Sulat Pol Ebè Yó Kem Tau Hemtahu Bè Rom 7:5 - Udél Dwata: Gna Kesfasad ne Lomi Kesfasad

⁵ Yóm tehe kegen tekuy lemolò du yóm knóyô lówó tekuy, mom temnù yóm óyô tekuy mò du yóm sidek bè yóm deng ketngón tekuy yóm hlau, igò sem yó nefeten yóm nmò tekuy yó, hatay.

Sulat Pol Ebè Yó Kem Tau Hemtahu Bè Rom 7:5 Referans Kwoze

Ifisus 2:3

Bè ktahuhen, lómón yó se tehe kut kmò ekni yóm kdê tekuy. Tódô nmung tekuy yóm knóyô tekuy. Balù kihu knóyô lówó tekuy ne kenbeyen nawa tekuy, tódô nmò tekuy. Yó se gónó tekuy gomong bè yóm kdéen tau deng golu elem tafak Dwata.

Glasya 5:24

Yó kem tau deng nfun Krays Jisas, gotu kenbê le mò du yóm kdê sidek knóyô lówó tau.

Glasya 3:10

Bong yó kem tau tô smalig yóm klolò le yóm hlau Musis, angat tey ktafak Dwata kul. Abay se deng monen bè Sulat Dwata, monen, “Angat tnafak Dwata yóm tau ke là gotu loloen du yóm kdê deng snulat bè yó kem hlau Musis.”Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”

Sulat Pol Ebè Yó Kem Tau Hemtahu Bè Rom 6:13

Hol béen wen bè yó kem nô bè lówó ye mit kuy mò sidek. Hol hogot ye ke Dwata yóm klowil ye, yakà deng lenwaen kuy gu lem hatay, ne deng blayen kuy yóm klowil lomi, anì hol gmò ye yóm tedeng gónón megdóyón Dwata.

Sulat Pol Ebè Yó Kem Tau Hemtahu Bè Rom 6:21

Tulón ye do kun, wen kô ofol ye du yó kem sidek tehe nmò ye gónó ye myak? Yó nefeten yóm nmò ye yó, duhen hatay.

1 Jan 3:4

Ke sok mò salà yóm tau, deng nuléhen ne yóm hlau Dwata. Abay se yóm gel mon le salà, yó se yóm nmò gónó le mulé du yóm hlau Dwata.

Kulasi 3:5

Yó gónóm mon, gotu kó ye ne yóm kdéen sidek knóyô lówó ye. Béen abay wen bélê ye mò samuk, ne yó kem dumu nmò gónó hemyak knô. Hol kenbê ye yóm knawa mò du yó kem yó. Kó ye snéen yóm nawa seglom, abay se yóm gel sen-glom ye yó, deng duhen yó se dwata ye.

1 Kurin 15:56

Yó gónón wen kfasangen bélê tekuy yóm hatay lemwót bè salà. Ne yó gónón wen kfasangen yóm salà lanen wen yóm hlau Dwata.

Sulat Jim 4:1

Tedu se buten yóm gel kesfatay ye bè kem dumu ye, ne yóm gel keseglius ye? Yó se hol buten, duhen yó kem dê kenbeyen nawa ye. Ni se hol sembeweg kuy.

Sulat Jim 1:15

Ngangen hembeyen du efet gmoen, ne yó gónón baling salà. Ne ke henlelen mò salà yóm tau, yó se mit du elem hatay laen dù sónen.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Ifisus 2:11

Yu kem tau là Ju le, bê ye klifót yóm tehe kuy kmò ekni. Là kô ye semfu bè kem tau Ju se kuy, ne gel taba le kuy kem tau là tnulì. Tey kehegmón le du yóm deng ktulì le yó, igoen tek olon mlan te kulit kmò le du, là kóen mlan bè but blutut le.

Sulat Pol Ebè Yó Kem Tau Hemtahu Bè Rom 7:23

Okóm wen gnómu bè yóm dou lówó alì kemgis kemteng dou. Gel sen-gleden yóm hyu nô lem hendemu. Ngangen mò dou efete gfét bè yóm sidek knóyô lówóhu.

Sulat Pol Ebè Yó Kem Tau Hemtahu Bè Rom 6:23

Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.

Sulat Pol Ebè Yó Kem Tau Hemtahu Bè Rom 6:19

Yó gónóhu hmingón du bè keghesek nim toloku kuy ni anì mahil ketngón ye du lanen. Tehe yu ekni, ghesek ye bè yóm óyô ye mò sidek, abay se tódô bayà ye lówó ye mò du, ne sónmoen minut temnù yóm ksidek nmò ye. Okóm ni yake hol hogot ye ke Dwata yóm lówó ye anì ghesek ye bè yóm tedeng, ne anì laen dù belenen yóm kmò ye.

Sulat Pol Ebè Yó Kem Tau Hemtahu Bè Rom 5:20

Bè yóm tehe kehsulat Dwata du ke Musis yóm hlauhen, yó muhen mò fen hdilô du bè kem tau yóm salà le. Balù tennga kbongen yóm salà kem tau, mom milud he kbongen yóm kun tóbóng Dwata.

Sulat Pol Ebè Yó Kem Tau Hemtahu Bè Rom 4:15

Lemwót bè yóm kwen hlau gónón wen tafak gu bè Dwata abay se là glolò tau du. Ke laen dù hlau laen se dù tau gemsalà.

Sulat Pol Ebè Yó Kem Tau Hemtahu Bè Rom 3:20

Abay se laen dù tau tedeng kton Dwata du lemwót bè kloloen yóm hlau. Yó muhen yóm hlau mò hdilô du bè tau yóm kegsalaen.

Sulat Pol Ebè Yó Kem Tau Hemtahu Bè Rom 1:26

Bè yóm kekbê le ke Dwata, yó gónó Dwata tódô mayà kul ebè yó kem knóyô lówó alì hemyak kul. Balù yó kem libun, deng mom heswì le yóm hol tahu klanen bè kesyehen tau. Deng mom yó nmò le, ssamuk hono libun.

Kun Snulat Jan 3:6

Yóm ngà sut bè tau, tau se yó. Okóm bè yóm bud kehlomihen sut yóm tau, deng baling ngà Dwata ne, lemwót bè yóm deng nmoen béléen yóm Tulus Dwata.

Matyu 15:19

Kdê yó kem nmò sidek, hono lemwót bè kehedem tau, lómón yóm monok, ne mdà yehen, ne mò samuk, ne mnagaw, ne mò kéng, ne yóm tódô gel semtulón dumu tau.

2 Kurin 10:3

Tahu se, tau me te tonok, okóm bè yóm kmò kwit me sfatay bè yó kem tolok sekban nwit le, là lemwóten bè kehedem tau te tonok.