Sulat Pol Ebè Yó Kem Tau Hemtahu Bè Rom 6:3 - Udél Dwata: Gna Kesfasad ne Lomi Kesfasad

³ Gotu tngón ye se yóm tehe kehbabtays tekuy mò ilô yóm deng kessotu tekuy bè Krays Jisas. Bè yóm kehbabtays tekuy yó, hol lómón ke deng tekuy gomong bè Jisas bè yóm tehe katayen.

Sulat Pol Ebè Yó Kem Tau Hemtahu Bè Rom 6:3 Referans Kwoze

Glasya 3:27

Deng ye hbabtays mò ilô yóm kessotu ye bè Krays, deng glolò ye ne yóm kun kmò Krays.

Sulat Pol Ebè Yó Kem Tau Hemtahu Bè Rom 6:8

Ke deng tekuy gomong matay bè Krays, tódô tngón tekuy se bud tekuy gomong mowil béléen.

1 Kurin 12:13

Lómón yó se yóm kdê tekuy lemolò ke Krays. Bè yóm tehe kehbabtays tekuy, henbalingen tekuy sotu lówó yóm Tulus Dwata, kihu ke Ju duhen ke là Ju le, ke tau klifen duhen là klifen le. Liman ke tek sotu lówó tekuy, abay se tek sotu yóm Tulus Dwata tendo nô bélê tekuy.

1 Pitér 3:21

Yóm kegewà le yó ekni, hningónen yóm kegewà tekuy gu lem hatay bè yóm kehbabtays tekuy. Bè yóm kehbabtays ye, là kô mò lan mkó using bè lówó du, okóm yó lanen mò ilô yóm deng eles kehkodu ye bè Dwata anì kóhen yó kem salà ye, ne anì laen dù blóng ye ebéléen. Ne yó gónó ye gewà gu lem salà ye mlan bè yóm tehe klowil Dwata ke Jisas Krays gu lem hatay.

Kul Nmò 2:38

Mon Pitér se mò kul, monen, “Yake hol kleng ye du te bótóng ne yó kem sidek deng gel nmò ye. Hbabtays ye hlan ye bè boluy Jisas Krays anì hnifót Dwata yó kem salà ye. Ke yó se nmò ye, wen blay Dwata kuy, duhen yóm Tulusen.

Matyu 28:19

Yó gónóm mon, mógów ye do ebè kdéen but tau bè klamangen benwu anì baling le tau lemolò do. Bnabtays ye lu hlan ye bè boluy Dwata, yóm Mà tekuy, ne bè boluy yóm Ngaen ne bè boluy yóm Tulusen.

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

1 Kurin 9:13

Deng hónô tngón ye se bè yó kem tau gel mò nmò bè Gónô Dwata, són bè yó se gónó le mowil. Ne dalang se yó kem tau gel demsù ebè Dwata bè yó, wen se kul mdengen ólól bè yóm utón gel hedsù le kul ebè Dwata.

Sulat Pol Ebè Yó Kem Tau Hemtahu Bè Rom 7:1

Ó kem dumuhu setwoli, deng hónô tngón ye mò kmoen yóm hlau gnan. Són olo kwen kwalisen bè tau yóm hlau, són yóm igò le tolo mowil.

Sulat Pol Ebè Yó Kem Tau Hemtahu Bè Rom 6:16

Tódô tngón ye se ke tedu yóm gel nélék ye mò lolò ye deng yó se gónó ye ghesek. Ke mò salà se yóm nmò ye, bè salà se gónó ye ghesek ne yó nefeten yóm yó hatay. Okóm ke tendo nimón ye Dwata, yó se gónón tedeng ktonen kuy.

Kul Nmò 19:5

Bè yóm kungol le yóm tulón Pol yó, tódô le hbabtays hlan le bè boluy yóm gónó le mogot Jisas.

1 Kurin 6:9

Deng hónô tngón ye, là kóen gmung bè yóm tau nogot Dwata yóm tau là tedeng nmoen. Béen tólóng kehedem ye du nim ni. Là kô le gmung yó kem tau gel mò samuk, ne yó kem tau hemtahu bè yóm dwata kéng, ne yó kem tau mdà yehen, ne yó kem tau deng mom senwì le yóm kmò kesyehen, syehen hono logi, ne syehen hono libun.

1 Kurin 5:6

Tey là kóen na a hyu yóm kehegmón ye yó. Igò ye se temngón du yóm gel mon le, “Baluen ke tek udì yóm ken bali, ke suem bè yóm ken là balihen, gbót bali snéen yóm ken lomi.”

Kul Nmò 8:16

Abay se là dengen sut bélê le he yóm Tulus Dwata, olo le deng hbabtays bè kun boluy yóm gónó tekuy mogot Jisas.

2 Kurin 13:5

Yake hol henklol ye dé yóm kuy kmò ktau ke deng ye tahu hemtahu. Deng tahu nô bélê ye kô Jisas Krays? Ke là nóen bélê ye, kéng ye yóm kehtahu ye.

1 Kurin 15:29

Ne ke henkéng le yóm bud kehlowil Dwata yó kem tau deng matay, moen de ke gel wen bélê ye bud hbabtays mò leyu lówó yó kem tau tehe matay? Tedu se nefeten yóm nmò le yó ke là bud hlowil Dwata kul yó kem tau deng matay?

1 Kurin 3:16

Deng tngón ye se yóm lówó tekuy kun gónô Dwata, ne deng nô bélê tekuy se yóm kun Tulus Dwata.

1 Kurin 6:19

Deng hónô tngón ye se nim lówó tekuy hol gónóhen nô yóm Tulus Dwata tehe sù Dwata bélê tekuy, yóm deng blayen tekuy. Là bud tekuy du ne funen yóm lówó tekuy, deng nfun Dwata.

1 Kurin 9:24

Deng hónô tngón ye se ke wen yóm skuya mlóy, tey dê tau gel mung, okóm tek sotu yóm matù, ne du se olo gemwa ofol. Tekuy se kem tau hemtahu, lómón ke skuya tekuy mlóy. Hotu tekuy són gel tekuy mlóy anì guta tekuy yóm ofol.

1 Kurin 10:2

Lemwót bè yóm klolò le yóm lobun ne bè tum kifal le yóm mohin, hol lómón ke deng le gotu hbabtays mò tau lemolò ke Musis.