Sulat Pol Ebè Yó Kem Tau Hemtahu Bè Rom 8:15 - Udél Dwata: Gna Kesfasad ne Lomi Kesfasad

¹⁵ Abay se yóm Tulus Dwata deng nô bélê ye là kô nmoen kuy tau ghesek bè klikò. Ne mlan bè yóm Tulus Dwata yó, deng ye baling kun ngà, ne gbek ye ne tmaba ke Dwata, “Ó Mà.”

Sulat Pol Ebè Yó Kem Tau Hemtahu Bè Rom 8:15 Referans Kwoze

2 Timuti 1:7

Là kô yó du gónó Dwata bemlay du bélê te yóm Tulusen ke nit te likò. Okóm mò fen gel temgel kut, ne anì nô bélê te yóm kesbong nawa, ne anì wen kegbek te mafas nawa.

1 Kurin 2:12

Yóm kehedem blay Dwata tekuy, là sengeden bè yóm kul kehedem yó kem tau te tonok. Okóm deng sù Dwata bélê tekuy yóm kun Tulus anì gotu tngón tekuy kdê yó kem deng blayen tekuy.

Sulat Pol Ebè Yó Kem Tau Hemtahu Bè Rom 8:16

Yó sem Tulus Dwata heglileb du tekuy yóm deng kngaen tekuy Dwata.

Hibru 2:15

Bè yóm katayen yó, yó gónón lemwà tekuy kem tau alì likò matay, abay se monem tolo kuy gfét du bè yóm igò tekuy mowil.

Ifisus 1:5

Lemwót bè yóm kbong nawahen tekuy Dwata, deng kem tehe eles gegna ne kehedemen du yóm kngaen tekuy hlanen bè Jisas Krays. Tey kligalen bè yóm kngaen tekuy yó, hol lemwót bè kun kóyô yóm kmoen du.

1 Jan 4:18

Laen dù bud knikò tekuy ne lemwót bè yóm kbong nawahen tekuy Dwata. Yóm nawahen tekuy yó, tódô ket du, ne gbeken mkó du bélê tekuy yóm klikò tekuy. Okóm yóm tau gel likò, là deng hentahuhen du he kun yóm kbong nawa Dwata du. Yó gónón likò, abay se nangaten yóm ktafak Dwata du.

Mark 14:36

“Ó Mà, laen dù là gbekem du. Hol kóhem tahu dé yóm angat tey hlayamu. Okóm balù wen se ni hem dou kóyô, yó dém kóm kóyô tódô hendengem.”

Jirimaya 3:19

Yó tehe nô bè nawahu,” mon Dwata, “yóm kmou bélê ye, lómón ke hol ngau yu. Kóyóu ke blayu kuy yóm hol tonok hyu, tonok hol knóón nfun bè klamangen benwu. Kóyóu ke taba ye dou ‘Mà’ ne là knogol ye dou.

Sulat Pol Ebè Yó Kem Tau Hemtahu Bè Rom 8:23

Là són du lu gemnóm du nim ni, okóm tekuy snéen kem tau hol gónóhen nô yóm Tulus Dwata, yóm hol tanay basa Dwata tekuy lemwót bè yóm alì kehkoso tekuy yóm kdaw kehegfan Dwata du yóm deng kngaen tekuy, ne yóm kehlomihen yóm lówó tekuy.

Kun Snulat Luk 11:2

Ne tahu se. Yó mon Jisas mò kul, “Ke mni ye bè Dwata, yó kmon ye du, mon ye, ‘Mà, kóyô me ke kdéen tau hol madat yóm kóm boluy. Kóyô me ke géhél nogotem yóm klamangen.

Kun Snulat Jan 20:17

Ne mon Jisas mò du, “Béem tagad nogot ou he, abay se là denge mulék ebè Mà. Okóm mógówi dou ebè tu kem dumuhu setwoli, tulónem kul yóm naw kulék ebè Mà, yóm kul Mà snéen. Du se yóm dou Dwata, ne bud kul Dwata snéen.”

Kun Snulat Luk 22:42

Yó monen, “Ó Mà, ke mlan bè kóm kóyô, kóhem tahu dé nim tey hlayamu ni. Bede balù wen se yóm dou tô kóyô ni, tódô hendengem yóm kóm kóyô béléu.”

