Sulat Pol Ebè Yó Kem Tau Hemtahu Bè Rom 8:31 - Udél Dwata: Gna Kesfasad ne Lomi Kesfasad

³¹ Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Sulat Pol Ebè Yó Kem Tau Hemtahu Bè Rom 8:31 Referans Kwoze

Kem Lingón 118:6

Tendo nô béléu Dwata, laen kô dù bang knikou. Laen kô dù gmò le béléu yó kem tau.

Jirimaya 1:19

Angat natù le uu, okóm là kô gbek le kóm. Yakà tendohe nô béléem ne tendo kenlungu uu. Ou se yóm sana Dwata hol gónó mogot nim mudél ni.”

Kem Lingón 56:11

Són Dwata snaligu, yó gónów là likò. Laen dù gmò le béléu yó kem tau tonok.

1 Jan 4:4

Okóm yó dum kuy, kem ngà, Dwata se hol mfun kuy, ne deng ye matù bè yó kem tau gel tmolok sekban yó, abay se deng nô bélê ye yóm Tulus Dwata, ne tey bong mfasang senta yóm tulus nô bè yó kem tau là hemtahuhen.

Isaya 54:17

Okóm laen kô dù ngom sfatay gembek hemsidek kuy. Sal gel wen balaem kul yó kem tau dmuón kuy hkawang. Sal gel nfihu yó kem dou tau tóbóng lówó ne sal gel hegmou lu bè hohon le.” Ni se udél yóm Dwata hol gónó mogot.

Jirimaya 20:11

Okóm yóm Dwata, tendo nô klohoku lómón ke sendalù lóbô. Là kô le gemmò béléen yó kem hohonu. Là kô le gemmò béléu. Angat tey sidek kyak le, abay se là gfuhen yó kem tô atul le etahu. Ne là kô klifót kem dumu tau du yóm tey kyak le yó.

Kem Lingón 56:4

Tey kdóyónu du yóm udélem, Dwata. Són Dwata snaligu, yó gónów là likò. Laen dù gmò le béléu yó kem tau tonok.

Lista 14:9

Bê ye mom natù Dwata dé ne bê ye abay knikò tu kem tau menwu ditu. Là kóen legen keglà tekuy kul tu kem tau tu abay se tendo eles nô bélê tekuy Dwata ne laen kô dù gónó le hofin se kul. Yó gónóm mon, hol bê ye abay hlikò.”

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Kem Lingón 46:7

Nô bélê tekuy yóm Dwata laen dù là gbeken du, yóm Dwata hol gónó tekuy mogot. Du se yóm Dwata tehe Jakub, ne du se mò gónó tekuy e mlo.

Kem Lingón 46:11

Nô lem blóng tekuy yóm Dwata laen dù là gbeken du. Du se yóm Dwata tehe Jakub, ne du se gónó tekuy e mlo.

1 Samwél 14:6

Yó udél Junatan ebè yóm tau mit klungen, monen mò du, “Géhéli, hnusek te kamfù yó kem Flistin là hemtahu bè Dwata yóó. Là tngónem du déke tnóbóngen tu Dwata. Ke tnóbóngen tu, laen kô dù hemseng du bè yóm kehegmoen kut baluen ke tek sónen tu.”

Sulat Pol Ebè Yó Kem Tau Hemtahu Bè Rom 4:1

Yake hol hendem tekuy yóm tehe Abraham ekni, yóm tehe fù tekuy kem Ju. Tedu but gónón tedeng kton Dwata du?

1 Bok Kem Tau Hol Geta 8:57

Yó hem sana kut Dwata hol gónó mogot tendo nô bélê tekuy lómón yóm tehe knóen bè yó kem tehe fù tekuy ekni. Hni me béléen anì là kô nan e bayà tekuy,

2 Bok Kem Tau Hol Geta 6:16

Bnalà Ilaysa se, monen, “Béi hlikò, yó kem mofin kut, bong le wen senta yó kem mung bélê le.”

Kem Lingón 56:9

Bè yóm kdawu htóbóng béléem, Dwata, gotu le beklil mulék yó kem hohonu. Bè yó se gónóhu temngón du deng nfi Dwata ou.

Isaya 8:10

Eles ye mò atul, okóm laen kô dù nefeten yóm atul ye yó. Eles sentulón ye yóm nóyô nmò ye, okóm laen dù gónóhen e kól yóm nmò ye yó abay se yóm Dwata tendo eles nô bélê me kum.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Jirimaya 42:11

Bê ye abay bud hlikò bè yóm tau hol geta bè Babilun, abay se ou tendo nô bélê ye ne angat bud lenwau yu lem hólólen.

Matyu 1:23

“Angat wen sawang libun tódô mlutut, ne mngà logi, ne boluy le du Imanyuwél (yó lanen yóm boluyen yó, tendo nô bélê tekuy Dwata).”

Sulat Pol Ebè Yó Kem Tau Hemtahu Bè Rom 3:5

Okóm ke mom yó udél yó kem dumu tau, ke mon le là sideken kun ke mò salà yóm tau anì gdilô yóm kun ktedeng Dwata. Yó gónóm mon, là hyuhen kun ke tnafak Dwata yóm tau mò sidek. (Déke wen se mon du nim ni.)