Sulat Pol Ebè Yó Kem Tau Hemtahu Bè Rom 7:18 - Udél Dwata: Gna Kesfasad ne Lomi Kesfasad

¹⁸ Deng hónô tngónu yóm dou ktau, laen kô dù hyu nô béléu. Balù yóm kwen óyóu mò du yóm hyu, ewenem yó là kô dog gmou du.

Sulat Pol Ebè Yó Kem Tau Hemtahu Bè Rom 7:18 Referans Kwoze

Kun Snulat Jan 3:6

Yóm ngà sut bè tau, tau se yó. Okóm bè yóm bud kehlomihen sut yóm tau, deng baling ngà Dwata ne, lemwót bè yóm deng nmoen béléen yóm Tulus Dwata.

Kem Lingón 51:5

Tódô mung bè ksutu yóm óyóu mò sidek. Nbuten bè keblolu yê dou, eles nô béléu yóm óyô mò sidek yó.

Glasya 5:17

Abay se yóm sidek knóyô lówó tau, kenbéen yóm kun kóyô yóm Tulus Dwata. Dalang se yóm Tulus Dwata, kenbéen yóm sidek knóyô lówó tau. Kaem sfohon le yóm lewu le yó. Yó gónóm mon, ke halak kuy bè Tulus Dwata, là kô gmò tekuy du ne yóm knóyô lówó tekuy yó.

Sulat Pol Ebè Yó Kem Tau Hemtahu Bè Rom 7:25

Yó gónóm mon, tey kdóyónu ke Dwata, abay se wen yóm gembek tmóbóng dou, duhen yóm gónóhu mogot Jisas Krays. Ni se yóm mò kmoen béléu. Ke són ou du, olohu beyen hemdem du yóm tô kimónu du yó kem hlau Dwata. Mom yó mlom kimónu du yóm sidek knóyô lówóhu.

Job 14:4

Tau du se gembek hólós yóm tau ke tehe là mólósen lemwót bè ksuten? Kaem laen duen.

Glasya 5:24

Yó kem tau deng nfun Krays Jisas, gotu kenbê le mò du yóm kdê sidek knóyô lówó tau.

Flipay 2:13

abay se ke Dwata kun, wen tendo nmoen bélê ye anì wen óyô ye mò du yóm kun kóyô, ne anì wen kegbek ye mò du snéen.

Tekang Kbuten 6:5

Bè yóm kton Dwata du yóm alì kmò le sidek yó kem tau talak tonok ne yóm là kólós yó kem gel nô lem hendem le,

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Sulat Pol Ebè Yó Kem Tau Hemtahu Bè Rom 7:19

Là kô dog gmou du yóm hyu tô nóyô nmou, okóm mom yó gmou, yóm sidek alì kenbéu.

Sulat Pol Ebè Yó Kem Tau Hemtahu Bè Rom 7:15

Là kóe móyô du yóm dou gel kmò. Yóm tngónu hyu, là kô dog gmou du. Mom yó gmou yó kem sidek gel kenbéu.

Matyu 15:19

Kdê yó kem nmò sidek, hono lemwót bè kehedem tau, lómón yóm monok, ne mdà yehen, ne mò samuk, ne mnagaw, ne mò kéng, ne yóm tódô gel semtulón dumu tau.

Tekang Kbuten 8:21

Yóm boo yóm dsuen yó, tey hyu nawa Dwata du ne yó hendemen, “Là kô bud genlau du ne yóm tonok ne yóm kentihen nô tahen lemwót bè sidek gel nmò tau. Tódô tngónu yóm tau, lemwót bè hanà kudien yóm kwen sidek nô lem hendemen. Là kô naw e bud genlà kul ne yóm kentihen mowil talak tonok lómón yóm deng nmou bélê le ni.

1 Pitér 4:2

Yó gónóm mon, lenwóten ni ne efet kukol towok ye, yake hol nô bè nawa ye mò du yóm kun kóyô bélê ye Dwata. Bê ye abay bud nmung yó kem sidek knóyô lówó tau.

Flipay 3:12

Ni kem monu ni koni, là monu du dé ke deng gotu ketu mò du, duhen ke denge hol gulit. Okóm yó dé hol nmou, hotuhu gelu kemtes du anì angat gutahu yóm ofol blay Krays Jisas dou, yakà yó du uléken yóm tehe kfunen dou.

Kun Snulat Luk 11:13

Balù se yóm kuy là kgulit,” mon Jisas, “ewenem sana khulung ye bemlay kem ngà ye yóm hyu bélê le. Milud he yóm Mà tekuy bè longit ke hni ye béléen yóm kun Tulus, tódô blayen kuy.”

Kem Lingón 119:176

Denge tabag lómón ke yóm ubiha lana, géhél hnebelem ou, yóm tau tóbóng lówóhem, abay se là kô naw e klifót kul yó kem hlauhem.

Kem Lingón 119:40

Tey kóyóu mimón du yó kem hlauhem. Hnomihem klowilu lemwót bè yóm tey kehyuhem.

Sulat Pol Ebè Yó Kem Tau Hemtahu Bè Rom 13:14

Yó dé nmò tekuy, hol dnalang tekuy yóm kun kmò yóm gónó tekuy mogot Jisas Krays. Ne bê tekuy abay tódô nmung yó kem sidek knóyô lówó tekuy.

Sulat Pol Ebè Yó Kem Tau Hemtahu Bè Rom 7:5

Yóm tehe kegen tekuy lemolò du yóm knóyô lówó tekuy, mom temnù yóm óyô tekuy mò du yóm sidek bè yóm deng ketngón tekuy yóm hlau, igò sem yó nefeten yóm nmò tekuy yó, hatay.

Kem Lingón 119:173

Elesi htifes nam e tnóbóng o, yakà yó du deng néléku yóm kimónu yó kem hlauhem.

Isaya 64:6

Tódô kdê me gotu gemsalà. Igoen se tey hyu yóm gel nmò me ekni, moen se ni du ke mom tles nmò me yóm sidek? Lemwót bè yó kem salà me, hol lómón ke doun mékéng mung holis bè lenos yóm kmò me.

Kem Lingón 119:5

Hyu nawahu ke hol gfan bè kdê nmou yó kem deng hloloem kum.

Kem Lingón 119:32

Ke tnóbóngem ou, hotuhu gelu lemolò du yó kem hlauhem,