Sulat Pol Ebè Yó Kem Tau Hemtahu Bè Rom 8:30 - Udél Dwata: Gna Kesfasad ne Lomi Kesfasad

³⁰ Duhen yó, yó kem tau deng hetfing Dwata, lu se yó kem tau tehe tnabahen ne gotu henbalingen lu tau tedeng ktonen kul, ne angat hmungen lu bè yóm tey kegetahen ditu bè longit hulin kdaw.

Sulat Pol Ebè Yó Kem Tau Hemtahu Bè Rom 8:30 Referans Kwoze

Deng Hegfan 17:14

Angat le gotu mit sfatay bè yóm Ngà Ubiha, okóm laen kô dù gmò le béléen. Ne yó kem tau mung bè yóm Ngà Ubiha, lu se yó kem tau tehe tnabahen, deng tehe néléken, tau là monol nawa le bè yóm klolò le du. Angat le matù, abay se yóm Ngà Ubiha, du se yóm hol gónó le mogot yó kem kdéen mogot, ne du se yóm Hol Geta bè yó kem kdéen tau hol geta.”

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

Ifisus 1:11

Bè kdéen nmò Dwata, sal lemwót bè kun kmò kehedem du ne bè kun katul du. Deng néléken tekuy mò kun tau hlanen bè yóm deng kessotu tekuy bè Krays, yakà yó du hol kóyóen bélê tekuy. Tódô lemwót bè hol kbuten kehedemen mò du ni kem ni.

Hibru 9:15

Yó gónóhem mon, Krays se yóm lomi lan deng nmò Dwata mò lan tekuy hloni ebéléen. Yó gónón mò du anì kdê yó kem tau deng tnaba Dwata, gotu ton le yó kem hyu tehe fasad Dwata kul, yóm hyu laen kô tul sónen. Hol tahu dohò nim ni, abay se deng wen fen matay. Yóm katayen yó, gotu lenwaen yó kem tau bè yó kem sidek tehe gel nmò le bè yóm tehe klolò le yó kem gna hlolò le kul.

Ifisus 1:5

Lemwót bè yóm kbong nawahen tekuy Dwata, deng kem tehe eles gegna ne kehedemen du yóm kngaen tekuy hlanen bè Jisas Krays. Tey kligalen bè yóm kngaen tekuy yó, hol lemwót bè kun kóyô yóm kmoen du.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

1 Pitér 3:9

Bê ye abay bnalà sidek yó kem tau mò sidek bélê ye. Ke wen tau semdekà kuy, bê ye bud semdekà se kuy. Yó dé balà ye du, duhen yóm hyu bélê le. Abay se bè yóm tehe ktaba Dwata kuy, yó fasaden kuy yóm hyu bélê ye.

Kun Snulat Jan 17:22

Deng blayu kul yóm kegeta tehe blayem dou. Yó se gónón wen kessotu nawa le lómón yóm kut kessotu nawa.

2 Pitér 1:10

Duhen yó, kem dumuhu setwoli, hol hotu ye són gel ye mò du nim monu ni koni mò gónó ye hton du yóm deng tehe ktaba Dwata kuy, ne yóm deng kéléken kuy. Ke henlel ye mò du nim ni, là kô na ye e gbek kmogol du yóm kehtahu ye bè Dwata.

1 Kurin 1:9

Tey gsalig yóm Dwata. Du se yóm tehe tmaba kuy anì hol ye sfulung ebè yóm Ngaen Jisas Krays, yóm gónó tekuy mogot.

1 Tisalunika 2:12

Tey gel kegduf me kuy, ne tey gel kehyu me nawa ye, lel me tendo gemduf kuy anì gmò ye yóm gónón hligal Dwata. Du se tehe tmaba kuy anì gomong ye bè yó kem tau nogoten ne bè yóm tey kegetahen.

1 Kurin 1:2

Smulate ebélê ye, yu kem tau deng hemtahu bè Dwata bè syudad Kurin. Deng tnaba Dwata yu mò baling hol kun tau laen dù belenen. Deng nfunen yu hlanen bè yóm deng kessotu ye bè Krays Jisas. Deng ye gotu gomong ne bè yó kem kdéen tau bè dumu benwu deng gel tmaba bè yóm gónó tekuy mogot Jisas Krays.

2 Timuti 2:11

Tey tahu se yóm gel mon le, yóm monen, “Ke deng te gomong matay bè Jisas, bud te gomong mowil béléen snéen.

Deng Hegfan 19:9

Ominen mon du mò do yóm hógów Dwata, “Ni snulatem. Tey kehligal le yó kem tau deng tinok le ebè yóm mò ken bong bè lówó yóm Ngà Ubiha.” Ne bud monen mò do, “Yóm deng snulatem yó, hol udél lemwót lem bak Dwata.”

