Sulat Pol Ebè Yó Kem Tau Hemtahu Bè Rom 9:18 - Udél Dwata: Gna Kesfasad ne Lomi Kesfasad

¹⁸ Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

Sulat Pol Ebè Yó Kem Tau Hemtahu Bè Rom 9:18 Referans Kwoze

Kehewà 4:21

Yó bud mon Dwata mò ke Musis, “Bè nim kulékem ebè Idyip ni, hol nmoem bè yóm lomi Faro yóm hentaw ton deng hmou kóm mlan bè yóm kfasang deng suu béléem. Okóm angat hgelu kulu Faro ne là kô nan e hlus kul hewà yó kem tau.

Isaya 63:17

Moen de ke hlusem mi tabag? Moen de ke alì hgelem kulu me efet knogol me u? Géhél bud senfulékem mi, Dwata, igoen tolo wen kem tau bélê me he mimón kóm, igoen sem mi du yó kem kóm tau lemwót bè hol kbuten.

Kehewà 7:13

Bede ke Faro, sana tolo tey kgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Ifisus 1:6

Hol dóyón tekuy dé Dwata lemwót bè yóm tey któbóngen tekuy hlanen bè Krays, yóm hol kun Ngà kenbong nawa. Yóm tóbóng yó, là kô benli du.

Kehewà 7:3

Okóm naw hgel kulu Faro, ne là kô nan e hnungol kuy balù nô kwenen yó kem knikò hmou kuy bè ni bè Idyip.

Kehewà 9:12

Okóm hgel Dwata kulu Faro. Là kô nan e hnungol kul le Musis ne Aron lómón yóm deng tehe mon Dwata.

Kehewà 10:1

Omin Dwata bud mudél ebè Musis, monen, “Budi lemwót nam e bud ston ke Faro. Deng hgelu kuluhen dalang se kulu yó kem genlalen mò gónóhu hegfan ni kem hentaw ton nmou ni

Kehewà 10:20

Okóm sana tolo kehgel Dwata kulu Faro, yó gónón là hewót kul yó kem tau Israél.

Kehewà 10:27

Bud hgel Dwata kulu Faro, yó gónón là hewót kul yó kem tau Israél.

Kehewà 11:10

Tahu se, gotu nmò le Musis ne Aron bè solu Faro yó kem hentaw ton hmò Dwata kul yó, okóm sana tolo kehgel Dwata kulu Faro anì là kô hewóten kul bè yóm kun benwu yó kem tau Israél.

Kehewà 14:4

Yó bud nmou béléen, bud hgelu kuluhen ne tódô ktesen yu. Ne mlan bè yóm kegmou béléen ne bè yó kem sendaluen gónóhu tótól. Omin le yó he temngón du yó kem tau Idyip ou se yóm sana Dwata hol gónó mogot.” Tahu se, nimón yó kem tau Israél yóm deng mon DWATA mò kul.

Kehewà 14:17

Okóm yó kem tau Idyip bud hgelu kulu le anì ktes le yu mifal. Ne mlan bè yóm kegmou bè Faro ne bè yó kem sendaluen ne bè yó kem klitunen ne bè yó kem tau mit kul gónóhu tótól bè yó kem tau Idyip.

Kun Snulat Jan 12:40

“Deng hbutô Dwata mata le anì là dilô le du yóm ton le. Deng hgel Dwata kulu le anì là glileb le du yóm gungol le. Là kô le móyô semfulék ebéléu,” mon Dwata, “anì hnifótu lu.”

Sulat Pol Ebè Yó Kem Tau Hemtahu Bè Rom 11:25

Bud wen tulónu kuy, kem dumuhu setwoli, bè yóm nmò Dwata tehe là glileb kem tau du anì là hegmón ye du yóm deng nmò Dwata bélê ye. Yóm kgel kulu yó kem tau Israél, là kóen hlós. Okóm ke deng le gotu hemtahu bè Dwata yó kem tau là Ju le, yó he angat kkóhen yóm kgel kulu le yó.

Kehewà 9:7

Snólók Faro nim ni ne tulón le du balù sotu ke wen matay bè kul ógóf yó kem tau Israél. Bede bud senged snéen, sana tolo tey kgel kuluhen, là kô bayaen kul yó kem tau Israél.