Sulat Pol Ebè Yó Kem Tau Hemtahu Bè Rom 8:5 - Udél Dwata: Gna Kesfasad ne Lomi Kesfasad

⁵ Yó kem tau galak bè kul knóyô, són yó ne hendem ktes le, són yó kem kul knóyô. Okóm yó kem tau galak bè Tulus Dwata, són yó hendem ktes le, són yóm kun kóyô yóm Tulus Dwata.

Sulat Pol Ebè Yó Kem Tau Hemtahu Bè Rom 8:5 Referans Kwoze

1 Kurin 2:14

Yóm tau, ke là nóen béléen yóm Tulus Dwata, là kô glileben du lanen yóm tulón lemwót bè yóm Tulus Dwata. Ofo kun mon du ke laen dù muhen. Yó gónón là gmileb du, abay se là nóen béléen yóm Tulus Dwata mò fen heglileb du béléen yóm hol lanen.

Kun Snulat Jan 3:6

Yóm ngà sut bè tau, tau se yó. Okóm bè yóm bud kehlomihen sut yóm tau, deng baling ngà Dwata ne, lemwót bè yóm deng nmoen béléen yóm Tulus Dwata.

Sulat Pol Ebè Yó Kem Tau Hemtahu Bè Rom 8:9

Okóm kuy, là bud ye galak du ne yóm kuy knóyô ke deng nô bélê ye yóm Tulus Dwata tendo gónó ye galak. Okóm ke là nóen béléen yóm kun Tulus Krays yóm tau, là dengen kun tau Krays he yóm tau yó.

Mark 8:33

Okóm binguy Jisas ebè yó kem gel lemolò du, ne bnólówen Pitér, monen mò du, “Hlayuki béléu, Seitan. Là kóen lemwót bè Dwata yóm kehedemem yó, kaem kehedem tau te tonok.”

2 Kurin 10:3

Tahu se, tau me te tonok, okóm bè yóm kmò kwit me sfatay bè yó kem tolok sekban nwit le, là lemwóten bè kehedem tau te tonok.

2 Pitér 2:10

Hol néen yó kem tau tódô lolò le yóm sidek knóyô lówó le, ne gel natù le Dwata. Ni kem tau tmolok sekban ni, laen kô dù nadat le, ne tey kehegmón le. Balù yó kem alì mfasang gel nô bè longit, sana kehnê le kul.

Ifisus 5:9

Wen tey bunguhen yóm deng knô tekuy lem layag yó, duhen yóm hyu kmò tekuy bè kem dumu tekuy, ne yóm ktedeng tekuy, ne yóm kimón tekuy du yóm ktahuhen.

1 Kurin 15:48

Kdéen tau te tonok, hono mkél bè yóm tau tehe lemwót gu bè tonok. Senged se yóm kdéen tau angat nô bè longit, angat le mkél bè yóm tehe lemwót gu bè longit snéen.

Glasya 5:17

Abay se yóm sidek knóyô lówó tau, kenbéen yóm kun kóyô yóm Tulus Dwata. Dalang se yóm Tulus Dwata, kenbéen yóm sidek knóyô lówó tau. Kaem sfohon le yóm lewu le yó. Yó gónóm mon, ke halak kuy bè Tulus Dwata, là kô gmò tekuy du ne yóm knóyô lówó tekuy yó.