Sulat Pol Ebè Yó Kem Tau Hemtahu Bè Rom 9:1 - Udél Dwata: Gna Kesfasad ne Lomi Kesfasad

¹ Wen sotu tulónu kuy, là moe kéng bélê ye abay se ou sotu tau nfun Krays tendo galak kehedemu bè yóm Tulus Dwata.

Sulat Pol Ebè Yó Kem Tau Hemtahu Bè Rom 9:1 Referans Kwoze

1 Timuti 2:7

Ni se gónó Dwata hógów dou mò tmolok yó kem dumu tau là Ju le anì hentahu le yóm ktahuhen. Hol tahu nim monu ni, là kô kéngu du.

Sulat Pol Ebè Yó Kem Tau Hemtahu Bè Rom 1:9

Tódô tngón Dwata là kóen skó yóm tendo gel knihu bélê ye. Nim Dwata monu ni, du se yóm Dwata hol gónóhu hmotu nawahu mit yóm Tulón Hyu gbak ebè yóm Ngaen.

Glasya 1:20

Ni kem snulatu ebélê ye ni, hono tahu. Ton Dwata yóm klaen dù kéngu.

Flipay 1:8

Tódô tngón Dwata yóm hol ktahuhen yóm nawahu ebélê ye, yóm nawa hol lemwót bè Krays Jisas.

2 Kurin 11:10

Hol lómón ktahuhen yóm kun udél Krays yóm ktahu nim monu ni, ne là kóen bud mulék elem baku snéen. Là kóe angat hlowil bélê ye, yu kem tau bè klamangen prubinsya Akiya.

Sulat Pol Ebè Yó Kem Tau Hemtahu Bè Rom 8:16

Yó sem Tulus Dwata heglileb du tekuy yóm deng kngaen tekuy Dwata.

1 Timuti 1:5

Yó hol muhen nim hlolou kóm ni anì wen yóm kesbong le nawa lemwót bè yóm klaen dù belenen yóm nawa le, ne yóm klaen dù blóng le ebè Dwata, ne hol tahu duhen yóm kehtahu le.

1 Tisalunika 2:5

Deng hónô tngón ye yóm kmò kwit me du yóm tehe gel tulón me kuy, là kô na me e nmò du bélê ye yóm udél hegbóy, duhen ke wen udél mò lemimun yóm gel sen-glom me. Dwata gemtanud du ktahuhen nim monu ni.

2 Kurin 12:19

Déke yó hendem ye, yó muhu mudél du nim udélu ni mò balau yó kem tey dê udél etahu. Là kô yó du. Kaem yó dé muhen mò gónóhu gemtóbóng kuy, yu kem dumuhu sogot nawa. Krays se nim fen hudél do ni. Bè yóm kudélu du, hol lómón ke nóe bè solu Dwata.

2 Kurin 1:12

Sotu gónó me gel hligal, abay se tódô tngón me laen kô dù belenen yóm kmò me ebè kem dumu me tau, hol néen yóm gel kmò me ebélê ye. Laen kô bang buni me bélê ye se, ne tódô tngón Dwata snéen yóm kgotu nawa me ebélê ye. Bè yóm kmò me du nim nmò me ni, là kô tódô salig me du yóm kum ketngón, sal gel snalig me yóm kfasang Dwata tmóbóng kum.

1 Timuti 5:21

Gungol Dwata ni kem monu mò kóm ni, ne gungol Krays Jisas se kun, dalang se yó kem hógów Dwata nô bè longit. Hol nulitem ni kem hlolou kóm ni, ne béen mtukul henlom nawam.

2 Kurin 11:31

Tngón Dwata ke kéngu nim deng tulónu kuy ni. Du se hol Dwata yóm gónó tekuy mogot Jisas Krays, ne bud Maen snéen. Tey laen sónen yóm kdóyónu ke Dwata.

2 Kurin 1:23

Yó gónóhu là dohò slob bélê ye bè Kurin bè yóm tehe kógówu, abay se là kóyóu du ke wen gónóhu mudél kuy. Tódô ton Dwata se ke kéng nim monu ni koni. Gotu tngónen se yóm nô bè nawahu.

Sulat Pol Ebè Yó Kem Tau Hemtahu Bè Rom 2:15

Tódô dilô bélê le deng eles nô lem hendem le yóm deng monen bè hlau Musis. Lemwót bè yóm kehedem le du, tódô gnóm le ke hyu yóm nmò le duhen ke sidek.

Sulat Pol Ebè Yó Kem Tau Hemtahu Bè Rom 9:2

Yó tulónu kuy ni, yóm là keskóhen yóm alì ksidek kegnómu du