Sulat Pol Ebè Yó Kem Tau Hemtahu Bè Rom 7:7 - Udél Dwata: Gna Kesfasad ne Lomi Kesfasad

⁷ Ke lómón yó kmoen yóm hlau, sidek kô yó bè kehedem ye du? Là kô yó du. Ke là wen yóm hlau, là kô tngónu du yóm salà. Lómón yóm mófô, là kô tngónu du ke sidek bè Dwata ke là wen yóm hlau mon du, “Béi abay mófô.”Okóm lemwót bè yóm deng kegna knóen béléu yóm salà, ne tngónu monen bè yóm hlau là hyuhen yóm mófô, okóm deng mom lenwéen yóm óyóu mófô. Ke là wen yóm hlau, là kô tngónu du yóm ksideken yóm nmou yó.

Sulat Pol Ebè Yó Kem Tau Hemtahu Bè Rom 7:7 Referans Kwoze

Sulat Pol Ebè Yó Kem Tau Hemtahu Bè Rom 3:20

Abay se laen dù tau tedeng kton Dwata du lemwót bè kloloen yóm hlau. Yó muhen yóm hlau mò hdilô du bè tau yóm kegsalaen.

Kehewà 20:17

Hol bê ye abay nófô gónô kedumu ye. Bê ye abay nófô yehenen duhen ke kem heseken duhen ke kem safien duhen ke kem kudaen duhen ke yó kem dumu nfunen.” Yó se yóm sfolò hlolò Dwata yó kem tauhen.

Sulat Pol Ebè Yó Kem Tau Hemtahu Bè Rom 4:15

Lemwót bè yóm kwen hlau gónón wen tafak gu bè Dwata abay se là glolò tau du. Ke laen dù hlau laen se dù tau gemsalà.

1 Kurin 15:56

Yó gónón wen kfasangen bélê tekuy yóm hatay lemwót bè salà. Ne yó gónón wen kfasangen yóm salà lanen wen yóm hlau Dwata.

Dwata 5:21

Hol bê ye abay nófô yehen kem dumu ye. Bê ye abay nófô gónóen duhen ke tonoken duhen ke kem heseken duhen ke kem safien duhen ke kem kudaen duhen ke yó kem dumu nfunen.’

Sulat Pol Ebè Yó Kem Tau Hemtahu Bè Rom 13:9

Yó monen bè hlau Dwata, monen, “Bê ye abay mdà yehen. Bê ye abay monok. Bê ye abay mnagaw. Bê ye abay mófô.” Ni kem hlau monu ni, ne yó kem dumu hlau snulat le, tek sotu nefeten, duhen yóm monen bè yóm sotu hlau, monen, “Hol kenbong ye nawa kem dumu ye tau lómón yóm kbong nawa ye yóm kuy knô.”Abay se ke bong nawa ye kem dumu ye, là kô gbek ye hemsidek kul. Yó gónóm mon, ke bong nawa ye kem dumu ye, deng gotu glolò ye ne yóm kdê hlau Dwata.

Sulat Pol Ebè Yó Kem Tau Hemtahu Bè Rom 7:8

Okóm lemwót bè yóm deng kegna knóen béléu yóm salà, ne tngónu monen bè yóm hlau là hyuhen yóm mófô, okóm deng mom lenwéen yóm óyóu mófô. Ke là wen yóm hlau, là kô tngónu du yóm ksideken yóm nmou yó.

1 Tisalunika 4:5

Bê ye abay gekteng du yóm nawa hdóyón, lómón yóm kul gel nmò yó kem tau là deng temngón ke Dwata.

Sulat Pol Ebè Yó Kem Tau Hemtahu Bè Rom 3:5

Okóm ke mom yó udél yó kem dumu tau, ke mon le là sideken kun ke mò salà yóm tau anì gdilô yóm kun ktedeng Dwata. Yó gónóm mon, là hyuhen kun ke tnafak Dwata yóm tau mò sidek. (Déke wen se mon du nim ni.)

Kulasi 3:5

Yó gónóm mon, gotu kó ye ne yóm kdéen sidek knóyô lówó ye. Béen abay wen bélê ye mò samuk, ne yó kem dumu nmò gónó hemyak knô. Hol kenbê ye yóm knawa mò du yó kem yó. Kó ye snéen yóm nawa seglom, abay se yóm gel sen-glom ye yó, deng duhen yó se dwata ye.

Ifisus 5:3

Lemwót bè yóm deng kbaling ye kun tau Dwata, là kóen hyu ke mò ye samuk, duhen ke nmò ye yó kem dumu nmò gónó hemyak knô, duhen ke seglom ye. Balù olo bè kestulón du yó kem yó, bê tekuy abay gbót du.

