Sulat Pol Ebè Yó Kem Tau Hemtahu Bè Rom 8:36 - Udél Dwata: Gna Kesfasad ne Lomi Kesfasad

³⁶ Lómón yóm monen bè Sulat Dwata, monen, “Lemwót bè klolò me kóm, Dwata, yó gónón là skó yóm tendo kóló le hmatay kum. Lómó kehedem le ebélê me, lómón ke ógóf nóló tnétê.”

Sulat Pol Ebè Yó Kem Tau Hemtahu Bè Rom 8:36 Referans Kwoze

Kem Lingón 44:22

Okóm lemwót bè yóm klolò me kóm, Dwata, gónó le tendo tô hmatay kum ket kdaw. Hol me mkél bè yóm ubiha gel hnatay le.

Isaya 53:7

Tey sidek kmò le du, okóm tódô hen-ganagen nawahen hembala du. Hol lómón yóm ngà ubiha móyón senbalì là kóen mudél, duhen ke yóm ubiha móyón nóngós le béléen bulen là kóen mudél.

1 Kurin 15:30

Ne bélê me kum, ke là se tahuhen yóm angat bud kehlowil Dwata kem tau, tedu se muhen yóm alì kehbala me du yóm tendo gel kehsidek le kum ket kdaw?

1 Kurin 4:9

Bede bélê me kum kem tau deng nélék Krays mò gel hógówen, bè dou kehedem du, dô mi se yó kem tau deng alì heglaan Dwata bè kdéen. Ne lómón ke mi yó kem tau deng nfét mò hnatay bè gónón wen. Tódô kdéen tau temngel kum, ne balù tu kem hógów Dwata gu bè longit, gotu tenngel le mi se kul.

Kul Nmò 8:32

Tahu se, motun Filip. Ni sii yóm senfalahen bè yóm udél Dwata, monen, “Yóm tau hnatay le yó, lómón ke yóm ubiha nalak le bè yóm gónó le sembalì du, là kóen dog kmédéw. Duhen yóm ngà ubiha ke nóngós le béléen yóm bulen, là kóen dog kmédéw, tódô hbayà. Lómón yó se kmoen yóm tau hnayam le yó, là kô nan e bnalà kul, tódô hbayà bélê le.

Kul Nmò 20:24

Okóm kem kunen ne myó du, là kô ngalihu du klowilu,” mon Pol, “olo ke tô là henfuhu du yóm hmoen dou Jisas, duhen yóm ktulónu du bè kem tau yóm Tulón Hyu gbak ebè yóm lan Dwata tmóbóng kul.

Kun Snulat Jan 16:2

Angat là bud hmung le kuy bè yó kem gónó ye gel stifun. Angat wen kdaw le hmatay kuy yó kem tau. Ofo kul mò du yóm yó, ke yó yóm hyu bè Dwata.

Jirimaya 12:3

Okóm béléu dou, Dwata, deng tngónem yóm nô lem but blututu. Tonem ou ne tngónem se yóm nô lem hendemu. Ni kem tau mò sidek ni, dyolem lu hlayuk lómón kedyol le yóm ubiha ebè yóm gónó e tmétê du. Htólóngem lu efet kól bè yóm kdaw khatayem kul.

Kem Lingón 141:7

Lómón yóm tau dmadu, gotu gomong senwóten yó kem botu, ne gotu bulét, lómón se yó kbulét tiol yó kem tau gel mò sidek, laen dù mdengen lembeng kul.

Kem Lingón 44:11

Lómón kmoem kum, lómón ubiha mò tnétê. Deng gotu senklahem mi ebè yó kem tólóng benwu.

1 Kurin 15:31

Béléu dou, kem dumuhu setwoli, wen se tendo móló hmatay dou ket kdaw. Yó gónóhu tmulón du kuy nim ni lemwót bè yóm tey kligalu bè yóm deng kessotu tekuy bè Krays Jisas, yóm gónó tekuy mogot.

2 Kurin 1:9

Hol lómón kegnóm me du, lómón ke deng hto yóm buteng me matay. Okóm yó gónón lómón yó keglayam me anì là bud snalig me du yóm kum knô, anì són Dwata yóm hol snalig me, yóm gembek hlowil du yóm tau deng matay.

2 Kurin 6:9

Laen kô dù boluy me bè kem dumu tau, okóm bong me tótól bè kem dumu. Ne udì duen gónó me là gel matay, okóm ton ye se, ni mi, tolo me mowil. Gel wen se tau hemsidek kum, bede là se henlós hnatay le kum.

2 Kurin 11:23

Ke gel mon le tau le tóbóng lówó Krays se kul, mom ou ne tau tóbóng lówó hol gulit senta le. Ni se udél yóm tau lengel mata nim udélu ni. Là kô na le e gatù dou bè yóm alì kmou nmò bè Krays. Deng hilu duléku geblanggù, ne deng hilu duléken ne wen tau mfes dou ne tô hmatay do.

Flipay 3:10

Tek són yó hol sen-galuhu ni kmoen ni, duhen yóm ketngónu ke Krays, ne ke gnómu bè klowilu yóm tey kegbek Krays bè yóm deng klowilen gu lem hatay. Kóyóu ke gnómu snéen dou yóm tehe keglayamen anì mkéle du bè yóm tehe katayen,