Sulat Pol Ebè Yó Kem Tau Hemtahu Bè Rom 8:24 - Udél Dwata: Gna Kesfasad ne Lomi Kesfasad

²⁴ Ni se hol hendón nefet nawa tekuy bè yóm deng kehewà Dwata tekuy lem salà. Okóm ke deng ton tekuy se yóm hendón tekuy, là bud hendón tekuy du ne. Laen dù tau ke hendónen yóm deng tonen.

Sulat Pol Ebè Yó Kem Tau Hemtahu Bè Rom 8:24 Referans Kwoze

Hibru 11:1

Ke wen kehtahu tekuy bè Dwata, bè yó gónó tekuy temngón du tahu dohò kguta tekuy du yóm hendón nefet nawa tekuy, ne tahu dohò kton tekuy du yóm là deng ton tekuy du he.

2 Kurin 5:7

Bè nim klawi tekuy mowil te tonok ni, tódô henlel tekuy smalig du yóm gónó tekuy mogot, balù yóm là kton tekuy du.

2 Kurin 4:18

Là kô kenteng mata me du yóm dê ton talak tonok, olo kem hlunen yó du kem yó. Okóm yó dé hol sen-galu nawa me yóm kimu bè longit, yóm là deng sulék ton mata du, kimu laen dù tul sónen.

1 Pitér 1:21

Mlan bè Krays yóm gónó tekuy hemtahu bè Dwata, yóm Dwata tehe hlowil du gu lem hatay, ne tey kehegetahen du. Yó gónón alì mbegel yóm kehtahu tekuy bè Dwata ne yóm hendón tekuy béléen.

1 Tisalunika 5:8

Okóm tekuy du, deng te tau lem layag, yake hol tekuy hfulung hedem. Eles te tendo kmulóng klung. Ne yó henged klung tekuy, duhen yóm kehtahu te, ne yóm kesbong nawa. Ne yó henged sloung tók sudù tekuy, duhen yóm kgel nawa te yóm angat kegewà tekuy gu lem hatay.

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.

Sulat Pol Ebè Yó Kem Tau Hemtahu Bè Rom 12:12

Hol tendo hlaan ye nawa ye abay se wen yóm hendón nefet nawa ye. Bê ye tnalaw ke wen gónó ye gel glayam. Tódô senflós ye mni bè Dwata.

Sulat Pol Ebè Yó Kem Tau Hemtahu Bè Rom 5:2

Lemwót bè yóm kehtahu tekuy béléen, deng wen ne lan Dwata tmóbóng tekuy. Tey kligal tekuy yóm angat kwen kut du yóm kun kehyu Dwata sok tekuy gefet bè longit. Yó se hendón nefet nawa tekuy nim kmoen ni.

Sulat Pol Ebè Yó Kem Tau Hemtahu Bè Rom 15:13

Yó hem Dwata hol bemlay kuy yóm kligal ne yóm kenek nawa lemwót bè yóm deng kehtahu ye béléen. Du se yóm nefet nawa tekuy. Ne lemwót bè yóm tey kfasang yóm Tulus Dwata gónón hol seflós temnù yóm hendón nefet nawa ye.

Kulasi 1:27

Kun kóyô Dwata ke hegfanen bè yó kem kun tau ni kmoen ni yóm tehe gbuni bè yó kem tau gnan, duhen yóm tey któbóngen yóm kdéen tau bè klamangen benwu. Yóm tehe bunihen yó ekni, duhen yóm knô Krays bélê ye ket kuy ne sotu. Bè yóm knóen bélê ye yó, yó se gónó ye temngón du yóm angat kegbót ye bè klaen sónen kun klowil Dwata.

Sulat Pol Ebè Yó Kem Tau Hemtahu Bè Rom 15:4

Ket yóm udél deng tehe hsulat Dwata, sal gel wen hdalangen tekuy lemen. Lemwót bè yóm udél Dwata gónón là mili nawa tekuy baluen ke wen mgel sut bélê tekuy. Ne bè yó gónón lemwót yóm kegduf nawa tekuy igò tekuy mangat du yóm hendón nefet nawa tekuy.

Glasya 5:5

Okóm bélê tekuy du, són ken-gel nawa tekuy yóm nmò Dwata bélê tekuy mò gónón tedeng ktonen tekuy. Kun kfasang yóm Tulus Dwata mò du nim ni, hlanen bè yóm kehtahu tekuy. Ne yó se yóm tendo nangat tekuy.

Kem Lingón 146:5

Hligal kun yóm tau ke tnóbóng Dwata yóm Dwata tehe Jakub. Hligal yóm tau ke genléd nawahen Dwata yóm Dwata gónóhen mogot.

