Sulat Pol Ebè Yó Kem Tau Hemtahu Bè Rom 7:22 - Udél Dwata: Gna Kesfasad ne Lomi Kesfasad

²² Yóm hol nô lem hendemu, bong óyóu du yó kem hlau Dwata.

Sulat Pol Ebè Yó Kem Tau Hemtahu Bè Rom 7:22 Referans Kwoze

Kem Lingón 1:2

Yó dé gónó le hligal ke nimón le yó kem hlau Dwata, ne ke là skóhen yóm tendo kehedem le du, ket kdaw ne ket kifu.

Kem Lingón 40:8

Tey bong óyóu mò du yóm kóm kóyô, Dwata. Tendo eles nô bè nawahu yóm gel tolokem dou.”

Kem Lingón 119:35

Hloloem do yóm lan lemwót bè yó kem hlauhem, yakà bè yó du gónów hligal.

Hibru 8:10

Bud mon yóm gónó le mogot, ni se angat nmou bè yó kem tau Israél elem hulin kdaw mò lan le hloni ebéléu. Suu lem hendem le yóm dou hlau, ne bud hnóu lem nawa le snéen. Ne ou se baling kul Dwata, ne lu se baling dou tau.

2 Kurin 4:16

Yó gónóm mon, là kô me na a tmakas mò du yóm hmò Dwata kum. Bong bè ni dum lówó me, sónmoen minut mtón gelen ket kdaw. Okóm bè yó dum kehtahu me, sónmoen temnù.

Kem Lingón 119:92

Ke là gel hefligalen do yó kem hlauhem, denge matay ne bè yóm alì keglayamu.

Kem Lingón 119:16

Tey kehyu nawahu du yó kem hlauhem, ne là kô klifótu du yóm udélem.

Ifisus 3:16

Lemwót bè yóm tey kegbek Dwata tmóbóng tekuy, yó hol hnihu béléen anì tendo ten-gelen nawa ye hlanen bè kun kfasang yóm kun Tulus deng nô bélê ye.

Kem Lingón 119:174

Hfuhu imaku mangat yóm kehewaem do, Dwata, ne són hefligal do, són yó kem hlauhem.

Kem Lingón 119:167

Tendo nimónu yó kem hloloem kum, tey bong óyóu lemolò du.

1 Pitér 3:4

Okóm yóm ktilob ye, yake bè nawa ye hol gónón lemwót, abay se yóm ktilob nawa yó, là kóen lana bélê ye. Ne tey hyu kton Dwata du yóm libun ke hol ganag ne menek nawahen.

Sulat Pol Ebè Yó Kem Tau Hemtahu Bè Rom 8:7

Yóm tau són ktesen kun knóyô, hnohonen Dwata, abay se là kô nimónen du yóm kun hlau Dwata. Bè ktahuhen, là kô gbeken mimón du.

Kem Lingón 119:111

Yó kem hlauhem, Dwata, yó se yóm dou nfun, ne laen kô dù sónen yóm kfunu du. Yó se gónón lemwót kligalu.

Kem Lingón 119:72

Tey mebtes béléu yó kem hlauhem senta bè yó kem hilu katihen tahu blówón ne blówón bukay.

Kem Lingón 119:24

Hligale du yó kem hloloem do, tey tilob yóm kehlau le do.

Kem Lingón 119:127

Tahu se, tey kbong nawahu du yó kem hlauhem senta kbong nawahu yóm tahu blówón, balù yóm blówón hol tahu duhen.

Kem Lingón 119:113

Tey keklitu kul yó kem tau megewu nawa le kóm, okóm dou, tey bong óyóu mimón du yó kem hlauhem.

Kulasi 3:9

Bê tekuy abay gel mò kéng, yakà deng kó tekuy tum tehe gna klowil mahil mò sidek.

Kun Snulat Jan 4:34

Mon Jisas se mò kul, “Yó se henged dou ken, duhen yóm kimónu yóm kun kóyô yóm hógów dou, ne bè yóm kegdengu du yóm hmoen dou.

Sulat Pol Ebè Yó Kem Tau Hemtahu Bè Rom 2:29

Yóm hol tahu tau Ju, duhen yóm tau hol nô bè nawahen yóm kimónen ke Dwata. Là lemwóten bè yóm kwen kenleng bè lówó, bede lemwót bè yóm kegetles kehedemen mlan bè Tulus Dwata. Yóm tau lómón ni kegetles hendemen, hnebelen yóm kdóyón Dwata du, là hnebelen du yóm kdóyón kem dumu tau du.