Sulat Pol Ebè Yó Kem Tau Hemtahu Bè Rom 6:9 - Udél Dwata: Gna Kesfasad ne Lomi Kesfasad

⁹ Tngón tekuy snéen yóm deng bud kehlowil Dwata ke Krays, là kóen bud matay ne. Laen bud gmoen béléen yóm hatay.

Sulat Pol Ebè Yó Kem Tau Hemtahu Bè Rom 6:9 Referans Kwoze

Sulat Pol Ebè Yó Kem Tau Hemtahu Bè Rom 6:14

Yake bê ye bud galak du ne yóm óyô mò sidek, abay se là bud tekuy galak bè yóm hlau gnan, okóm deng tekuy gnô lem yóm kun tóbóng Dwata.

Deng Hegfan 1:18

Ou se yóm laen dù tul katayen. Denge tehe matay, okóm ni denge bud mowil, laen dù bud sónen ne yóm dou klowil. Ou se yóm wen kfasangen mogot hatay, dalang se yóm benwu gónó le nô yó kem tau deng matay, ou se yóm mogot du.

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Sulat Pol Ebè Yó Kem Tau Hemtahu Bè Rom 5:14

Okóm nbuten bè kun kdaw Adam ekni efet kól bè kun kdaw Musis, gotu le matay yóm kdéen tau lemwót bè yóm kegsalà le. Yóm tehe kun salà nmò Adam, nuléhen yóm hlolò Dwata du. Baluen he ke là sengeden yóm kul salà nmò yó kem dumu tau, senged gotu katay le snéen. Bong ke Adam kun, lómón ke olung yóm tau hendón nangat le, duhen Krays, abay se sket wen guta tau bélê le.

Hibru 7:16

Yóm keseblóngen yó, là lemwóten bè yóm kun kesfu gónó le mélék du, okóm yó gónó Dwata mélék du, abay se tey kfasangen lemwót bè yóm klaen dù sónen yóm klowilen.

Sulat Pol Ebè Yó Kem Tau Hemtahu Bè Rom 6:4

Duhen yó, bè yóm kehbabtays tekuy, hol lómón ke deng tekuy gomong lebeng béléen. Yó gónó tekuy gomong bè yóm katayen anì gomong tekuy snéen bè yóm bud kehlowil Maen du gu lem hatay, ne anì homong benlay Dwata tekuy lomi klowil. Bè yóm tehe kehlowil Dwata ke Krays, yó gónó tekuy mton du yóm tey kegbek Dwata.

Sulat Pol Ebè Yó Kem Tau Hemtahu Bè Rom 6:10

Tek suléken matay anì matù bè salà. Ne bud mowil mò gónón megdóyón Dwata.