Sulat Pol Ebè Yó Kem Tau Hemtahu Bè Rom 7:25 - Udél Dwata: Gna Kesfasad ne Lomi Kesfasad

²⁵ Yó gónóm mon, tey kdóyónu ke Dwata, abay se wen yóm gembek tmóbóng dou, duhen yóm gónóhu mogot Jisas Krays. Ni se yóm mò kmoen béléu. Ke són ou du, olohu beyen hemdem du yóm tô kimónu du yó kem hlau Dwata. Mom yó mlom kimónu du yóm sidek knóyô lówóhu.

Sulat Pol Ebè Yó Kem Tau Hemtahu Bè Rom 7:25 Referans Kwoze

Kulasi 3:17

Duhen yó, bè ket nmò ye duhen ket benkó ye, hol na ye na hlan bè boluy yóm gónó tekuy mogot Jisas. Bud béléen snéen gónó ye hlan du yóm kdóyón ye ke Dwata yóm Mà tekuy.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

Isaya 49:13

Ó kem longit seglafin, hol ye semngal dé. Ó Tonok, holi hligal mensag dé. Dalang se yó kem bulul, hol ye semngal. Angat henyu Dwata nawa yó kem kun tau. Ne yó kem tau alì glayam, tey kkoduhen kul.”

1 Kurin 15:57

Okóm hol dóyón tekuy Dwata, abay se deng wen yóm lan nmoen hlanen bè yóm gónó tekuy mogot Jisas Krays, mò gónó tekuy matù bè salà ne hatay.

Sulat Pol Ebè Yó Kem Tau Hemtahu Bè Rom 6:17

Tehe ye ghesek bè yóm óyô ye mò sidek, okóm ni gónóhu hol dmóyón ke Dwata abay se deng hol nô bè nawa ye mimón du yóm ktahuhen lemwót gu bè Dwata.

Sulat Pol Ebè Yó Kem Tau Hemtahu Bè Rom 6:14

Yake bê ye bud galak du ne yóm óyô mò sidek, abay se là bud tekuy galak bè yóm hlau gnan, okóm deng tekuy gnô lem yóm kun tóbóng Dwata.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Flipay 3:3

Bè ktahuhen, tekuy se yóm tau wen tahu ilóen, là kô lu du. Abay se tekuy se yó kem tau gel hloni bè Dwata hlanen bè Tulusen. Tekuy se yóm alì hligal lemwót bè yóm deng kessotu tekuy bè Krays Jisas. Là bud snalig tekuy du ne yó kem gel hlolò tau mò lan tekuy gewà gu lem hatay.

2 Kurin 9:15

Yó ne, hol dóyón tekuy dé Dwata bè yóm keblayen du tekuy yóm Ngaen, yóm blay là gbek tekuy hmingón du btesen.

Matyu 1:21

Angat logi yóm ngaen, ne yó boluyem du Jisas, yakà du yóm lemwà yó kem kun tau gu lem salà le.”

Isaya 49:9

Yó udélu ebè yó kem tau geblanggù, monu mò kul, ‘Hewà ye ne.’ Ne yó kem tau nô bè gónón kmifu, yó bud monu mò kul, ‘Hewà ye ebè layag ne.’ Kehlingónu kul bè yóm deng kegewà le, lómón ke ubiha mótób bè talak bilil.

Isaya 12:1

Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.

Flipay 4:6

Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.

Ifisus 5:20

Balù kihu sut bélê tekuy, hol tendo gel dóyón tekuy dé Dwata, yóm Mà tekuy, hlan tekuy bè boluy yóm gónó tekuy mogot Jisas Krays.

Sulat Pol Ebè Yó Kem Tau Hemtahu Bè Rom 8:2

Abay se deng nô bè klowil tekuy yóm kfasang yóm Tulus Dwata mlay klowil ne mlan bè Jisas Krays lemwà tekuy gu lem salà ne yóm lemwà kut gu lem hatay.