Sulat Pol Ebè Yó Kem Tau Hemtahu Bè Rom 9:17 - Udél Dwata: Gna Kesfasad ne Lomi Kesfasad

¹⁷ Lómón yóm tehe kélék Dwata yóm sotu tau hol geta bè Idyip ekni. Tehe mon Dwata mò du, monen, “Lemwót béléu yóm kegetahem mogot benwu anì angat gfan béléem yóm dou kegbek, ne anì glalag bè klamangen benwu yóm dou boluy.”Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

Sulat Pol Ebè Yó Kem Tau Hemtahu Bè Rom 9:17 Referans Kwoze

Kehewà 9:16

Okóm là, naw hlowilu uu mò gónóm mton du yóm kfasangu anì yó, mból bè klamangen benwu yóm dou boluy.

Kem Udél Hlalak Tehe Selumun 16:4

Bè kdê deng nmò Dwata sal gel wen oluhen kul balù yó kem tau gel mò sidek deng oluhen kul yóm kdaw ktafak.

Kun Snulat Jan 17:26

Deng hetngónu kul se yóm kóm kmò, ne henlelu he mò du anì hol le sbong nawa lómón yóm kut kesbong nawa, ne anì tendohe gel nô bélê le se dou.”

Isaya 37:20

Duhen yó, Dwata, yóm hol kum gónó mogot, hol lenwaem mi gu lem tdok yó kem tau Asirya anì tngón yóm kdéen tau bè klamangen benwu tek són uu yóm hol tahu Dwata.”

Istér 4:14

Ke tódói fen henek kóm bè nim kdaw ni, ngem sok angat sut yóm tóbóng mò lemwà yó kem Ju, yóm tóbóng là lemwóten béléem, ngem kà uu ne yó kem dumum setwoli fen matay. Okóm déke ni se yóm hol bótóng gónóm baling libun boi anì wen lanem gemtóbóng yó kem kóm tau.”

Juswa 9:9

Yó tulón le ke Juswa, mon le, “Lemwót me bè benwu mayuk, Sér. Yó gónó me mógów ebéléem ni abay se deng gungol me yóm kuy Dwata, du se hol gónó mogot. Deng gotu gungol me yóm deng nmoen bè Idyip.

Glasya 3:22

Deng monen bè Sulat Dwata, tódô kdéen tau bè klamangen benwu, gotu le gmung bè yóm óyô le mò sidek. Yó gónóm mon, tek sotu gónó tekuy gmuta du yóm klowil tehe fasad Dwata tekuy, són bè kehtahu tekuy bè Jisas Krays.

1 Samwél 4:8

Hatay tekuy. Tau du se tô gembek lemwà tekuy lem tdok yó kem dwata laen dù là gbeken du yó? Ni se yó kem dwata tehe heglumfak yó kem tau Idyip yóm tey glumfak mit hatay bè yóm tehe knô kem tau Israél bè yóm benwu laen hol wen tauhen.

Glasya 4:30

Okóm wen monen bè Sulat Dwata, yó monen, “Hdó ye ne yóm libun hesek, hmung ye du ngaen. Abay se là knóónen ke du tles mogot du yóm kun nogot maen. Yake yó dém ngaen bè yóm libun là hesek du bud temles du.”Duhen yó, kem dumuhu setwoli, yóm kdê tekuy deng hemtahu bè Krays, hol lómón ke tekuy se yóm kun ngà yóm libun là hesek du. Là kô tekuy ngà yóm libun hesek.

Glasya 3:8

Deng tehe eles tulón Dwata bè Sulaten ekni yóm angat ktedeng ktonen kul yó kem tau là Ju le lemwót bè yóm kehtahu le béléen. Deng tehe tulón Dwata ke Abraham se yóm Tulón Hyu yó, yó monen, “Hlanu béléem yóm angat któbóngu yóm kdéen tau bè klamangen benwu.”Ne tahu se, hentahu Abraham yóm tulón Dwata du yó, ne tey któbóng Dwata du lemwót bè yóm kehtahuhen. Dalang se nim kmoen ni, yóm kdéen tau hemtahu, tey któbóng Dwata kul lómón se yóm tehe któbóngen ke Abraham.

Sulat Pol Ebè Yó Kem Tau Hemtahu Bè Rom 11:4

Bnalà Dwata se, monen, “Deng wen hitu libu tau deng hetfingu mò dou tau. Là kô le tmaba ebè yóm dwata kéng boluyen Baal.”

Danyél 4:22

Tum koyu tonem mteg tu, uu se hnigaden. Deng tey kbegelem ne tey kegetahem. Yóm kegetahem, lómón ke gesduk bè longit ne yóm kkamalem benwu deng gefet bè són tonok.

Kem Lingón 76:10

Yóm kebut le kóm yó kem tau, yó se sotu hol gónóm megdóyón. Yóm kebut le kóm yó, mò sudengem tmafak tau.