Sulat Pol Ebè Yó Kem Tau Hemtahu Bè Rom 8:20 - Udél Dwata: Gna Kesfasad ne Lomi Kesfasad

²⁰ Tehe yu ekni, gotu gomong megtafak kentihen deng dlimun Dwata. Là kóen lemwót bè kul kóyô yóm kegtafak le, okóm yó se kun kehlan du Dwata. Bede wen hendón nangat le.

Sulat Pol Ebè Yó Kem Tau Hemtahu Bè Rom 8:20 Referans Kwoze

Tekang Kbuten 5:29

ne yó udélen, monen, “Lemwót bè yóm deng kgolu yóm tonok, tey kgel klowil tau lemwót bè keglayam le mò nmò. Okóm nim ngà ni, wen lanen tmóbóng kum bè yóm tey kgel klowil me.” Ne yó boluyen du yóm ngaen yó, Nuwa.

Sulat Pol Ebè Yó Kem Tau Hemtahu Bè Rom 8:22

Deng tngón tekuy se lemwót bè kegsalà Adam efet nim kmoen ni, tey sidek kegnóm le du yóm kentihen deng dlimun Dwata. Yóm kegnóm le du, senged bè yóm hen-gnóm yóm libun kmuleng blututen.

Jirimaya 12:4

Lemwót bè yóm sidek gel nmò yó kem tau, deng gotu mékéng ni kem tonok me. Kegenen de duen yóm tey kékéngen ni, Dwata? Dalang se yó kem hulu me, deng le gotu menes. Ne yó kem ógóf lem bnes ne yó kem onuk koyu, deng le gotu matay lemwót bè yóm sidek gel nmò yó kem tau. Mom yó udél yó kem tau mò sidek, mon le, “Là kô ton Dwata du nim gel nmò tekuy ni.”

Husiya 4:3

Yó se but gónón laen dù bud kligal yóm tonok ye, gónón là bud tembas. Yóm kdéen tau mowil tahen, hono wen des hlós hatay le. Balù yó kem ógóf lem bnes ne kem onuk koyu ne kem utón él, deng nbut le hlana.”

Tekang Kbuten 6:13

Ne yó gónó Dwata mudél ebè Nuwa, monen, “Ó Nuwa, deng hendemu ne kmou són le yó kem tau. Angat gotu genlau lu abay se hono sidek yóm gel nmò le bè klamangen benwu.

Juwél 1:18

Yó kem ógóf, sónmò le dmolong lemwót bè kbitil le, dalang se yó kem safì, olo le tendo mógów hekawang laen kô dù bang nótób le. Balù yó kem ubiha, tey keglayam le se kul.”

Kem Lingón 39:5

Yóm klowilu, tey ukol. Ne bè kóm kehedem du, lómón ke tek sudof, duhen ke tek sulék ayuf lenos.”

Sulat Pol Ebè Yó Kem Tau Hemtahu Bè Rom 8:24

Ni se hol hendón nefet nawa tekuy bè yóm deng kehewà Dwata tekuy lem salà. Okóm ke deng ton tekuy se yóm hendón tekuy, là bud hendón tekuy du ne. Laen dù tau ke hendónen yóm deng tonen.