Kun Snulat Jan 17:24

Ni kem tau deng blayem dou ni, Mà, yó hol kóyóu ke nô le béléu bè yóm dou gónó angat nô. Kóyóu ke hol ton le yóm kegeta deng tehe blayem do lemwót bè yóm tey kbong nawahem do gu laanen là deng wen benwu he.

Isaya 41:9

Deng gotu sentifunu yu lemwót gu bè hol són tonok, deng tnabahu yu lemwót gu bè doli benwu. Ne yó monu mò kuy, ‘Yu se yó kem mò tóbóng lówóhu.’ Là kô naw e kenbê kuy igò sem yu yóm dou nélék.

1 Pitér 5:10

Okóm ke deng legen udì yóm keglayam ye, tey któbóng Dwata kuy. Du se hol hbegel kuy ne tendo ten-gelen yu efet là buden sliwo yóm kehtahu ye. Yó gónón tehe tmaba kuy anì gbót ye bè yóm tey kegetahen ditu bè longit hlanen bè yóm deng kessotu ye bè Krays. Ne yóm kegetahen yó, laen kô dù nan e són.

Kulasi 3:4

Yóm lomi klowil tekuy yó, lemwót bè Krays. Ke bud semfulék edini, angat tekuy gmung béléen bè yóm alì kegetahen bè yóm kdaw yó.

Ifisus 4:4

Tekuy kem tau hemtahu, hol lómón ke deng ssotu lówó tekuy. Tek sotu snéen yóm Tulus Dwata. Ne tek sotu se yóm hol hendón nefet nawa tekuy, duhen yóm deng taba Dwata tekuy.

2 Kurin 4:17

Ke hendem me yóm tey kehyuhen yóm guta me hulin kdaw, élél tnalaw ni dum keglayam te tonok ni, tek olo kem likóten. Ke tódô henbala me nim ni, là kô gbek me hmingón du yóm alì kehyuhen yóm klowil laen dù sónen.

Kun Snulat Jan 5:24

Tódô tulónu kuy ktahuhen,” mon Jisas, “yó se hmungol yóm dou udél, ne hemtahu bè yóm hógów do, deng wen ne kun klowil laen dù sónen. Là angaten megtuled, okóm deng gewà gu lem hatay, ne deng gutahen ne yóm klowil laen dù sónen.

Ifisus 2:6

Lemwót bè yóm deng kessotu tekuy bè Krays Jisas, deng homong Dwata tekuy ne bè yóm le klowilen du gu lem hatay, ne bud homongen tekuy snéen bè yóm deng kehegetahen du ditu bè longit mò mogot klamangen.

Sulat Pol Ebè Yó Kem Tau Hemtahu Bè Rom 8:1

Yó gónóm mon, laen kô bud tafak Dwata kul ne yó kem tau deng ssotu bè Krays Jisas.

Sulat Pol Ebè Yó Kem Tau Hemtahu Bè Rom 1:6

Gomong ye snéen kuy, yu kem tau menwu bè syudad Rom. Deng tnaba Dwata yu anì baling ye hol kun tau Jisas Krays.

Sulat Pol Ebè Yó Kem Tau Hemtahu Bè Rom 8:21

Yó nangat le, duhen yóm angat kehyu le hulin kdaw anì là bud le matay, ne anì gomong le bè yóm tey klowil hyu angat blay Dwata bè yó kem ngaen.

Sulat Pol Ebè Yó Kem Tau Hemtahu Bè Rom 11:29

Yóm Dwata, sok wen tau néléken, ne sok wen tau tnóbóngen, deng duhen yó ne, là kô bud tenlesen du hendemen.

1 Kurin 2:7

Yóm ketngón gel toloku ni, yó se yóm ketngón Dwata tehe gbuni bè kem tau gnan. Okóm gu laan Dwata là deng dmimun du yóm benwu, deng sana eles tngónen yóm kmò kehlanen du bélê tekuy yóm ketngónen yó anì wen klowil tekuy laen dù sónen.

Glasya 1:6

Ya tey sidek ketngahu kuy. Là kóen deng legen yóm kehtahu ye, deng sana mom bud knogol ye Dwata igoen du deng tehe tmaba kuy ebéléen, hlanen bè yóm kun tóbóng Krays. Deng mom henmóyô ye yóm mon le sotu tulón hyu kun.

Glasya 1:15

Okóm balù yóm tehe tey ksidek nmou bè yó kem tau hemtahu, ewenem tey nawa Dwata ebéléu. Yóm gu laanu là deng tau, deng eles néléken ou ne mò sotu bè yó kem gel hógówen. Bè yóm deng kehto yóm buteng tehe fét Dwata,

Glasya 5:8

Là kóen na a lemwót bè Dwata, abay se du deng tehe tmaba kuy ebéléen.

Ifisus 3:11

Yóm nmò Dwata yó, deng eles hendemen ne ekni lemwót bè hol tekang kbuten, ne tódô hlanen bè yóm gónó tekuy mogot Krays Jisas.