Sulat Pol Ebè Yó Kem Tau Hemtahu Bè Rom 9:15 - Udél Dwata: Gna Kesfasad ne Lomi Kesfasad

¹⁵ Ngem yóm deng mon Dwata mò ke Musis ekni, monen, “Tódô lemwót bè dou kóyô mélék du yóm tau knoduhu ne yóm tau kenbong nawahu.”Yó gónóm mon, là kóen lemwót bè kun kóyô yóm tau duhen ke bè kun nmò gónón lemwót yóm kkodu Dwata du. Okóm tódô lemwót bè yóm kun kóyô Dwata kmodu du.

Sulat Pol Ebè Yó Kem Tau Hemtahu Bè Rom 9:15 Referans Kwoze

Kehewà 33:19

Mon Dwata se, “Hotu hiwesu bè soluhem yóm tey klinggelu ne heglalagu bè soluhem yóm dou boluy, yakà ou du se yóm sana Dwata hol gónó mogot. Tendo gel hegfanu bè yó kem tau deng néléku yóm tey kkoduhu kul.

Sulat Pol Ebè Yó Kem Tau Hemtahu Bè Rom 9:16

Yó gónóm mon, là kóen lemwót bè kun kóyô yóm tau duhen ke bè kun nmò gónón lemwót yóm kkodu Dwata du. Okóm tódô lemwót bè yóm kun kóyô Dwata kmodu du.

Mika 7:18

Laen kô dù dumu Dwata mkél kóm. Uu se yóm Dwata hmifót salà yó kem dù tauhem mowil. Sal gel wen sónen yóm kebutem tau, abay se yó hol nô bè nawahem yóm kkoduhem kul.