Sulat Pol Ebè Yó Kem Tau Hemtahu Bè Rom 9:13 - Udél Dwata: Gna Kesfasad ne Lomi Kesfasad

¹³ Lómón yóm sotu deng mon Dwata bè sulaten, monen, “Jakub yóm kenbong nawahu, fen kenbéu Iso.”

Sulat Pol Ebè Yó Kem Tau Hemtahu Bè Rom 9:13 Referans Kwoze

Tekang Kbuten 29:33

Bud mlutut bè yó Liya ne bud mngà logi. Yó monen, “Deng tngón Dwata yóm kudì nawa tuha logihu dou, yó gónón bemlay du dou nim ngà ni.” Ne yó boluyen du yóm ngaen sut yó, Simyun.

Tekang Kbuten 29:31

Timbow ton Dwata yóm là kbong nawa Jakub ke Liya, yó gónón hwen ngaen ne fen laen duen ke Rakél.

Kun Snulat Jan 12:25

Yóm tau, ke són ktesen yóm klowilen te tonok, angat lanahen yóm klowilen yó. Okóm yóm tau ke là ktesen du yóm klowilen te tonok, angat gutahen yóm klowil laen dù tul sónen.

Kun Snulat Luk 14:26

“Yóm tau ke loloen o, okóm ke alì gfét nawahen bè kem tuhahen ne bè yehenen, duhen bè yó kem ngaen kkólen bè yó kem dumuhen setwoli, dalang se bè yóm kun klowil, kéngen yóm kloloen do yó.

Matyu 10:37

Yóm tau ke loloen o,” mon Jisas, “okóm ke alì henlom nawahen kem tuhahen, kéngen yóm kloloen do yó. Dalang se ke alì henlom nawahen kem ngaen, kéngen yóm kloloen do.

Kem Udél Hlalak Tehe Selumun 13:24

Là kóen bong nawahem du yóm ngaem ke olom beyen móló mfes sok sidek nmoen, okóm ke kenbong nawahem yóm ngaem tendo tnedengem anì gulit.

Mark 12:10

Omin Jisas bud mon du mò kul, “Deng hónô senfala ye se yóm tehe monen bè Sulat Dwata, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem, yó se yóm hol tahu botu mò hembegel yóm gónô hdà le.