Sulat Pol Ebè Yó Kem Tau Hemtahu Bè Rom 8:35 - Udél Dwata: Gna Kesfasad ne Lomi Kesfasad

³⁵ Duhen yó, laen kô dù gembek semkó tekuy bè yóm kbong nawahen tekuy Krays. Baluen ke dê mgel gónó tekuy glayam, duhen ke hnayam le tekuy lemwót bè kehtahu tekuy, anien ke wen bitil bong, duhen ke wen gónó élél, duhen ke wen knikò, baluen ke mom hnatay le tekuy, senged snéen, laen kô dù gembek semkó tekuy bè yóm kbong nawahen tekuy Krays.

Sulat Pol Ebè Yó Kem Tau Hemtahu Bè Rom 8:35 Referans Kwoze

Kun Snulat Jan 10:28

Angat benlayu lu klowil laen dù sónen, là kô le na a matay. Ne laen se kô dù gembek semkot kul lem hólólu.

Kem Lingón 103:17

Okóm bè yó kem tau wen klikò le ke Dwata, laen kô dù sónen yóm kbong nawa Dwata kul. Balù hilu bud lugod le, yó ne yóm kehyu nawan ebélê le

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

2 Kurin 4:17

Ke hendem me yóm tey kehyuhen yóm guta me hulin kdaw, élél tnalaw ni dum keglayam te tonok ni, tek olo kem likóten. Ke tódô henbala me nim ni, là kô gbek me hmingón du yóm alì kehyuhen yóm klowil laen dù sónen.

Sulat Pol Ebè Yó Kem Tau Hemtahu Bè Rom 8:39

balù yó kem htulus Seitan lemwót gu te kmawang, duhen ke lemwót gu lem tonok, ne yóm kdéen deng dlimun Dwata, laen kô gembek semkó tekuy bè yóm kbong nawa Dwata tekuy, hlanen bè yóm gónó tekuy mogot Krays Jisas.

2 Timuti 1:12

duhen nim gónóhu fen glayam ni. Okóm là kóen mili nawahu, abay se deng tngónu Dwata, yóm dou gentud nawa, ne deng tngónu se yóm kegbeken semgifà du yóm kdê deng sigangen tahu efet kól bè yóm kdaw angat kdau bè soluhen.

1 Kurin 4:11

Efet nim kmoen ni, sana tolo gel keglayam me bitil ne meeng. Ne laen kô hol nes me, lel le gel mfes kum yó kem dumu tau. Ne laen kô hol mdengen gónó me nô se kum.

Sulat Pol Ebè Yó Kem Tau Hemtahu Bè Rom 8:17

Lemwót bè yóm deng kngaen tekuy yó, yó se gónó tekuy gmuta du yó kem hyu angat blayen bè yó kem ngaen. Angat tekuy gomong bè yó kem hyu angat blayen ke Krays snéen. Ke wen gónó tekuy glayam ni kmoen ni lemwót bè klolò tekuy ke Krays, angat tekuy bud mung béléen snéen bè yóm tey kegetahen hulin kdaw.

Jirimaya 31:3

Ó kem dou tau, laen kô dù sónen yóm kbong nawahu kuy. Yó gónóm mon, tódô senflósu hegfan du bélê ye yóm là konol yóm kbong nawaw kuy.

Kun Snulat Jan 13:1

Tek sendaw ne dù kehtohen yóm mò ken bè yóm Kdaw Khius. Tódô tngón Jisas yóm móyón ktebelen yóm benwu ni, ne bud mulék ebè Maen. Tey tendo gel kbong nawahen kul yó kem tau gel lemolò du, ne là kóen monol nawahen ebélê le efet kól bè yóm ktagaken kul.

2 Tisalunika 2:16

Yó hem gónó tekuy mogot Jisas Krays ne Dwata, yóm Mà tekuy, hol gemduf kuy ne hol temgel nawa ye anì senflós ye mò du yóm hyu, ne senflósen hyu yóm gel mon ye. Tey kbong nawahen tekuy Dwata. Lemwót bè yóm któbóngen tekuy, yó gónón tendo wen kgel nawa tekuy, ne tendo wen yóm tey hendón nefet nawa tekuy.

Kul Nmò 14:22

Ten-gel le nawa yó kem tau hemtahu, ne tey kegduf le kul anì là gkó le du yóm deng ksalig le ke Jisas. Yó mon le, “Nan dê he mgel glan tekuy ke tô tekuy gmung bè yóm kogot Dwata tau.”

Deng Hegfan 1:5

Ne yóm Jisas Krays, tey gsalig yóm gel tulónen. Du se yóm hol geta bè yó kem deng hlowil Dwata gu lem hatay. Bud du se kmamal yóm kentihen tau hol geta mogot benwu talak tonok. Tey kbong nawahen tekuy, gloken hamà yóm kun litô bélê tekuy mò lanen lemwà tekuy gu lem salà

Sulat Pol Ebè Yó Kem Tau Hemtahu Bè Rom 2:9

Angat tey tendo keglayam le yó kem tau gel mò sidek, lenwóten bè yó kem Ju kkólen bè yó kem tau là Ju le.

Sulat Pol Ebè Yó Kem Tau Hemtahu Bè Rom 8:37

Okóm lemwót bè yóm tóbóng Krays, yóm fen kembong nawa tekuy, yó gónó tekuy matù bè yó kem mgel gel sut bélê tekuy.

1 Kurin 4:12

Tey gel kmò me nmò anì wen gónó me ma klowil me. Sok wen gel hemmulà kum, mom gel hni me lu bè Dwata. Sok wen gel hemsidek kum, tódô kem henbala me.

2 Kurin 4:8

Tey keglayam là skas nim tendo kum keglayam, okóm là kô gwiten kum. Wen se kdawen là kô tngón me du lan me gewà, okóm là kóen na a lebà nawa me du.

2 Kurin 4:9

Tey dê tau gel hmohon kum, okóm sal gel wen wè me. Wen se kdawen tey kehsidek le kum, okóm là kô hatay me du.

2 Kurin 12:10

Deng kem knalamu ne yó kem dê gónóhu lunog, ne yó kem alì gel kehnê le do yó kem tau. Deng knalamu snéen dou yóm klowil mgel, ne yóm alì gel kehsidek le do yó kem tau là hemtahuhen. Ne dê he kem dumu sidek gel gbunuu deng kem knalamu. Baluen ke wen gónóhu gel lunog, kaem bè yó se gónóhu bud lemwót kemgis.

Ifisus 3:19

Kóyóu ke hol gnóm ye yóm tey kbong nawahen kuy. Ewenem yóm nawahen tekuy yó, là kô hol glileb tekuy du yóm mò kmoen. Ke deng tahu gnóm tekuy nim ni, hol lómón ke deng tekuy skél bè yóm kun kmò Dwata.