1 Jan 3:3

Ke yó tendo nefet nawahen yóm tau yóm angat kkélen ke Krays, béen abay nmò belenen yóm gel nmoen, abay se yóm Krays, laen kô belenen yóm kun kmò.

2 Tisalunika 2:16

Yó hem gónó tekuy mogot Jisas Krays ne Dwata, yóm Mà tekuy, hol gemduf kuy ne hol temgel nawa ye anì senflós ye mò du yóm hyu, ne senflósen hyu yóm gel mon ye. Tey kbong nawahen tekuy Dwata. Lemwót bè yóm któbóngen tekuy, yó gónón tendo wen kgel nawa tekuy, ne tendo wen yóm tey hendón nefet nawa tekuy.

Kulasi 1:23

Song tahu eta ye nim ni ke là monol nawa ye bè yóm kehtahu ye. Yó gónóm mon, hbegel ye yóm kehtahu ye anì là sliwo kehedem ye du yóm hendón nefet nawa ye lemwót bè yóm Tulón Hyu deng gungol ye. Nim Tulón Hyu monu ni, deng gefet bè kdéen tau bè klamangen benwu ne, ne ou Pol sotu tóbóng lówó Dwata mò fen heglalag du.

Kulasi 1:5

Bè yóm hol tanay kungol ye du yóm tahu tulón, duhen yóm Tulón Hyu, gungol ye yóm kwen nefet nawa tulónen. Yó se hol buten yóm kehtahu ye ne yóm kbong nawa ye kem dumu ye, duhen yóm hendón nefet nawa ye deng eles tgama Dwata kuy bè longit.

1 Kurin 13:13

Duhen ni, wen tlu yóm laen dù mtukul sónen, duhen yóm kehtahu tekuy bè Dwata, ne yóm hendón tekuy béléen, ne yóm kesbong tekuy nawa. Ne bè nim tlu ni, yó alì bong muhen, duhen yóm kesbong tekuy nawa.

Sikaraya 9:12

Ó kem tau negef, deng wen nefet nawa ye ne ni, hol ye bud semfulék ebè yóm sana kuy benwu, yóm benwu gónón laen dù hemen ye. Wen fasadu kuy kemdaw ni, lewu duléku he bud hulék du ebélê ye yóm tóbóngu kuy bè ket keglayam ye.

Jirimaya 17:7

Okóm tnóbóngu yóm tau smalig béléu ne són ou nefet nawahen.

Kem Lingón 33:18

Yóm Dwata, tendo bnenteyen yó kem tau wen klikò le du, yó kem tau gléd nawa le bè yóm là konolen yóm kbong nawahen kul.

Kem Lingón 33:22

Ó Dwata, hol béem abay nmò sónen yóm kbong nawahem kum. Sónen uu se yóm nefet nawa me.

Kem Udél Hlalak Tehe Selumun 14:32

Lemwót bè yóm sidek nmoen gónón meglà yóm tau gel mò sidek, okóm yóm tau tedeng kmoen wen gónón e mlo bè katayen.

Sulat Pol Ebè Yó Kem Tau Hemtahu Bè Rom 4:18

Bè Abraham kun, balù yóm là keglileben du yóm kehlan Dwata du béléen yóm fasaden yó, tódô hentahuhen, ne henlelen hemdón du yóm kdohoen ebéléen. Yó gónóm mon, du se baling “mà yó kem tey dê kay but tau bè klamangen benwu.” Hol lómón yóm monen bè Sulat Dwata, yó monen, “Angat dê semfu gu béléem, hol lómó kwen le blotik bè longit.”Bè yóm kdaw kfasad Dwata ke Abraham yó, móyónen gefet bè lematu ne halay Abraham, ne tódô tngónen là buden mngà. Lelen atil he Sara, yóm tuha libunen. Ewenem là kóen monol yóm kehtahuhen du yóm fasad Dwata du bè yóm angat kwen ngaen.

Sulat Pol Ebè Yó Kem Tau Hemtahu Bè Rom 8:20

Tehe yu ekni, gotu gomong megtafak kentihen deng dlimun Dwata. Là kóen lemwót bè kul kóyô yóm kegtafak le, okóm yó se kun kehlan du Dwata. Bede wen hendón nangat le.

Taytus 3:7

Lemwót bè yóm któbóng Jisas kut yó, yó se gónón deng hyu kton Dwata kut, ne yó se gónó te gmuta du yóm klowil laen dù sónen, yóm gel nefet nawa te ni kmoen ni.