Sulat Pol Ebè Yó Kem Tau Hemtahu Bè Rom 6:5 - Udél Dwata: Gna Kesfasad ne Lomi Kesfasad

⁵ Ke gomong tekuy matay béléen, gomong tekuy snéen bè yóm bud kehlowil Dwata du.

Sulat Pol Ebè Yó Kem Tau Hemtahu Bè Rom 6:5 Referans Kwoze

Kulasi 2:12

Abay se bè tum tehe kehbabtays ye, lómón ke deng ye mung ke Krays bè yóm tehe kebeng le du. Ne bud bè tum tehe kehbabtays ye, lómón ke deng ye mung béléen snéen bè yóm tehe bud klowilen lemwót bè yóm kehtahu ye du yóm tey kegbek Dwata bè yóm tehe kehlowilen ke Krays gu lem hatay.

2 Kurin 4:10

Sal gel gnóm me bè lówó me yóm tehe khatay le ke Jisas ekni anì hol gfan bélê me snéen yóm bud klowilen bè yóm gel któbóngen kum.

Kulasi 3:1

Deng homong Dwata tekuy ne bè yóm tehe kehlowilen ke Krays gu lem hatay. Yó gónóm mon, yake hol hendem tekuy dé yó kem gel nô bè longit. Bè yó se hol gónóhen nô Krays, deng myón fi bè kwanan Dwata.

Matyu 15:13

Ne bnalà Jisas lu, bede hningónen, monen, “Yóm hulu là kun hulu du yóm Mà bè longit, angat tódô kenduten.

Jirimaya 2:21

Moen de ke lómón ni nmò ye? Igoen bè yóm tehe khuluhu kuy, lómón ke yu yóm lefà grép alì mgélék. Okóm moen se ni du ke deng ye mkél bè yóm lefà grép tmowok lem bnes laen dù bud muhen?

Isaya 5:2

Hyu senbwólen yóm tonoken ne gotu kóhen yó kem botuhen. Ne wen tinu grép alì hyu huluhen bè yó. Ne wen se gónô geta hdaen bè yó mò gónó le nô yó kem tau mentey du. Ne eles wen sol nmoen bè botu mò gónón smóyów mdà yó kem bungu grépen. Ominen yó mangat yóm klélélen. Okóm bè yóm deng kutahen du mom hono msom.

Kem Lingón 92:13

Yakà deng nilihu kul bè gónô Dwata. Ne tey hyu kenok le bè yó bè kun gónô Dwata.

Kun Snulat Jan 12:24

Tódô tulónu kuy ktahuhen,” mon Jisas, “lómón yóm sbotù bnék halay, ke là nan gebeng elem tonok ne lembóg, là kóen na a tmowok, ne là se wen bunguhen, tódô sana keblotuen. Okóm ke deng lembóg, yó he kwen towoken, ne angat tey kbunguhen.