Sulat Pol Ebè Yó Kem Tau Hemtahu Bè Rom 8:1 - Udél Dwata: Gna Kesfasad ne Lomi Kesfasad

¹ Yó gónóm mon, laen kô bud tafak Dwata kul ne yó kem tau deng ssotu bè Krays Jisas.

Sulat Pol Ebè Yó Kem Tau Hemtahu Bè Rom 8:1 Referans Kwoze

2 Kurin 5:17

Ke deng ssotu bè Krays yóm tau, baling lomi ne kehedemen. Kdê yó kem tehe gna kehedemen tódô gotu lana, ne hono lomi ne bud tlesen du.

Glasya 3:13

Okóm laen kô dù tau gembek lemolò du nim ni. Yó gónóm mon, deng tekuy mom megtafak du. Okóm ke Krays, du fen megtafak lanen msok tekuy bè yóm deng kegtafak tekuy yó. Abay se deng monen bè Sulat Dwata, yó monen, “Ke wen tau matay bè kros, yó se ilô yóm ktafak Dwata du.”

Sulat Pol Ebè Yó Kem Tau Hemtahu Bè Rom 5:1

Duhen ni, deng baling tedeng ne kton Dwata tekuy mlan bè yóm kehtahu tekuy. Deng tekuy sefyu ke Dwata mlan bè Jisas Krays yóm gónó tekuy mogot.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Sulat Pol Ebè Yó Kem Tau Hemtahu Bè Rom 8:34

Ne laen se dù tau gembek bud tmuled kul. Tek són Krays Jisas, okóm deng mom du yóm fen matay bélê tekuy ne deng bud hlowil Dwata, hyónen bè kwananen. Ne du mò fen blóng tekuy ebéléen nim kmoen ni.

Kun Snulat Jan 5:24

Tódô tulónu kuy ktahuhen,” mon Jisas, “yó se hmungol yóm dou udél, ne hemtahu bè yóm hógów do, deng wen ne kun klowil laen dù sónen. Là angaten megtuled, okóm deng gewà gu lem hatay, ne deng gutahen ne yóm klowil laen dù sónen.

Kun Snulat Jan 15:4

Hol ye henek béléu, ne heneke se bélê ye. Yóm hanga, là kóen mungu ke són du, ke là mtegen bè lówóhen. Senged se kuy, là kô ye mungu ke là henek ye béléu.

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

Isaya 54:17

Okóm laen kô dù ngom sfatay gembek hemsidek kuy. Sal gel wen balaem kul yó kem tau dmuón kuy hkawang. Sal gel nfihu yó kem dou tau tóbóng lówó ne sal gel hegmou lu bè hohon le.” Ni se udél yóm Dwata hol gónó mogot.

Sulat Pol Ebè Yó Kem Tau Hemtahu Bè Rom 8:14

Yó kem tau tendo halak bè Tulus Dwata, lu se hol tahu kun ngà Dwata.

1 Kurin 15:22

Laen dù tau ke là matayen lemwót bè yóm kesfu le gu bè Adam. Ne bud lemwót bè yóm deng kessotu le bè Krays, angat gónó le bud mowil se kul.

Glasya 5:16

Yó hol monu mò kuy, yake hol ye halak dé bè Tulus Dwata. Ke yó se nmò ye, là kô bud bninguy ye du yó kem sidek knóyô lówó ye.

Sulat Pol Ebè Yó Kem Tau Hemtahu Bè Rom 8:4

Yó se yóm deng nmò Dwata anì gbek tekuy mò du yóm tedeng hloloen tekuy bè hlauhen. Yó gónó tekuy gembek lemolò du abay se là bud tekuy galak du ne yóm knóyô tekuy, deng tekuy galak bè yóm Tulus Dwata.

Sulat Pol Ebè Yó Kem Tau Hemtahu Bè Rom 8:39

balù yó kem htulus Seitan lemwót gu te kmawang, duhen ke lemwót gu lem tonok, ne yóm kdéen deng dlimun Dwata, laen kô gembek semkó tekuy bè yóm kbong nawa Dwata tekuy, hlanen bè yóm gónó tekuy mogot Krays Jisas.

Glasya 5:25

Deng wen ne yóm lomi klowil blayen tekuy yóm Tulus Dwata. Yake du dé yóm hol malak tekuy.

