Sulat Pol Ebè Yó Kem Tau Hemtahu Bè Rom 7:23 - Udél Dwata: Gna Kesfasad ne Lomi Kesfasad

²³ Okóm wen gnómu bè yóm dou lówó alì kemgis kemteng dou. Gel sen-gleden yóm hyu nô lem hendemu. Ngangen mò dou efete gfét bè yóm sidek knóyô lówóhu.

Sulat Pol Ebè Yó Kem Tau Hemtahu Bè Rom 7:23 Referans Kwoze

Glasya 5:17

Abay se yóm sidek knóyô lówó tau, kenbéen yóm kun kóyô yóm Tulus Dwata. Dalang se yóm Tulus Dwata, kenbéen yóm sidek knóyô lówó tau. Kaem sfohon le yóm lewu le yó. Yó gónóm mon, ke halak kuy bè Tulus Dwata, là kô gmò tekuy du ne yóm knóyô lówó tekuy yó.

Sulat Jim 4:1

Tedu se buten yóm gel kesfatay ye bè kem dumu ye, ne yóm gel keseglius ye? Yó se hol buten, duhen yó kem dê kenbeyen nawa ye. Ni se hol sembeweg kuy.

Sulat Pol Ebè Yó Kem Tau Hemtahu Bè Rom 8:2

Abay se deng nô bè klowil tekuy yóm kfasang yóm Tulus Dwata mlay klowil ne mlan bè Jisas Krays lemwà tekuy gu lem salà ne yóm lemwà kut gu lem hatay.

Sulat Pol Ebè Yó Kem Tau Hemtahu Bè Rom 6:19

Yó gónóhu hmingón du bè keghesek nim toloku kuy ni anì mahil ketngón ye du lanen. Tehe yu ekni, ghesek ye bè yóm óyô ye mò sidek, abay se tódô bayà ye lówó ye mò du, ne sónmoen minut temnù yóm ksidek nmò ye. Okóm ni yake hol hogot ye ke Dwata yóm lówó ye anì ghesek ye bè yóm tedeng, ne anì laen dù belenen yóm kmò ye.

Sulat Pol Ebè Yó Kem Tau Hemtahu Bè Rom 7:25

Yó gónóm mon, tey kdóyónu ke Dwata, abay se wen yóm gembek tmóbóng dou, duhen yóm gónóhu mogot Jisas Krays. Ni se yóm mò kmoen béléu. Ke són ou du, olohu beyen hemdem du yóm tô kimónu du yó kem hlau Dwata. Mom yó mlom kimónu du yóm sidek knóyô lówóhu.

1 Pitér 2:11

Ó kem dou dumu swè, sundu hol kut benwu du nim benwu ni, olo tekuy hlun menwu tahen. Yó gónóhu hol mon du mò kuy, bê ye bud nmung yóm sidek gel knóyô lówó ye. Yóm knóyô lówó yó, tendo gel hesbewegen yóm klolò ye ke Dwata.

Hibru 12:4

Bè yóm kekbê ye du yóm sidek, là kô deng wen bélê ye he ke fen matay.

Sulat Pol Ebè Yó Kem Tau Hemtahu Bè Rom 7:21

Bè ktonu du, ni se kmoen yóm klowilu. Ket tô kmou yóm hyu, sal gel hegled yóm sidek.

Sulat Pol Ebè Yó Kem Tau Hemtahu Bè Rom 7:5

Yóm tehe kegen tekuy lemolò du yóm knóyô lówó tekuy, mom temnù yóm óyô tekuy mò du yóm sidek bè yóm deng ketngón tekuy yóm hlau, igò sem yó nefeten yóm nmò tekuy yó, hatay.

Sulat Pol Ebè Yó Kem Tau Hemtahu Bè Rom 6:13

Hol béen wen bè yó kem nô bè lówó ye mit kuy mò sidek. Hol hogot ye ke Dwata yóm klowil ye, yakà deng lenwaen kuy gu lem hatay, ne deng blayen kuy yóm klowil lomi, anì hol gmò ye yóm tedeng gónón megdóyón Dwata.

Kem Lingón 142:7

Hol kóhem tahu yóm alì hemblat do. Ke yó se nmoem béléu, nénégem angat tey kdóyónu kóm. Angat le gotu stifun béléu yó kem tau tedeng kmò le lemwót bè yóm tey kehyu nmoem béléu.”

Sulat Pol Ebè Yó Kem Tau Hemtahu Bè Rom 7:14

Tngónu yóm hlau, hono lemwót gu bè Dwata, laen kô sidek nô du. Okóm béléu yóm gónón sidek, abay se tauhe gemsalà, gféte bè yóm sidek.

Sulat Jim 3:2

Kdê tekuy, sal gel wen gónó tekuy gemsalà. Okóm yóm tau laen dù salà sumóngen, deng tahu gulit ne yóm tau yó, deng hulung mit ktauhen.