Sulat Pol Ebè Yó Kem Tau Hemtahu Bè Rom 7:15 - Udél Dwata: Gna Kesfasad ne Lomi Kesfasad

¹⁵ Là kóe móyô du yóm dou gel kmò. Yóm tngónu hyu, là kô dog gmou du. Mom yó gmou yó kem sidek gel kenbéu.

Sulat Pol Ebè Yó Kem Tau Hemtahu Bè Rom 7:15 Referans Kwoze

Glasya 5:17

Abay se yóm sidek knóyô lówó tau, kenbéen yóm kun kóyô yóm Tulus Dwata. Dalang se yóm Tulus Dwata, kenbéen yóm sidek knóyô lówó tau. Kaem sfohon le yóm lewu le yó. Yó gónóm mon, ke halak kuy bè Tulus Dwata, là kô gmò tekuy du ne yóm knóyô lówó tekuy yó.

Nahum 1:7

Tey hyu yóm Dwata. Ke wen hlayam sut, tek sónen du yóm gónó e mlo alì mbegel. Gotu nofinen yó kem tau smalig béléen.

Sulat Jim 3:2

Kdê tekuy, sal gel wen gónó tekuy gemsalà. Okóm yóm tau laen dù salà sumóngen, deng tahu gulit ne yóm tau yó, deng hulung mit ktauhen.

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.

Sulat Jud 1:23

Ne yó kem dumu tau móyón gmung bè salà, géhél kendel skot ye lu dé, abay se hol lómón ke nô le lem ofi. Wen se kem dumu tau deng gebeng lem sidek. Hol knodu ye lu snéen, okóm hol ye temgama anì là gbót ye. Hol knutó nawa ye yó dum sidek gel nmò le.

Sulat Pol Ebè Yó Kem Tau Hemtahu Bè Rom 14:22

Duhen yó, balù kihu kóm kmò kehedem du nim ni, tódô olo ye lewu Dwata temngón du. Tey bong kehligalen yóm tau laen dù gónón megewu nawahen du yóm gel loloen.

Kem Lingón 19:12

Laen kô dù tau ke dilóen yóm kun gónó là tedeng. Yó gónóm mon, tnóbóngem ou, Dwata, anì là gwiten dou yóm là tedengen bè yóm là dilóu du.

2 Timuti 2:19

Okóm yóm ktahuhen lemwót bè Dwata, là kóen na a monol. Wen deng hsulat Dwata, yó monen, “Tngón yóm gónó tekuy mogot yó kem kun tau.” Ne sotuhen, “Ke yó udél yóm sotu tau, ke monen, Tauhe yóm gónó tekuy mogot dou, yake hol hlayuk du sen yóm sidek.”

Hibru 1:9

Tey hyu nawahem du yóm nmò tedeng, ne kenbéem yóm nmò sidek. Yó gónóhu mélék kóm mò hegetahu ne mò hnigalu senta yó kem dumuhem.”

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

Kem Udél Hlalak Tehe Selumun 8:13

Yóm tau kmikò ke Dwata hol knutó nawahen yóm sidek. Dalang se do, knutó nawahu yóm kehegmón ne yóm keheklabak. Knutó nawahu snéen yó kem nmò sidek ne yó kem mò udél seblékê.

Sulat Pol Ebè Yó Kem Tau Hemtahu Bè Rom 7:16

Ke kenbéu yóm sidek gel nmou, yó se gónón gfan yóm kegmungu bè yóm hlau Dwata.

Kem Lingón 119:113

Tey keklitu kul yó kem tau megewu nawa le kóm, okóm dou, tey bong óyóu mimón du yó kem hlauhem.

Kem Lingón 101:3

Là kóe móyô temngel du kihu yó kem nmò sidek. Tey keklitu du dou yó kem nmò le là tedengen yó kem tau là hemtahu bè Dwata. Là kóe móyô mò du dou yó kem gel nmò le yó.

Kem Lingón 1:6

Bong yó kem tau tedeng kmò le, tendo gel sen-galak Dwata lu ne nofinen lu. Bede yó kem tau gel mò sidek, deng le golu elem hatay ne.

Kem Udél Hlalak Tehe Selumun 13:5

Tey kenbéen yóm tulón kéng yóm tau tedeng kmoen, okóm yóm tau gel mò sidek yóm kun udél hol tahu gónó myak.

Kem Lingón 119:163

Tey sidek kutó nawahu du yóm tau mò kéng, okóm tey kbong nawahu du yó kem hlauhem.

Kem Lingón 119:128

Lemwót bè yóm ktedeng yóm ket hlauhem, yó gónóhu meklit du yó kem sidek nmò tau.

Kem Lingón 65:3

na le e hkó kóm salà le. Laen kô dù bud gmò me ne lemwót bè yó kem sidek gel nmò me, okóm tódô gotu hnifótem bélê me.

1 Bok Kem Tau Hol Geta 8:46

Ke gemsalà le béléem yó kem tauhem, abay se laen dù tau ke là gemsalaen, ne lemwót bè kebutem kul là kô hegmoem kul bè yó kem hohon le, ne gotu negef le lu etu ebè tólóng benwu mayuk duhen ke benwu moni,

Kem Lingón 119:40

Tey kóyóu mimón du yó kem hlauhem. Hnomihem klowilu lemwót bè yóm tey kehyuhem.

Kem Lingón 119:32

Ke tnóbóngem ou, hotuhu gelu lemolò du yó kem hlauhem,

Kun Snulat Luk 11:48

Nim nmò ye ni, ni se gónón gdilô yóm deng kessotu nawa ye mò yóm kul nmò yó kem tehe fù ye. Lu fen hmatay yó kem tehe gna tugod Dwata, ne yu se fen hemtilob yó kem lebeng le.

Kem Lingón 119:104

Lemwót bè yó kem hlauhem yóm khulungu hedem. Yó gónóm mon, tey kenbéu yóm nmò sidek.

Kem Lingón 97:10

Tey kbong nawa Dwata kul yó kem tau kembê du yóm sidek. Sal gel bnenteyen yó kem tau teneb béléen. Lenwaen lu lem hólól yó kem tau mò sidek.

Kem Lingón 36:4

Là kô le gtungô ke kifu, són natul le yóm sidek bud nmò le. Laen kô dù hyu du yóm gel nmò le. Là kô knogol le du yóm sidek.

Kun Snulat Jan 15:15

Là bud bnoluyu kuy tau dók, abay se yóm tau dók, là kô tngónen du kun yóm nmò yóm gónón mogot. Okóm bnoluyu yu wè, abay se deng gotu hetngónu kuy kdê yó kem deng gungolu gu bè Mà.