Sulat Pol Ebè Yó Kem Tau Hemtahu Bè Rom 7:21 - Udél Dwata: Gna Kesfasad ne Lomi Kesfasad

²¹ Bè ktonu du, ni se kmoen yóm klowilu. Ket tô kmou yóm hyu, sal gel hegled yóm sidek.

Sulat Pol Ebè Yó Kem Tau Hemtahu Bè Rom 7:21 Referans Kwoze

Sulat Pol Ebè Yó Kem Tau Hemtahu Bè Rom 7:23

Okóm wen gnómu bè yóm dou lówó alì kemgis kemteng dou. Gel sen-gleden yóm hyu nô lem hendemu. Ngangen mò dou efete gfét bè yóm sidek knóyô lówóhu.

Hibru 2:17

Bè yóm któbóngen tau, là gbeken du ke là nan tódô hbaling tau anì mkél bélê tekuy kem dumuhen setwoli. Yó gónón na gbót bè yóm kmò tekuy anì du mò blóng tekuy ebè Dwata, ne anì là mili nawahen mò du bélê tekuy, ne anì hol knoduhen tekuy. Bè yóm keseblóngen yó, yó se gónó Dwata hmifót salà tekuy.

Sulat Pol Ebè Yó Kem Tau Hemtahu Bè Rom 8:2

Abay se deng nô bè klowil tekuy yóm kfasang yóm Tulus Dwata mlay klowil ne mlan bè Jisas Krays lemwà tekuy gu lem salà ne yóm lemwà kut gu lem hatay.

Sulat Pol Ebè Yó Kem Tau Hemtahu Bè Rom 6:14

Yake bê ye bud galak du ne yóm óyô mò sidek, abay se là bud tekuy galak bè yóm hlau gnan, okóm deng tekuy gnô lem yóm kun tóbóng Dwata.

Sulat Pol Ebè Yó Kem Tau Hemtahu Bè Rom 6:12

Hol kenbê ye yóm salà anì là bud ye gmung bè yóm sidek knóyô lówó tau.

Kem Lingón 119:133

Hol nalakem ou hlanem bè udélem, anì là gmunge bè yó kem sidek.

2 Pitér 2:19

Yó fasad le kul, mon le, “Ke lolò ye nim kum tolok, laen kô dù hlau bud gónó ye gfét ne.” Okóm là kô dog tngón le du yó kem tau tmolok sekban yó yóm tey kegfét le bè yóm sidek gel nmò le. Yó se henged fét le yóm alì óyô le mò sidek.

Hibru 4:15

Yóm gel blóng tekuy ebè Dwata yó, deng gotu tngónen yóm gónó tekuy gel lunog, ne tey kkoduhen tekuy. Abay se bè yóm tehe knóen te tonok, deng gnómen se kun yóm kdéen sindil lómón yóm tekuy, okóm là gemsalaen yó yóm kun.

Kun Snulat Jan 8:34

Mon Jisas mò kul, “Tódô tulónu kuy ktahuhen, yó se tau mò salà, deng ghesek ne lem yóm óyóen mò salà.

Kem Lingón 119:37

Kóhem bè ketngelu yó kem laen dù muhen, ne hlowilem o mlan bè udélem.

Kun Snulat Luk 4:1

Bè yóm kulék Jisas gu bè él Jurdan, tódô hlós tmolun béléen yóm Tulus Dwata. Niten Jisas etu bè yóm benwu laen dù tau menwu du.

Kem Lingón 65:3

na le e hkó kóm salà le. Laen kô dù bud gmò me ne lemwót bè yó kem sidek gel nmò me, okóm tódô gotu hnifótem bélê me.

Kem Lingón 40:12

Tey dê yó kem mgel smibut dou, là kô gbekem msó kul. Deng gotu gfan ne yó kem salà deng nmou, ne ni là bud tngónu du kmò kehedemu. Ke nsóhu yó kem salau, bong wen senta yó kem dou balu wek. Yó mò dou, denge mom baling likò.

Sulat Pol Ebè Yó Kem Tau Hemtahu Bè Rom 7:25

Yó gónóm mon, tey kdóyónu ke Dwata, abay se wen yóm gembek tmóbóng dou, duhen yóm gónóhu mogot Jisas Krays. Ni se yóm mò kmoen béléu. Ke són ou du, olohu beyen hemdem du yóm tô kimónu du yó kem hlau Dwata. Mom yó mlom kimónu du yóm sidek knóyô lówóhu.