Sulat Pol Ebè Yó Kem Tau Hemtahu Bè Rom 8:38 - Udél Dwata: Gna Kesfasad ne Lomi Kesfasad

³⁸ Deng hónô tngónu, laen dù gembek semkó tekuy bè yóm kbong nawahen tekuy Dwata. Laen dù bè nim klowil tekuy ni, balù hatay, balù yó kem hógów Dwata gu bè longit, ne yó kem mtulus gel dók Seitan, balù yó kem gel sut bélê tekuy nim kmoen ni, dalang se yó kem sut hulin kdaw,

Sulat Pol Ebè Yó Kem Tau Hemtahu Bè Rom 8:38 Referans Kwoze

Kun Snulat Jan 10:28

Angat benlayu lu klowil laen dù sónen, là kô le na a matay. Ne laen se kô dù gembek semkot kul lem hólólu.

Sulat Pol Ebè Yó Kem Tau Hemtahu Bè Rom 14:8

Bè yóm igò tekuy mowil, Jisas yóm mfun tekuy. Ne kesok tekuy matay, bud du snéen mfun tekuy. Kihu ke mowil tekuy duhen ke matay tekuy, du se mfun tekuy.

2 Timuti 1:12

duhen nim gónóhu fen glayam ni. Okóm là kóen mili nawahu, abay se deng tngónu Dwata, yóm dou gentud nawa, ne deng tngónu se yóm kegbeken semgifà du yóm kdê deng sigangen tahu efet kól bè yóm kdaw angat kdau bè soluhen.

1 Pitér 3:22

Ne ni kmoen ni deng nô bè longit ne Jisas, myón fi bè kwanan Dwata mò ilô yóm kehkamal Dwata du du yóm kdéen hógów Dwata gu bè longit, ne kdê yó kem dumu mtulus wen kwalis le ne wen kfasang le bè yó bè longit.

Kulasi 1:16

Yakà deng hedlimun Dwata du ke Krays yóm kentihen nô bè longit ne kentihen nô te tonok. Kentihen ton ne kentihen là ton mata du, gotu hedlimunen du, gomong lemen yóm kdéen tau mogot benwu ne yó kem benwu nogot le, kem tau wen knamal le ne kem tau wen kwalis le. Tódô kentihen, gotu hedlimun Dwata ke Krays mò kun.

Kulasi 2:15

Ne bud bè tum tehe katay Krays bè kros, yó se gónón mkó du bè Seitan yóm kun kfasang, ne yóm kul kfasang yó kem dumu mtulus deng genlal Seitan. Gotu hegfanen bè gónón wen yóm deng katuen bélê le.

Ifisus 1:21

Són Krays gónó le mogot yóm kdê deng wen hfogot Dwata kul, yó kem wen kwalis le ne wen kfasang le ne wen glal le. Yóm boluy Krays, laen kô dumu boluy tótól semnged du nim kmoen ni ne balù yóm elem hulihen kdaw.

2 Kurin 4:13

Wen tehe monen bè Sulat Dwata, yó monen, “Deng hentahuhu Dwata dou, ne yó se gónóhu bud tmulón du bè kem dumu tau.” Senged se kum, deng me hemtahu snéen, ne yó se lewót gónó me tmulón du bè kem dumu tau.

Sulat Pol Ebè Yó Kem Tau Hemtahu Bè Rom 4:21

Tey ken-gel nawan yóm kegbek Dwata dmohò du yóm fasaden béléen.

2 Kurin 11:14

Là hentaw tekuy du yóm kul nmò yó. Ngem sem Seitan du kun, gel hlingu bè hógów Dwata alì lemayag gu bè longit.

Hibru 11:13

Ni kem tau monu ni koni, là kô dog ton le du yóm fasad Dwata kul, deng le gotu matay gu laanen. Okóm bè yóm tehe tolo klowil le, hol lómón ke deng ton le, ne tey kligal le du snéen, balù yóm tolo klimahen bélê le. Yó gel mon le, “Tau me milo se kum. Olo kem kum hlun gónó nô nim benwu ni.”

Sulat Pol Ebè Yó Kem Tau Hemtahu Bè Rom 6:23

Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.

Sulat Pol Ebè Yó Kem Tau Hemtahu Bè Rom 14:7

Bè yóm klawi tekuy mowil, ne balù bè yóm angat katay tekuy, wen mfun tekuy. Yó gónóm mon, yake béen són yóm knóyô tekuy tendo nmò tekuy.

1 Kurin 15:24

Ominen yó he sut yóm hol són kdaw. Bè yóm kdaw yó, angat nmò Krays sónen yóm kdê deng tehe htulus Seitan, duhen yóm dê deng hfogoten, ne yó kem dumu wen kwalis le ne wen kfasang le. Bè yóm angat kegesón le yó, omin Jisas hogot du ke Dwata, yóm Maen, yóm kdê tau nogoten.