Sulat Pol Ebè Yó Kem Tau Hemtahu Bè Rom 6:4 - Udél Dwata: Gna Kesfasad ne Lomi Kesfasad

⁴ Duhen yó, bè yóm kehbabtays tekuy, hol lómón ke deng tekuy gomong lebeng béléen. Yó gónó tekuy gomong bè yóm katayen anì gomong tekuy snéen bè yóm bud kehlowil Maen du gu lem hatay, ne anì homong benlay Dwata tekuy lomi klowil. Bè yóm tehe kehlowil Dwata ke Krays, yó gónó tekuy mton du yóm tey kegbek Dwata.

Sulat Pol Ebè Yó Kem Tau Hemtahu Bè Rom 6:4 Referans Kwoze

2 Kurin 5:17

Ke deng ssotu bè Krays yóm tau, baling lomi ne kehedemen. Kdê yó kem tehe gna kehedemen tódô gotu lana, ne hono lomi ne bud tlesen du.

Kulasi 3:10

Deng wen ne yóm lomi klowil tekuy lemwót bè Dwata. Ne yó nmò Dwata, tódô senflósen hembaling du nim lomi klowil tekuy ni efet te baling hol skél bè kun kmò, anì hol tilob kesetngón tekuy ebéléen.

Sulat Pol Ebè Yó Kem Tau Hemtahu Bè Rom 7:6

Okóm nim kmoen ni, lemwót bè yóm deng kgomong tekuy matay bè Krays, deng tekuy gewà du ne yóm keghesek tekuy bè yóm hlau. Yóm kmò tekuy du yóm knóyô Dwata, là mlanen bè klolò tekuy du yóm hlau gnan, okóm mlan bè yóm lomi klowil ulék yóm kegalak tekuy bè yóm Tulusen.

1 Pitér 3:21

Yóm kegewà le yó ekni, hningónen yóm kegewà tekuy gu lem hatay bè yóm kehbabtays tekuy. Bè yóm kehbabtays ye, là kô mò lan mkó using bè lówó du, okóm yó lanen mò ilô yóm deng eles kehkodu ye bè Dwata anì kóhen yó kem salà ye, ne anì laen dù blóng ye ebéléen. Ne yó gónó ye gewà gu lem salà ye mlan bè yóm tehe klowil Dwata ke Jisas Krays gu lem hatay.

Sulat Pol Ebè Yó Kem Tau Hemtahu Bè Rom 6:9

Tngón tekuy snéen yóm deng bud kehlowil Dwata ke Krays, là kóen bud matay ne. Laen bud gmoen béléen yóm hatay.

2 Kurin 13:4

Bè yóm tehe khatay le du, lómón ke laen kô dù kfasangen, okóm lemwót bè yóm kun kfasang Dwata, yó gónón bud mowil. Bè yóm deng kessotu me béléen, gbót me se kum bè yóm là kfasangen. Okóm bè yóm angat kógów me edyó bélê ye, bud me gbót bè yóm tey kfasang Dwata hlanen bè yóm kun klowil Krays.

Sulat Pol Ebè Yó Kem Tau Hemtahu Bè Rom 6:3

Gotu tngón ye se yóm tehe kehbabtays tekuy mò ilô yóm deng kessotu tekuy bè Krays Jisas. Bè yóm kehbabtays tekuy yó, hol lómón ke deng tekuy gomong bè Jisas bè yóm tehe katayen.

1 Jan 2:6

Ke mon yóm sotu tau, “Deng me ssotu ne Dwata,” yake hol nulit nmoen sen yóm kun kmò Jisas Krays.

1 Kurin 6:14

Deng hlowil Dwata yóm gónó tekuy mogot, ne lemwót bè yóm kfasangen mò du, angat hlowilen tekuy snéen.

Sulat Pol Ebè Yó Kem Tau Hemtahu Bè Rom 8:11

Ke deng nô bélê ye yóm Tulus Dwata tehe hlowil ke Jisas gu lem hatay yó, bud du angat bud hlowil yóm tau deng matay.

Ifisus 4:17

Ni eles hetgamahu kuy hlanu bè boluy yóm gónó tekuy mogot. Bê ye abay bud nmò yóm kul gel nmò yó kem tau là tngón le ke Dwata. Yóm kul kehedem yó, laen kô gónón e kól.

Sulat Pol Ebè Yó Kem Tau Hemtahu Bè Rom 6:19

Yó gónóhu hmingón du bè keghesek nim toloku kuy ni anì mahil ketngón ye du lanen. Tehe yu ekni, ghesek ye bè yóm óyô ye mò sidek, abay se tódô bayà ye lówó ye mò du, ne sónmoen minut temnù yóm ksidek nmò ye. Okóm ni yake hol hogot ye ke Dwata yóm lówó ye anì ghesek ye bè yóm tedeng, ne anì laen dù belenen yóm kmò ye.

Kun Snulat Jan 11:40

Ne bnalà Jisas se, monen, “Hentulónem nawa yó dém deng monu mò kóm eginu, ke hemtahuhi béléu, tonem yóm kun kfasang Dwata.”

Kul Nmò 2:24

Okóm deng hlowil Dwata, deng hewaen gu lem hatay, abay se là kô gbek hatay tô semgfét du.

Kulasi 4:1

Ne yu kem tau wen klifenen, hol nmò ye yóm hyu ne yóm tedeng bè yó kem klifen ye. Bê ye klifót wen se yóm kuy gónó mogot bè longit.

Ifisus 5:8

Tehe yu ekni, deng gel nmò ye snéen kuy ni kem sidek ni, hol lómón ke tehe ye nô lem gónón kmifu. Okóm ni ne, deng ye baling kun tau yóm gónó tekuy mogot, lómón ke deng ye nô lem yóm gónón lemayag. Yó gónóm mon, nmò ye sen yóm nmò knóón bè yóm tau nô lem layag.

Kun Snulat Jan 2:11

Ni se yóm hol tanay hentaw ton nmò Jisas. Nmoen bè yóm sotu benwu snakuf Galili boluyen Kana. Ne bè yó gónóhen hegfan du yóm kfasangen, ne hemtahu le béléen yó kem gel lemolò du.

Kul Nmò 2:32

Ne duhen yó sem Jisas,” mon Pitér, “yóm deng bud hlowil Dwata. Yóm kdê me bè ni, mi se gemtanud du yóm deng bud klowilen.

Sulat Pol Ebè Yó Kem Tau Hemtahu Bè Rom 6:8

Ke deng tekuy gomong matay bè Krays, tódô tngón tekuy se bud tekuy gomong mowil béléen.