Kun Snulat Jan 16:8

Ke sok sut,” mon Jisas, “angat gotu hdilóen kem tau là hemtahuhen yóm kegsalà le. Ne angat hdilóen kul snéen yóm lan tedeng, ne bud hdilóen kul se yóm angat ktafak Dwata kul.

Kehewà 20:19

Yó mon le mò ke Musis, “Ke uu mudél ebélê me hnungol me. Okóm ke Dwata, likò me déke matay me.”

Kul Nmò 16:29

Ominen kendel tmaba mni solok yóm tau mentey blanggù, tódô kendel mógów ebè le Pol lewu le Silas, tódô hegluduk bè solu le, lelen tódô setbol kkelen.

Kul Nmò 2:37

Timbow gungol yó kem tey tau sbung yóm udél Pitér yó, ya tey sidek ktafa nawa le, botong mon le mò ke Pitér ne ebè yó kem dumuhen gel hógów Jisas, mon le, “Ó kem dumu me setwoli, tedu se mò kmò me du?”

Kun Snulat Luk 8:37

Ya tey sidek klikò le yóm kdéen tau menwu bè yó. Yó gónó le mon du mò ke Jisas, “Yake mdóhi kum bè ni.” Tahu se, lemwót le Jisas, bud le motun elem yóm ówóng, ne mulék le.

Kun Snulat Luk 8:28

Mung unihen mton ke Jisas, tódô hendlaen lemangat, ne hegluduk bè soluhen, ne hgelen udélen, monen, “Ó Jisas, uu se yóm Ngà Dwata, yóm Dwata alì geta bè kdéen. Tedu de hendufem béléu? Henkoduhu béléem, béem tnafak ou.”

Lista 17:12

Yó udél yó kem tau Israél ebè Musis, mon le, “Ke lómón ni se kmoen, matay me ne yó.

Sulat Jim 2:19

Maya mon kehtahuhem du du tek sotu se Dwata. Hyu se yó. Okóm balù se yó kem busaw, sana kehtahu le du se kul. Botong le gel kenkel lemwót bè klikò le du.

Sulat Pol Ebè Yó Kem Tau Hemtahu Bè Rom 8:26

Yóm Tulus Dwata, tey ketgelen tekuy bè yóm gónó tekuy gel lunog. Lómón yóm gel kni tekuy ebè Dwata, là hol tngón tekuy du ke tedu yóm mò utóm tekuy. Okóm yóm Tulus Dwata fen hemkodu du bè Dwata yóm hol hyu bélê tekuy. Yóm fen gel kehkoduhen yó, là hulung tekuy mon du.

Sulat Pol Ebè Yó Kem Tau Hemtahu Bè Rom 9:4

Lu se kem Ju deng néléken mò kem ngaen. Tehe tódô hegfan lem blóng le mlan bè yóm tey keDwatahen. Dê duléken mò fasad bélê le ne blayen bélê le yóm kun hlau hlanen bè Musis. Tey mtukul ktoloken du kul yóm kmò ktaba le ebéléen. Ne tey dê yóm fasaden kul.

2 Kurin 11:4

Yó gónóhu mon du yóm yó, abay se là kô kenbê ye du yóm tau sut lem blóng ye, ne tólóng se yóm tulónen kuy gbak ebè Jisas. Là sengeden bè yóm kum ktulón du. Ne yóm tulus kul gel tulón, tey stólóng bè yóm kun Tulus Dwata. Ne yóm kul tulón gel nwit yó, tey stólóng bè yóm Tulón Hyu kum gel nwit.

Glasya 2:4

Okóm wen se móyô mò du. Lu se yó kem tau sut hlingu le tau hemtahu anì hnungol le yóm mò kmò me du ke wen tau là Ju le hemtahu bè Krays Jisas. Yó kóyô le ke hlolò me yó kem tau là Ju le yóm kum hlau kem tau Ju.

Glasya 5:1

Là bud tekuy ghesek du ne yóm hlau Musis, abay se deng lenwà Krays tekuy. Yó gónóm mon, hol tekuy hebegel anì là bud tekuy ghesek du yóm hlau yó.

Matyu 25:25

Likoe kóm, yó gónóm mon, deng tódô lebengu yóm filakem. Ni dé yóm filakem.’