Sulat Pol Ebè Yó Kem Tau Hemtahu Bè Rom 8:26 - Udél Dwata: Gna Kesfasad ne Lomi Kesfasad

²⁶ Yóm Tulus Dwata, tey ketgelen tekuy bè yóm gónó tekuy gel lunog. Lómón yóm gel kni tekuy ebè Dwata, là hol tngón tekuy du ke tedu yóm mò utóm tekuy. Okóm yóm Tulus Dwata fen hemkodu du bè Dwata yóm hol hyu bélê tekuy. Yóm fen gel kehkoduhen yó, là hulung tekuy mon du.

Sulat Pol Ebè Yó Kem Tau Hemtahu Bè Rom 8:26 Referans Kwoze

Matyu 10:20

Abay se là kô kuy udél du yóm angat mon ye, okóm udél hmonen kuy yóm kun Tulus yóm Mà tekuy bè longit.

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Glasya 4:6

Wen lan Dwata hdilô du bélê tekuy yóm kngaen tekuy, duhen yóm ksuen du bélê tekuy yóm Tulus yóm Ngaen. Lemwót bè yóm knóen bélê tekuy yóm Tulusen yó, yó se gónó tekuy là bud lengayà tmaba du, “Mà.”

Kun Snulat Jan 14:16

Angat wen hnihu bè Mà mò tles bud tmóbóng kuy, ne laen dù sónen yóm knóen bélê ye.

Ifisus 2:18

Lemwót bè yóm deng nmò Krays gónón wen lan tekuy hloni ebè Dwata yóm kdê tekuy, kem tau Ju ne kem tau là Ju le. Yóm kehloni tekuy ebéléen yó, hlanen bè yóm Tulus Dwata deng suen bélê tekuy.

Sulat Pol Ebè Yó Kem Tau Hemtahu Bè Rom 8:15

Abay se yóm Tulus Dwata deng nô bélê ye là kô nmoen kuy tau ghesek bè klikò. Ne mlan bè yóm Tulus Dwata yó, deng ye baling kun ngà, ne gbek ye ne tmaba ke Dwata, “Ó Mà.”

Kem Lingón 6:9

Deng gungol Dwata yóm kehkoduhu béléen. Angat bnalaen yóm hnihu yó.

Hibru 4:15

Yóm gel blóng tekuy ebè Dwata yó, deng gotu tngónen yóm gónó tekuy gel lunog, ne tey kkoduhen tekuy. Abay se bè yóm tehe knóen te tonok, deng gnómen se kun yóm kdéen sindil lómón yóm tekuy, okóm là gemsalaen yó yóm kun.

Sulat Jim 4:3

Wen se gel hni ye bè Dwata ne là guta ye du, abay se là hyuhen yóm tô mu ye du yóm hni ye. Són bè yóm kuy kenbeyen nawa yóm tô mu ye du.

Sulat Pol Ebè Yó Kem Tau Hemtahu Bè Rom 15:1

Yóm kdê tekuy deng mbegel bè kehtahu hol tekuy gel hanay nawa bè yó kem tau tolo wen gónó le lunog. Bê tekuy olo hemdem yóm hyu bè knô tekuy.

Kun Snulat Luk 22:44

Tódô kem hotuhen nawahen mni bè Dwata igoen alì sidek kegnómen du. Bè yóm knihen yó, yóm ingeten temdak ebè tonok, hol lómón litô.

Sikaraya 12:10

Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.

2 Kurin 5:4

Bè yóm igò tekuy tolo nô du nim slung tekuy ni, tey gel sidek kegnóm tekuy du. Sundu mon dé ke móyô tekuy kendel matay anì géhél mkó bélê tekuy nim lówó tekuy ni. Okóm yó dé hol kóyô tekuy ke géhél guta tekuy yóm lomi klowil ditu bè longit. Kóyô tekuy ke géhél tenlesen yóm lówó là buden matay yóm lówó mahil matay ni.

Kem Lingón 10:17

Ó Dwata, deng eles tngónem yóm nefet nawa le yó kem tau laen dù gmò le. Henklinguhem yó kem hni le, ne henyuhem nawa le.

2 Kurin 5:2

Yóm igò tekuy nô te tonok, sal gel blat nawa tekuy, abay se hol kóyô tekuy ke géhél guta tekuy yóm lomi gónô angat blay Dwata tekuy ditu bè longit.

Matyu 20:22

Bnalà Jisas se, bede mudél ebè yó kem lewu ngaen, monen, “Là kô tngón ye du yóm hni ye yó. Gbek ye hembala du kô ke yu gemfà du yóm angat glumfaku?” Mon le se, “Gbek me.”

Kem Lingón 102:5

Lemwót bè yóm alì gel kdolongu, són dù nô béléu kulit ne tiol.

Kem Lingón 6:3

Tey sidek kebà nawahu. Kegenen ne duen, Dwata, ominem tmóbóng dou?

Hibru 5:2

Yóm tau gel blóng le ebè Dwata yó, sal gel wen gónón lunog snéen kun. Yó gónóm mon, tey kganag nawahen bè yó kem dumuhen tau wen kul salà là gehedem le du.

Sulat Pol Ebè Yó Kem Tau Hemtahu Bè Rom 7:24

Tey hlayam nim ou, hol tahu tau laen gónón e kól. Hol kóyóu ke wen gembek lemwà dou bè nim lówóhu mit dou elem hatay.

Kem Lingón 69:3

Tey kegenu tmaba ebéléem, Dwata, anì tnóbóngem ou. Ngangu tmaba efet des lem liholu. Sónmou mangat temngel du ke wen tóbóngem dou efet là buden gmefet ketngelu.

Kem Lingón 102:20

nan e hnungol dolong yó kem tau blanggù, nan e lenwà yó kem tau deng kukum le kul hatay.