Sulat Pol Ebè Yó Kem Tau Hemtahu Bè Rom 7:13

Là kô yóm hlau hyu ni yóm mit do elem hatay. Okóm yó mit do elem hatay duhen yóm alì óyóu mò sidek ne mulé du yóm hlau. Ni se gónóhu mton du ksideken yóm salà hlanen bè yóm hlau hyu anì megtulede lem hatay. Duhen yó, yó muhen yóm hlau mò gónóhu temngón du yóm alì ksideken yóm salà.

Sulat Pol Ebè Yó Kem Tau Hemtahu Bè Rom 7:11

Tey sidek kegtondohu bè yóm nawahu móyô mò sidek, abay se sónmoen kemteng dou anì nuléhu yóm hlau. Mom yó uléken yóm nmou yó, hatay.

Sulat Pol Ebè Yó Kem Tau Hemtahu Bè Rom 7:5

Yóm tehe kegen tekuy lemolò du yóm knóyô lówó tekuy, mom temnù yóm óyô tekuy mò du yóm sidek bè yóm deng ketngón tekuy yóm hlau, igò sem yó nefeten yóm nmò tekuy yó, hatay.

Sulat Pol Ebè Yó Kem Tau Hemtahu Bè Rom 6:15

Déke wen mon du, “Hyu ne ni, là bud tekuy gfét du ne yóm tehe hlau gnan. Anien ke senflós tekuy mò salà abay se wen Dwata fen gel tmóbóng.” Tey sekban ke lómón yó kehedem ye.

Sulat Pol Ebè Yó Kem Tau Hemtahu Bè Rom 4:1

Yake hol hendem tekuy yóm tehe Abraham ekni, yóm tehe fù tekuy kem Ju. Tedu but gónón tedeng kton Dwata du?

Kul Nmò 20:33

Yóm kegenu tehe nô lem blóng ye,” monen, “là kóe na a deng mni filak bélê ye, duhen ke nes.

Kun Snulat Luk 12:15

Ne bud mudél Jisas ebè yó kem tau sbung bè yó, monen, “Hol gel ten-gama ye yóm kdéen gel senbì tau, abay se balù nô kbong kimuhen yóm tau, là kô bè yó du tahu gónón mowil.”

Matyu 5:28

Okóm ni dou tulón kuy, balù bè olo ketngelem ebè yóm libun ke wen óyóem du gu lem, deng timbang snamukem ne, abay se deng deng bè yóm kehedemem du.

Mika 2:2

Yó kem tau matul mò sidek yó, ke nóyô le ma tonok sotu tau, tódô nled le. Ke nóyô le gónô kem dumu le, tódô nwa le. Laen kô dù tau menek kkimuhen bélê le.

Kem Lingón 119:96

Yóm kdê tonu, sal gel wen gónó le là ket, okóm yó kem hlauhem, tódô ket du kdéen.

2 Samwél 11:2

Sotu kdaw, btik Dabid bè yóm ktungóen kimel, ne yó nmoen, lelen mógów ta ketef bè gónón gel henos bè yó bè gónô bongen. Yóm igoen temngel eta yóm syudaden, tonen yóm libun dyo, libun alì tilob.

Juswa 7:21

Bè yóm tehe kegbà me yóm syudad Jiriku wen sotu tey nes tilob tonu lemwót bè Babilun. Bud wen tonu dô lewu kilu blówón bukay ne sekleng tahu blówónen, wen dô sóól kilu keblaten. Bè yóm ktonu du tey óyóu du, ne tódô nwahu. Ne ditu gónóhu lembeng du lem toldahu, hol fi laan yóm blówón bukay.”

Tekang Kbuten 3:6

Timbow henklol hnunu yóm libun yóm koyu yó, tey minggel ktonen du ne hendemen dô hyu mken du bunguhen, lelen hemdem du tey hyu ke baling temngón. Yó gónón wen nwahen bè yó kem bunguhen ne kenen. Ominen wen blayen ke tuha logihen ne kenen se kun.

Kun Snulat Luk 20:16

Yó nmoen, tódô lemwót etu bélê le nan e gotu hnatay lu. Bud tólóng tau ne hogoten du yóm huluhen yó.” Timbow gungol yó kem tau nim tulón Jisas kul ni, botong mon le, “Bê. Là he yó.”

Sulat Pol Ebè Yó Kem Tau Hemtahu Bè Rom 5:20

Bè yóm tehe kehsulat Dwata du ke Musis yóm hlauhen, yó muhen mò fen hdilô du bè kem tau yóm salà le. Balù tennga kbongen yóm salà kem tau, mom milud he kbongen yóm kun tóbóng Dwata.

Hibru 7:19

Yó gónó Dwata temles du, abay se yóm hlau Musis yó, là gbeken hgulit tekuy. Bede tey hyu yóm tles Dwata du. Deng wen ne lan nmoen gónó tekuy gehloni ebéléen, duhen yó se hol nefet nawa tekuy ni kmoen ni.