Sulat Pol Ebè Yó Kem Tau Hemtahu Bè Rom 7:12 - Udél Dwata: Gna Kesfasad ne Lomi Kesfasad

¹² Duhen yó, yóm hlau tehe snulat Musis yó laen dù kô belenen. Tey ktedengen, lelen alì hyu.

Sulat Pol Ebè Yó Kem Tau Hemtahu Bè Rom 7:12 Referans Kwoze

1 Timuti 1:8

Deng tngón tekuy se yóm tey kehyuhen yóm hlau yó ke lolò te yóm kun kóyô kehlan du Dwata.

Kem Lingón 119:137

Ó Dwata, tey ktedengem, ne tey tedeng yó kem hlauhem.

Sulat Pol Ebè Yó Kem Tau Hemtahu Bè Rom 7:14

Tngónu yóm hlau, hono lemwót gu bè Dwata, laen kô sidek nô du. Okóm béléu yóm gónón sidek, abay se tauhe gemsalà, gféte bè yóm sidek.

Kem Lingón 119:172

Lingónu yó kem udélem, yakà hono tedeng kdê yó kem hlauhem.

Sulat Pol Ebè Yó Kem Tau Hemtahu Bè Rom 3:31

Déke bud wen tau mon du, “Ke mlan bè kehtahu tekuy ke Jisas, laen dù bud muhen ne yóm klolò tekuy yó kem hlau Musis.” Là kô yó du. Mom milud he klolò tekuy du yóm hlau lemwót bè yóm deng kehtahu tekuy ke Jisas.

Nihimaya 9:13

Ditu bè Bulul Sinay gónóm tehe mnaul ebélê le lemwót gu bè longit ne bè yó gónóm mudél ebélê le. Wen tey hlau tedeng blayem kul ne wen tey hyu hloloem kul.

Dwata 10:12

Duhen ni kem tau Israél, tedu se yóm hol nóyô Dwata bélê ye, yóm sana kuy Dwata hol gónó mogot? Yó nóyóen ke hol wen klikò ye du ne ke tendo nmò ye yó kem kun hlau kuy. Kóyóen ke kenbong nawa ye ne hewót ye bè nawa ye yóm klolò ye du

Dwata 4:8

Laen dù dumu but tau balù nô kwen le ke wen mdengen hlau tedeng nô lem blóng le lómón yó kem hlau deng toloku kuy kemdaw ni.

Kem Lingón 119:140

Sal gel dohò yó kem fasadem. Yó gónóhu kembong nawa kul.

Kem Lingón 119:127

Tahu se, tey kbong nawahu du yó kem hlauhem senta kbong nawahu yóm tahu blówón, balù yóm blówón hol tahu duhen.

Kem Lingón 119:38

Dnohoem yóm tehe fasadem do, yóm tau tóbóng lówóhem, yóm fasad nmoem bè yó kem tau wen klikò le kóm.

Sulat Pol Ebè Yó Kem Tau Hemtahu Bè Rom 12:2

Bê ye abay lolò kul kmò yó kem tau là hemtahu le lem nim benwu ni. Hesfili ye ke Dwata yóm kehedem ye anì gtukul ye ke tedu yóm kun kóyô bélê ye, ne ke tedu yóm hyu ne yóm tedeng ne yóm mò gónón hligal.

Sulat Pol Ebè Yó Kem Tau Hemtahu Bè Rom 7:16

Ke kenbéu yóm sidek gel nmou, yó se gónón gfan yóm kegmungu bè yóm hlau Dwata.

Kem Lingón 119:86

Kdê yó kem hlauhem, hono gsalig. Hol nofinem o bè yó kem tau tô hemsidek do là duón.