Sulat Pol Ebè Yó Kem Tau Hemtahu Bè Rom 8:7 - Udél Dwata: Gna Kesfasad ne Lomi Kesfasad

⁷ Yóm tau són ktesen kun knóyô, hnohonen Dwata, abay se là kô nimónen du yóm kun hlau Dwata. Bè ktahuhen, là kô gbeken mimón du.

Sulat Pol Ebè Yó Kem Tau Hemtahu Bè Rom 8:7 Referans Kwoze

1 Kurin 2:14

Yóm tau, ke là nóen béléen yóm Tulus Dwata, là kô glileben du lanen yóm tulón lemwót bè yóm Tulus Dwata. Ofo kun mon du ke laen dù muhen. Yó gónón là gmileb du, abay se là nóen béléen yóm Tulus Dwata mò fen heglileb du béléen yóm hol lanen.

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

Sulat Pol Ebè Yó Kem Tau Hemtahu Bè Rom 7:22

Yóm hol nô lem hendemu, bong óyóu du yó kem hlau Dwata.

Hibru 8:10

Bud mon yóm gónó le mogot, ni se angat nmou bè yó kem tau Israél elem hulin kdaw mò lan le hloni ebéléu. Suu lem hendem le yóm dou hlau, ne bud hnóu lem nawa le snéen. Ne ou se baling kul Dwata, ne lu se baling dou tau.

2 Timuti 3:4

Gel natul le kem dumu le, tódô fà le knawa le, tey le alì hegmón. Són nô bè nawa le yóm kenbeyen le, là buden nô bè nawa le Dwata.

Kulasi 1:21

Tehe yu ekni, tehe ye glayuk bè Dwata, ne tey tehe gel khohon ye du lemwót bè yó sem ksidek nmò ye ne ksidek kehedem ye.

Sulat Pol Ebè Yó Kem Tau Hemtahu Bè Rom 8:4

Yó se yóm deng nmò Dwata anì gbek tekuy mò du yóm tedeng hloloen tekuy bè hlauhen. Yó gónó tekuy gembek lemolò du abay se là bud tekuy galak du ne yóm knóyô tekuy, deng tekuy galak bè yóm Tulus Dwata.

Sulat Pol Ebè Yó Kem Tau Hemtahu Bè Rom 5:10

Tey tehe kesfohon tekuy ke Dwata, okóm kun, niten tekuy sefyu hlanen bè yóm le katay yóm Ngaen. Duhen ni, bè yóm deng kesefyu tekuy ke Dwata, milud he bud któbóngen tekuy hlanen bè yóm deng bud kehlowilen ke Krays.

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Kun Snulat Jan 7:7

Là kô knutó nawa le kuy yó kem tau lem benwu. Ou se yóm knutó nawa le, abay se tódô gel benkasu bélê le yóm sidek gel nmò le.

Sulat Pol Ebè Yó Kem Tau Hemtahu Bè Rom 3:31

Déke bud wen tau mon du, “Ke mlan bè kehtahu tekuy ke Jisas, laen dù bud muhen ne yóm klolò tekuy yó kem hlau Musis.” Là kô yó du. Mom milud he klolò tekuy du yóm hlau lemwót bè yóm deng kehtahu tekuy ke Jisas.

Sulat Pol Ebè Yó Kem Tau Hemtahu Bè Rom 1:30

ne tey gel sidek kestulón le kem dumu le. Tey knutó nawa le Dwata, ne tódô gel nfà le kem dumu le. Tey kehton le salù. Hono kem tau heklabak. Sónmò le matul kmò le sidek. Sotuhen, là dog nimón le yó kem tuha le.

Matyu 12:34

Ya nim yu kem tau, knawa ye ulal. Yó gónón sidek kebkó ye, abay se hono sidek yóm nô lem hendem ye. Yó se nô lem hendem yóm tau, yó se sut bè sumóngen.

2 Pitér 2:14

Són libun tendo henklol le. Là dengen gsengel nawa le mò du yóm sidek baluen ke hilu dulék le semsulit mò du. Gel hegbóy le yó kem tau là dengen dmolil kehtahu le. Deng hol tahu knalam le yóm knawa sbì. Kaem deng nô ta le ne yóm kegtafak le bè Dwata.

Matyu 5:19

Duhen yó, ke wen tau mulé du yó kem hlau yó, balù yó kem olo leneken, ne ke deng mom bud niten kem dumuhen tau mulé du, du se yóm hol glaan bè yó kem tau nogot Dwata bè longit. Okóm yóm tau mimón du yó kem hlau yó, ne lelen tmolok du bè yó kem dumun anì nimón le se kul, angat geta boluyen lem blóng yó kem tau nogot Dwata bè longit yóm tau yó.

2 Tutul Israél 19:2

Senlong Jihu yóm tau wen hton Dwata du, ngà Hanani. Yó mon Jihu mò du, “Moen du ke mom tnóbóngem yó kem tau gel mò sidek, fen kenbong nawahem yó kem tau kmutó nawa ke Dwata? Lemwót bè nim nmoem ni, gbunuem ne yóm kebut Dwata kóm.

Kem Lingón 53:1

Yó mon nawa yó kem tau là hulung le hedem, “Laen kô dù Dwata.” Yó kem tau mon du yóm yó, hono kem tau mò sidek, nmò le yóm nmò alì kenyó. Laen dù bélê le mò du yóm tedeng, balù sotu.

1 Kurin 9:21

Senged se ke nóe lem blóng yó kem tau là Ju le, là kô naw e lolò du yóm kum hlau mi kem Ju abay se là kul hlau du yóm yó. Okóm tódóe hmung bè kul adat anì wen lanu mit kul ebè Krays. Ya mon ke là bud lolou du yóm hlau Dwata. Lómón ke gotu lolou lu se lanu lemolò yóm hlau Krays.

Kehewà 20:5

Bê ye abay mtud bukol bè yóm dwata lenbù, duhen ke tmaba ebéléen abay se ou yóm sana kuy Dwata hol gónó ye mogot. Tey sidek kélés nawahu du ke wen dumu dwata gónó ye tmaba. Tnafaku yó kem tau kembê do, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Kulasi 2:18

Hol bê ye abay hnungol yó kem tau hegeta le knô le bélê ye, lemwót bè yó kem tódô gel hegfan bélê le kun. Lu se yó kem tau alì dmuil hlolò du kuy yóm keheglaan knô là tahuhen lan le gel tmaba ebè yó kem hógów Dwata nô bè longit. Yó kem tau yó, olo le beyen hegmón laen dù lem. Tódô lemwót bè kehedem tau te tonok yóm nmò le yó.