Glasya 3:28

Duhen yó, laen kô dù gónó ye stólóng kem tau hemtahu bè Krays, tau Ju duhen tau là Ju le, tau klifen duhen tau là klifenen, logi duhen libun. Tódô gotu senged yóm kdê ye lemwót bè yóm deng kessotu ye bè Krays Jisas.

Kun Snulat Jan 14:20

Bè yóm kdaw bud kton ye do yó, tódô tngón ye yóm kessotu me Mà, ne angat tngón ye snéen yóm kessotu tekuy.

Sulat Pol Ebè Yó Kem Tau Hemtahu Bè Rom 7:20

Bè yóm kegmou yóm là nóyóu du, ya mon ke lemwót bè dou óyô yóm kmou du, okóm yó kemteng dou mò du, duhen yóm óyô mò sidek deng eles tendo tmolun béléu.

Sulat Pol Ebè Yó Kem Tau Hemtahu Bè Rom 7:17

Yó gónóm mon, là kô ou du yóm mò du yóm sidek, okóm yó kemteng dou mò du kaem yóm salà deng eles tendo tmolun béléu.

2 Kurin 12:2

Bè yóm deng sfolò fat halayen ni ne, wen sotu tau hemtahu bè Krays tngónu. Tódô wen mit du eta bè yóm longit hol geta bè kdéen. Bede là tngónu du tum mógów tu ke tahu lówóhen duhen ke olo tódô hton Dwata. Tek són Dwata temngón du.

Sulat Pol Ebè Yó Kem Tau Hemtahu Bè Rom 16:7

Tulón ye do ke Andrunikus ne Juniyas yóm gel kólómu kul. Lu se hol dumuhu Ju. Tehe le mung geblanggù béléu ekni. Gna le se kul he hemtahu bè Krays, hulihe dou. Tey któtól boluy le lem blóng yó kem sfolò lewu deng nélék Jisas mò gel hógówen.

Sulat Pol Ebè Yó Kem Tau Hemtahu Bè Rom 16:3

Hol hgefet ye do bè le Akila ne Prisila yóm là keklifótu kul. Lu se tehe dumuhu gel mò nmò bè Krays Jisas.

Isikél 18:9

Ne gulit kloloen du yó kem dou hlau kul ne yó kem dumu dou hlolò kul. Yóm tau mò du ni kem ni, yó se yóm tau tedeng kmoen ne angat mowil, mon yóm sana Dwata hol dandónen geta.

Sulat Pol Ebè Yó Kem Tau Hemtahu Bè Rom 5:16

Ne sotuhen, là senged nefeten yóm tóbóng Dwata ne yóm là kimón Adam. Yó nefeten yóm ke Adam, duhen yóm tafak Dwata laen kô dù tul sónen. Okóm yó nefet yóm kun tóbóng Dwata hlanen bè Jisas Krays, duhen yóm kehlifóten salà yó kem tau, balù yóm tey kdê salà nmò le.

Sulat Pol Ebè Yó Kem Tau Hemtahu Bè Rom 8:2

Abay se deng nô bè klowil tekuy yóm kfasang yóm Tulus Dwata mlay klowil ne mlan bè Jisas Krays lemwà tekuy gu lem salà ne yóm lemwà kut gu lem hatay.

Sulat Pol Ebè Yó Kem Tau Hemtahu Bè Rom 8:9

Okóm kuy, là bud ye galak du ne yóm kuy knóyô ke deng nô bélê ye yóm Tulus Dwata tendo gónó ye galak. Okóm ke là nóen béléen yóm kun Tulus Krays yóm tau, là dengen kun tau Krays he yóm tau yó.

Sulat Pol Ebè Yó Kem Tau Hemtahu Bè Rom 8:11

Ke deng nô bélê ye yóm Tulus Dwata tehe hlowil ke Jisas gu lem hatay yó, bud du angat bud hlowil yóm tau deng matay.

Glasya 3:26

Lemwót bè yóm kehtahu ye, deng ye gotu baling ngà Dwata ne, ne deng ye ssotu bè Krays Jisas.

Ifisus 1:1

Ou Pol gónóhen lemwót nim sulat ni. Hol lemwót bè kun kóyô Dwata yóm kbalingu tau gel hógów Krays Jisas. Nim sulat ni, hwitu ebélê ye yu kem kun tau Dwata bè Ifisus, yu kem tau deng ssotu bè Krays Jisas, kem tau là kóen monol nawa le ebéléen.