Sulat Pol Ebè Yó Kem Tau Hemtahu Bè Rom 8:4 - Udél Dwata: Gna Kesfasad ne Lomi Kesfasad

⁴ Yó se yóm deng nmò Dwata anì gbek tekuy mò du yóm tedeng hloloen tekuy bè hlauhen. Yó gónó tekuy gembek lemolò du abay se là bud tekuy galak du ne yóm knóyô tekuy, deng tekuy galak bè yóm Tulus Dwata.

Sulat Pol Ebè Yó Kem Tau Hemtahu Bè Rom 8:4 Referans Kwoze

Glasya 5:16

Yó hol monu mò kuy, yake hol ye halak dé bè Tulus Dwata. Ke yó se nmò ye, là kô bud bninguy ye du yó kem sidek knóyô lówó ye.

Kulasi 1:22

Okóm nim kmoen ni, hlan Dwata bè tum tehe katay Ngaen bè yóm tehe kehbalingen du tau, yó gónón mit kuy sefyu anì hol mólós ktonen kuy bè yóm kdaw kehdaen kuy bè soluhen, ne laen dù belen ye, balù udì ke wen tngelen kuy.

Sulat Jud 1:24

Yó ne kóó. Hol dóyón tekuy dé Dwata. Tek són du yóm gembek tmóbóng tekuy anì là bud tekuy btang. Tek són du gembek mkó du bélê tekuy yó kem salà tekuy anì laen dù sidek tonen bélê tekuy bè yóm kdaw kwiten tekuy bè soluhen. Ngem he tey kligal tekuy bè yóm angat knô tekuy béléen yó.

Hibru 12:23

Hol lómón ke deng tekuy gomong ne bè yó kem gna ngà Dwata deng gsulat bè longit yóm kul boluy, ne deng tekuy gbót ne bè yóm tey kligal le bè yó. Hol lómón ke deng tekuy hloni ebè Dwata, yóm fen kmukum kdéen tau. Lómón ke deng tekuy hloni ebè yó kem kdéen tau hemtahu deng tehe matay, yó kem tau hyu kmò le, kem tau deng baling gulit ni kmoen ni.

Deng Hegfan 14:5

Laen kô kéng le ni kem tau ni, ne laen se kô bang gónó le gemsanil kul yó kem dumu tau.

1 Jan 3:2

Ó kem weu dou dumu sogot nawa, deng tekuy baling ngà Dwata ne ni, okóm là deng getnef tekuy du he yóm angat mò kmò tekuy. Okóm deng eles tngón tekuy ne bè yóm kesfulék Krays, gotu tekuy mkél du lemwót bè yóm hol ktatawen bè yóm kton tekuy du.

Sulat Pol Ebè Yó Kem Tau Hemtahu Bè Rom 2:26

Baluen ke là Juhen yóm tau, okóm ke nimónen yóm hlau Dwata, nadat Dwata ne blayen du yóm kwalis baling hol kun tau yóm tau yó.

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Sulat Pol Ebè Yó Kem Tau Hemtahu Bè Rom 3:31

Déke bud wen tau mon du, “Ke mlan bè kehtahu tekuy ke Jisas, laen dù bud muhen ne yóm klolò tekuy yó kem hlau Musis.” Là kô yó du. Mom milud he klolò tekuy du yóm hlau lemwót bè yóm deng kehtahu tekuy ke Jisas.

2 Kurin 10:2

Yó udélu ebélê ye, yake hol tenles ye kmò ye anì là gungol ye du yóm udél des soke kól dyó. Là kóe likò mudél kul yó kem tau gel mon du bè yóm gel nmò me lem blóng ye kun, hol me mkél bè kul kehedem yó kem tau te tonok.

2 Kurin 10:3

Tahu se, tau me te tonok, okóm bè yóm kmò kwit me sfatay bè yó kem tolok sekban nwit le, là lemwóten bè kehedem tau te tonok.