Sulat Pol Ebè Yó Kem Tau Hemtahu Bè Rom 9:19 - Udél Dwata: Gna Kesfasad ne Lomi Kesfasad

¹⁹ Déke wen malà du yóm monu yó koni, kô monen, “Ke yó se kmò Dwata du, moen ke dnuónen kem tau igò le là gembek kembê du yóm kun kóyô?”

Sulat Pol Ebè Yó Kem Tau Hemtahu Bè Rom 9:19 Referans Kwoze

Danyél 4:35

Kdê yó kem tau talak tonok, le hilu he yóm kul kegbek ke hesengedem bè yóm kun. Wen kegbeken mò du yóm kun kóyô lem blóng yó kem hógówen gu bè longit, dalang se bè kdê yó kem tau nô dini talak tonok. Laen dù gembek hemseng du ne laen kô dù mlos smólók du yóm kun nmò ke mon le, ‘Na, tedum nmoem ni du?’

2 Tutul Israél 20:6

Mni bè Dwata, monen, “Ó Dwata yóm Dwata yó kem tehe fù me, tek són uu se yóm Dwata nô bè longit. Uu se mogot kul yóm kdéen benwu tau talak tonok. Teyi mfasang, ne gotu gbekem kdéen. Laen kô dù gembek kóm.

1 Kurin 15:35

Déke wen sotu bélê ye tô smólók du, “Mò kmò klowil Dwata du yóm tau ke deng matay? Mò kmò angat klówó le du?”

1 Kurin 15:12

Bede deng hónô tolok me kuy se yóm deng klowil Dwata ke Krays, okóm moen se ke wen bélê ye hemkéng du yóm angat bud klowil Dwata yó kem tau deng matay?

Mark 14:21

Yóm angat hfatay yóm Ngà Tau, tódô uliten bè yóm deng eles tulónen bè Sulat Dwata, bede angat tey tafaken yóm tau angat mlay du sumóng. Tumù ne ke béen tehe dog tau.”

Kem Lingón 76:10

Yóm kebut le kóm yó kem tau, yó se sotu hol gónóm megdóyón. Yóm kebut le kóm yó, mò sudengem tmafak tau.

Tekang Kbuten 50:20

Balù yóm tô kóyô ye hemsidek dou yóm kdaw tu okóm bè kun kehlan du Dwata hyu, anì là matay kdéen tau mowil nim kmoen ni.

Sulat Jim 1:13

Ke wen gónón gsindil yóm tau lemwót bè yó kem tilów gel sut, béen abay dnelem Dwata ke du mò du. Abay se yóm Dwata, laen kô dù tau snindilen ne là kóen megsindil se kun.

Sulat Pol Ebè Yó Kem Tau Hemtahu Bè Rom 11:19

Déke mon ye, “Mi mò bud tles hangahen yóm koyu yó.”

Kul Nmò 2:23

Lemwót bè yóm tehe olu Dwata du, yó gónón hemlus du elem tdok ye. Ne lemwót ye se kuy, tódô eted ye ebè yó kem tau là temngón ke Dwata anì hnatay le. Tahu se, hnatay le, duhen yóm le ktutuk le du bè kros.

Sulat Jim 2:18

Okóm déke wen sotu tau mon du, monen, “Là sengeden yóm tau. Hemtahu yóm sotuhen, okóm yóm sotuhen, gel nmoen yóm hyu.” Okóm yó balau du yóm monen yó, monu, “Ke laen dù tonu hyu nmoen yóm tau hemtahu, laen kô dù gónóhu dmilô du yóm kehtahuhen. Okóm ke sónmou gel tmóbóng kem dumuhu, yó se gónóm dmilô du yóm kehtahuhu.”