Sulat Pol Ebè Yó Kem Tau Hemtahu Bè Rom 7:11 - Udél Dwata: Gna Kesfasad ne Lomi Kesfasad

¹¹ Tey sidek kegtondohu bè yóm nawahu móyô mò sidek, abay se sónmoen kemteng dou anì nuléhu yóm hlau. Mom yó uléken yóm nmou yó, hatay.

Sulat Pol Ebè Yó Kem Tau Hemtahu Bè Rom 7:11 Referans Kwoze

Tekang Kbuten 3:13

Ne snólók Dwata yóm libun, monen mò du, “Moen de ke nmoem nim ni?” Ne yó balaen du yóm libun, monen, “Yóm ulal fen smukat dou, yó sem gónóhu mken du.”

Sulat Pol Ebè Yó Kem Tau Hemtahu Bè Rom 7:8

Okóm lemwót bè yóm deng kegna knóen béléu yóm salà, ne tngónu monen bè yóm hlau là hyuhen yóm mófô, okóm deng mom lenwéen yóm óyóu mófô. Ke là wen yóm hlau, là kô tngónu du yóm ksideken yóm nmou yó.

Hibru 3:13

Okóm yó dé yóm hol tnana nmò ye yóm igoen tolo wen kdaw blay Dwata tekuy, hol ye setgel ket kdaw anì laen dù bélê ye gtondo bè yóm sidek, ne hlós baling tau là mimón.

Sulat Jim 1:26

Ke wen tau hemdem du deng tey bong kun kehtahu bè Dwata, okóm ke là gafasen du ksumóngen, laen dù muhen yóm tô kehtahuhen yó, olon tmondo knóen.

Sulat Jim 1:22

Bê ye abay olo hmungol du yóm Udél Dwata, yake hol nimón ye. Kesok là nimón ye du olo ye tmondo knô ye.

Sulat Pol Ebè Yó Kem Tau Hemtahu Bè Rom 7:13

Là kô yóm hlau hyu ni yóm mit do elem hatay. Okóm yó mit do elem hatay duhen yóm alì óyóu mò sidek ne mulé du yóm hlau. Ni se gónóhu mton du ksideken yóm salà hlanen bè yóm hlau hyu anì megtulede lem hatay. Duhen yó, yó muhen yóm hlau mò gónóhu temngón du yóm alì ksideken yóm salà.

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?

Isaya 44:20

Yóm nmoen yóm tau yó, lómón ke mken kohù laen dù gónón mowil du. Ungel nmoen yóm yó, olon tmondo knóen. Laen dù lanem tmóbóng du yóm tau yó. Là kô dilóen du yóm koyu lennged nogoten, sundu tahu dwata du.

Ifisus 4:22

Yó gónóm mon, hol kó ye dé yóm gna nmò ye tganay, yóm gel mit kuy mò sidek. Yóm nmò ye yó, megtondo ye du, mom hensideken knô ye.

Ubadaya 1:3

Tey keheklabakem abay se hono botu mgemel yóm gónóhem nô, tódô ye nô ta yó kem bulul geta. Yó udél ye, ‘Tau du de tô gmuta tekuy bè ni?’ Bê. Hol bê ye abay tnondo knô ye.

Sulat Pol Ebè Yó Kem Tau Hemtahu Bè Rom 3:20

Abay se laen dù tau tedeng kton Dwata du lemwót bè kloloen yóm hlau. Yó muhen yóm hlau mò hdilô du bè tau yóm kegsalaen.