtuled knóem.

Mika 6:8

Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.

Job 40:5

Tey gulé ne yó kem deng udélu. Ne ni laen bud duen ne.”

1 Kurin 7:16

Yó gónón tódô mayà du yóm yehenen là hemtahuhen yó, abay se là kô tngónen du ke angat gbeken mit du bè solu Dwata, duhen ke là.

2 Samwél 16:10

Okóm yó mon yóm tau hol geta mò du, “Yu kem ngà Siruwaya, laen dù kuy du yóm nmoen yó. Ke lemwót bè Dwata yóm kehmulaen do yó, là hyuhen ke tô henseng te.”

Isaya 10:15

Okóm yó bud udél Dwata, monen, “Gbek yóm beyung kô hegeta bè yóm tau mogot du? Ne yóm legadì, bong muhen kô kun senta yóm tau lemgadì? Ne yóm bogul, gbeken kô kmayang yóm tau mogot du? Là kô yó du. Kaem tau dé kmayang yóm bogul.”

Jirimaya 18:6

“Ó kem tau Israél yóm nmou bélê ye ni, hol mkél bè yóm nmò yóm tau yóó bè yóm tonok nifilen. Deng ye nô lem hólólu lómón yóm tonok nô lem hólól yóm tau mifil kuleng yóó.

Danyél 4:35

Kdê yó kem tau talak tonok, le hilu he yóm kul kegbek ke hesengedem bè yóm kun. Wen kegbeken mò du yóm kun kóyô lem blóng yó kem hógówen gu bè longit, dalang se bè kdê yó kem tau nô dini talak tonok. Laen dù gembek hemseng du ne laen kô dù mlos smólók du yóm kun nmò ke mon le, ‘Na, tedum nmoem ni du?’

Kun Snulat Luk 12:14

Okóm mon Jisas mò du, “Laen bang kwalisu kmukum kuy, Man, duhen ke fen tô nólólu bélê ye kimu ye.”

Sulat Pol Ebè Yó Kem Tau Hemtahu Bè Rom 2:3

Yó kô hendemem, tnafak Dwata yó kem tau gel mò du yó kem sidek yó koni, ne là dog tnafaken kóm bè yóm kóm kmò du snéen?

Sulat Pol Ebè Yó Kem Tau Hemtahu Bè Rom 9:21

Ngem yó dém tau gel mifil kuleng, kihu kun kóyô gónó e hembaling du yóm nifilen. Kun kóyô ke sentólóngen yóm nifilen. Wen se nifilen mò gel henyu ne mtukul kdikót du, ne wen se nifilen yóm senflós tendo wen mu du.

Sulat Pol Ebè Yó Kem Tau Hemtahu Bè Rom 9:22

Senged se bè Dwata, ke kun kóyô htonen yóm tey kebuten ne yóm kegbeken bè yó kem tau gel mulé du, duhen ke nan bud hanay nawahen ebélê le, balù yóm deng kegtuled le.

Sulat Pol Ebè Yó Kem Tau Hemtahu Bè Rom 14:4

Là kóen hyu ke tódô tendok tekuy kun kmò yóm tau tóbóng lówó bè dumu tau. Tek són yóm hol kun gónó mogot gembek hemdeng du yóm kun kmò, ke hyu duhen ke là. Kaem angat wen gónóhen e kól he kun yóm tau tendokem yó, abay se yóm gónó tekuy mogot fen tmóbóng du.

2 Timuti 2:20

Bè yóm gónô bong, tey dê kay ngom ken nô lemen. Wen se ngom nmò le gu bè blówón bukay, ne wen se nmò le gu bè blówón mélél. Wen se nmò le gu bè koyu, ne wen se nifil le gu bè tonok. Yó kem ngom alì mebtes yó, yó he kwen mu le kul ke deng wen mò ken bong. Bong yó du kem dumu ngom ken là mebtesen, mò ngom bè kohù.