Sulat Pol Ebè Yó Kem Tau Hemtahu Bè Rom 8:23 - Udél Dwata: Gna Kesfasad ne Lomi Kesfasad

²³ Là són du lu gemnóm du nim ni, okóm tekuy snéen kem tau hol gónóhen nô yóm Tulus Dwata, yóm hol tanay basa Dwata tekuy lemwót bè yóm alì kehkoso tekuy yóm kdaw kehegfan Dwata du yóm deng kngaen tekuy, ne yóm kehlomihen yóm lówó tekuy.

Sulat Pol Ebè Yó Kem Tau Hemtahu Bè Rom 8:23 Referans Kwoze

Hibru 9:28

Senged snéen yóm Krays. Tek suléken matay bè yóm tehe kedsuen klowilen mò hkó salà yó kem tey tau wen. Angat bud semfulék edini, bede là kóen na a bud hkó salà. Okóm yó nógówen, senfuléken yó kem kdéen tau hemtahu deng hemdón mangat du.

Ifisus 1:14

Lemwót bè yóm knóen bélê tekuy yóm Tulus Dwata, yó gónó tekuy temngón du dohò kguta tekuy du yó kem tehe fasad Dwata bè yó kem kun tau, ne dohò snéen yóm hol tahu kehewaen tekuy. Yó gónóm mon, hol gel dóyón tekuy dé yóm tey kehyuhen yóm kut Dwata.

Ifisus 4:30

Bê tekuy nmò gónón blat nawa yóm Tulus Dwata. Yó gónó Dwata hemnô du bélê tekuy yóm Tulusen mò ilô yóm kfunen tekuy, ne yóm kdohò yóm kehewaen tekuy elem hulin kdaw.

Taytus 2:13

Ni se hol nmò tekuy yóm igò tekuy semsangat du yóm kdaw hendón nefet nawa te, duhen yóm kdaw kesfuléken edini Jisas Krays, yóm Dwata tekuy, yóm deng lemwà tekuy gu lem hatay. Angat hol gfan bè yóm kdaw yó yóm alì kegetahen.

Glasya 5:5

Okóm bélê tekuy du, són ken-gel nawa tekuy yóm nmò Dwata bélê tekuy mò gónón tedeng ktonen tekuy. Kun kfasang yóm Tulus Dwata mò du nim ni, hlanen bè yóm kehtahu tekuy. Ne yó se yóm tendo nangat tekuy.

Sulat Pol Ebè Yó Kem Tau Hemtahu Bè Rom 7:24

Tey hlayam nim ou, hol tahu tau laen gónón e kól. Hol kóyóu ke wen gembek lemwà dou bè nim lówóhu mit dou elem hatay.

Sulat Pol Ebè Yó Kem Tau Hemtahu Bè Rom 8:19

Tódô kdê yó kem deng dlimun Dwata, tey kessangat le du se kul yóm kdaw angat kehegfan Dwata du yóm deng kngaen tekuy.

Kun Snulat Luk 20:36

Angat le mkél bè yó kem gel hógów Dwata nô bè longit, abay se là bud le matay. Deng le gotu baling ngà Dwata lemwót bè yóm deng klowil Dwata kul.

1 Jan 3:2

Ó kem weu dou dumu sogot nawa, deng tekuy baling ngà Dwata ne ni, okóm là deng getnef tekuy du he yóm angat mò kmò tekuy. Okóm deng eles tngón tekuy ne bè yóm kesfulék Krays, gotu tekuy mkél du lemwót bè yóm hol ktatawen bè yóm kton tekuy du.

Kun Snulat Luk 21:28

Ke sok nbuten sut ni kem tulónu kuy ni hol ye hbegel ne temngel ye ebè Dwata, yakà dengen móyón moni yóm kegewà yu.”

1 Pitér 1:7

Yó gónón tmilów kuy anì gfan ke hol tahu duhen yóm kehtahu ye duhen ke là. Yóm kehtahu ye, lómón ke yóm blówón gel hlan le bè ofi anì gfan yóm hol tahu duhen. Bong bè yóm blówón, olo kem hlun kimu. Okóm yó dum kehtahu ye, bong muhen senta yóm blówón. Milud he ktilów Dwata du anì tngónen ke hol tahu duhen. Ke là lanahen, tey kdóyónen kuy bè yóm kdaw bud kesfulék Jisas edini, lelen tey hegeta kuy ne tey kadaten kuy.

2 Timuti 4:8

Ne ni, wen deng eles henyu yóm gónó tekuy mogot mò ofolu, yóm ofol blayen bè yó kem tau deng tedeng kmò le. Angat suen béléu bè yóm kdaw kekukumen tau, ne tey tedeng yóm kkukumen. Là kô són du ou se yóm wen ofolen, senged nóm se yóm kdéen tau deng eles tendo hemdón du yóm ksuten.

Sulat Pol Ebè Yó Kem Tau Hemtahu Bè Rom 5:5

Angat dohò kguta tekuy du yóm hendón tekuy yó, abay se deng gotu gnóm tekuy ne yóm kbong nawa Dwata tekuy, hlanen bè yóm Tulusen deng basahen tekuy.

Ifisus 5:9

Wen tey bunguhen yóm deng knô tekuy lem layag yó, duhen yóm hyu kmò tekuy bè kem dumu tekuy, ne yóm ktedeng tekuy, ne yóm kimón tekuy du yóm ktahuhen.

2 Kurin 7:5

Balù yóm deng kkól me bè prubinsya Masdunya, là kóen menek kegnóm me du. Balù nô gónó me nô, sal gel wen sembeweg kum. Sal gel wen dumu tau mit kum skaf mon, lelen dê tnafa nawa me.

2 Tutul Israél 31:5

Uni le mungol du kem tau Israél yóm yó, tódô le kendel bemlay, mahil bélê le bemlay yó kem tanay nuta le bè yó kem hulu le, ne bè yóm gel ninum le, ne bè hnolo ulib le, ne bè yó kem dumu tbas le. Ya tey kwenen yóm nwit le, yóm bad le ke Dwata bè kdê yó kem hulu le.

Sulat Pol Ebè Yó Kem Tau Hemtahu Bè Rom 5:3

Là kô són du yó gónó tekuy hligal bè yóm angat kwen guta tekuy, okóm hligal tekuy du snéen yó kem gónó tekuy glayam. Yó uléken yóm keglayam tekuy yó, duhen yóm kegbek tekuy hbala.

Sulat Pol Ebè Yó Kem Tau Hemtahu Bè Rom 5:11

Okóm là sónen du yó gónó tekuy hligal. Hligal tekuy bè yóm deng nmò Dwata hlanen bè yóm gónó tekuy mogot Jisas Krays, duhen yóm deng kesefyuhen tekuy ne Dwata.

1 Kurin 1:7

deng tódô ket du ne yóm kenhulung blay Dwata kuy bè yóm igò ye tolo semsangat du kkólen yóm gónó tekuy mogot Jisas Krays.

2 Kurin 1:22

ne deng blayen tekuy yóm Tulusen mò ilô yóm deng kfunen tekuy, ne mò ilô yóm angat kdohò kguta tekuy du yóm kdê deng eles hentifesen bélê tekuy.