Sulat Pol Ebè Yó Kem Tau Hemtahu Bè Rom 7:24 - Udél Dwata: Gna Kesfasad ne Lomi Kesfasad

²⁴ Tey hlayam nim ou, hol tahu tau laen gónón e kól. Hol kóyóu ke wen gembek lemwà dou bè nim lówóhu mit dou elem hatay.

Sulat Pol Ebè Yó Kem Tau Hemtahu Bè Rom 7:24 Referans Kwoze

Sulat Pol Ebè Yó Kem Tau Hemtahu Bè Rom 6:6

Tngón tekuy se yóm gna klowil tekuy gu laan tekuy là deng hemtahu, tu se yóm klowil deng gomong bè Jisas bè yóm ktutuk le du bè kros, anì gomong tekuy matay ne laen dù bud kegbeken bélê tekuy yóm óyô mò sidek, ne là bud tekuy ghesek lem salà.

2 Timuti 4:18

Ne angat bud lenwaen ou he yóm gónó tekuy mogot ke wen bud tô dumu gfau, ne hlós nwiten o ebè tum kun benwu nogot bè longit. Bê te abay lensón yóm kut kdóyón du.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Sulat Pol Ebè Yó Kem Tau Hemtahu Bè Rom 8:2

Abay se deng nô bè klowil tekuy yóm kfasang yóm Tulus Dwata mlay klowil ne mlan bè Jisas Krays lemwà tekuy gu lem salà ne yóm lemwà kut gu lem hatay.

Kem Lingón 102:20

nan e hnungol dolong yó kem tau blanggù, nan e lenwà yó kem tau deng kukum le kul hatay.

Deng Hegfan 21:4

Angat gotu nifuhen yóm lewok bè mata le. Laen kô dù bud tau matay ne, ne laen se dù bud knangag le, ne laen dù bud nkik le ne laen se dù bud tenduk le, yakà dengen gotu lana ne yóm gnan.”

Hibru 2:15

Bè yóm katayen yó, yó gónón lemwà tekuy kem tau alì likò matay, abay se monem tolo kuy gfét du bè yóm igò tekuy mowil.

Sulat Pol Ebè Yó Kem Tau Hemtahu Bè Rom 8:26

Yóm Tulus Dwata, tey ketgelen tekuy bè yóm gónó tekuy gel lunog. Lómón yóm gel kni tekuy ebè Dwata, là hol tngón tekuy du ke tedu yóm mò utóm tekuy. Okóm yóm Tulus Dwata fen hemkodu du bè Dwata yóm hol hyu bélê tekuy. Yóm fen gel kehkoduhen yó, là hulung tekuy mon du.

Sulat Pol Ebè Yó Kem Tau Hemtahu Bè Rom 8:13

Abay se ke henlel nmò ye yóm kuy knóyô, angat ye hlós elem hatay. Okóm ke hlan ye bè Tulus Dwata mò tmóbóng kuy kembê du yóm sidek anì là glolò ye du yóm knóyô lówó, angat wen kuy klowil laen dù sónen.

Kun Snulat Luk 4:18

“Deng nô béléu yóm kun Tulus Dwata, abay se deng néléken o mò fen hetngón du bè yó kem tau élél yóm Tulón Hyu lemwót gu béléen. Deng hógówen ou ebè yó kem tau deng nfét mò fen hetngón du kul yóm lan le gewà. Hógówen o ebè yó kem tau butô anì bud le mton, ne ebè yó kem tau hen-gnok anì gewà le.

Kem Lingón 72:12

Gotu lenwaen yó kem tau élél gel htóbóng béléen, yó kem tau laen dù gel kemmón kul.

Kulasi 2:11

Bè yóm deng kessotu ye bè Krays, deng wen ilô nmoen bélê ye. Sundu bè kehtulì du, okóm yóm ilô nmò Krays, duhen yóm là bud kegfét ye du ne yóm óyô ye mò sidek.

Matyu 5:6

Tey kehyuhen bélê le kul yó kem tau ke hol nô bè nawa le mò du yóm kun kóyô Dwata, abay se Dwata angat hol hegsengel nawa le.

Mika 7:19

Angat bud knoduhem mi. Tódô gotu lenuna ndaem yó kem salà me ne botem etu etlaan bè sokol mohin.

Kem Lingón 119:20

Senflósen hol nô bè nawahu yóm óyóu temngón du yó kem hlauhem.

Kem Lingón 71:11

Yó udél le, mon le, “Deng bayà Dwata ne. Lemwót tekuy kenfô tekuy, abay se laen dù bud tmóbóng du.”

Kem Lingón 6:6

Denge tey miteg ne bè yóm gel klangagu. Tódô keten kifu héfê gónów tungô lemwót bè lewoku. Tódô senflósen héfê kamahu.

1 Bok Kem Tau Hol Geta 8:38

ne ke mni le béléem yó kem kóm tau lemwót bè yó kem gfà le ne bè yó kem lenangag le, ne ke hdà le sigel le mni ebè yóm gónóem ni,

Matyu 5:4

Tey kehyuhen bélê le kul yó kem tau ke wen lenangag le, abay se Dwata angat mifa kul.

Kem Lingón 119:176

Denge tabag lómón ke yóm ubiha lana, géhél hnebelem ou, yóm tau tóbóng lówóhem, abay se là kô naw e klifót kul yó kem hlauhem.

Kem Lingón 119:143

Tey keglayamu, ne sónmoen tafa nawahu. Okóm lemwót bè yó kem hlauhem gónón wen kligalu.

Kem Lingón 119:131

Tey kesgalu nawahu du yó kem hlauhem.

Kem Lingón 88:5

Deng tódô bayà le ou matay. Lómón ke ou yóm tau deng hnatay le nô lem lebeng, yóm tau deng tódô klifótem, yóm tau là buden gomong bè yóm tóbóngem.

Kem Lingón 38:2

Deng tey nelem gónón tódô béléu yó kem hanakem, ne kóm tdok se yóm deng smuntuk dou.

Sulat Pol Ebè Yó Kem Tau Hemtahu Bè Rom 8:23

Là són du lu gemnóm du nim ni, okóm tekuy snéen kem tau hol gónóhen nô yóm Tulus Dwata, yóm hol tanay basa Dwata tekuy lemwót bè yóm alì kehkoso tekuy yóm kdaw kehegfan Dwata du yóm deng kngaen tekuy, ne yóm kehlomihen yóm lówó tekuy.