Sulat Pol Ebè Yó Kem Tau Hemtahu Bè Rom 6:23 - Udél Dwata: Gna Kesfasad ne Lomi Kesfasad

²³ Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.

Sulat Pol Ebè Yó Kem Tau Hemtahu Bè Rom 6:23 Referans Kwoze

Kun Snulat Jan 3:36

Yó se hemtahu bè yóm Ngà Dwata, gutahen yóm klowil laen dù tul sónen. Yó se là mimón du yóm Ngà Dwata, là se kô gutahen du yóm klowil yó, tódô hlós gbóen yóm tafak Dwata du.”

Sulat Pol Ebè Yó Kem Tau Hemtahu Bè Rom 5:12

Bè hol kbuten, lemwót bè kegsalà Adam gónón wen salà lem benwu. Lemwót bè kegsalaen gónón wen hatay. Ne yó gónón lemwót matay kdéen tau abay se gotu le gbót gemsalà.

Sulat Jim 1:15

Ngangen hembeyen du efet gmoen, ne yó gónón baling salà. Ne ke henlelen mò salà yóm tau, yó se mit du elem hatay laen dù sónen.

Kun Snulat Jan 6:40

Yó hol kóyô Mà ke benlayen klowil laen dù sónen yó kem tau dmilô yóm kun Ngà ne hemtahu béléen. Ne yó angat nmou bélê le, gotu hlowilu lu sok kól yóm hol són kdaw.”

Matyu 25:46

Duhen yó,” mon Jisas, “tódô le gotu hlós elem yóm tafak Dwata laen dù sónen. Okóm yó kem tau tedeng kmò le, guta le yóm klowil laen dù sónen.”

Isikél 18:20

Yóm tau gel mò sidek, yó se yóm tau géhél matay. Là kô na e nbô ngaen logi du yó kem salà nmò maen. Dalang se yóm maen, là kô nan e nbô du yó kem salà nmò ngaen logi. Yóm tau tedeng kmoen, bud hyu se ofolen lemwót bè kmoen yóm hyu. Yóm tau mò sidek, angat tnafak lemwót bè yóm kmoen sidek.

Isikél 18:4

Abay se kdéen tau gotu knukumu. Knukumu se yó kem tuha, bud knukumu se yó kem ngà le. Yó kukumu kul yóm tau gemsalà, du se yóm angat matay.

Kun Snulat Jan 5:24

Tódô tulónu kuy ktahuhen,” mon Jisas, “yó se hmungol yóm dou udél, ne hemtahu bè yóm hógów do, deng wen ne kun klowil laen dù sónen. Là angaten megtuled, okóm deng gewà gu lem hatay, ne deng gutahen ne yóm klowil laen dù sónen.

Sulat Pol Ebè Yó Kem Tau Hemtahu Bè Rom 5:21

Duhen yó, yóm kegsalà tekuy, nwiten tekuy elem hatay. Okóm yóm kun tóbóng Dwata, nwiten tekuy tedeng anì hlós tekuy ebè yóm klowil laen kô dù tul sónen, hlanen bè yóm gónó tekuy mogot Jisas Krays.

Sulat Pol Ebè Yó Kem Tau Hemtahu Bè Rom 2:7

Klowil laen dù sónen angat blayen bè yó kem tau tódô henlel le mò du yóm hyu lemwót bè hol kesgalu le yóm kdóyón Dwata kul ne yóm kadaten kul, ne yóm keblayen kul yóm klowil laen dù tul katay le du.

Tekang Kbuten 2:17

Okóm béem abay ken yóm bungu koyu gónóm temngón du yóm hyu ne yóm sidek. Ke sok kenem yóm bunguhen tódói matay.”

Kun Snulat Jan 10:28

Angat benlayu lu klowil laen dù sónen, là kô le na a matay. Ne laen se kô dù gembek semkot kul lem hólólu.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.

Sulat Pol Ebè Yó Kem Tau Hemtahu Bè Rom 5:17

Tahu se, lemwót bè yóm salà yóm sotu tau, yó gónón wen hatay. Okóm yóm kun nmò yóm sotu tau, duhen Jisas Krays, tódô kdéen tau gmuta yóm tey basa Dwata duhen yóm ktedeng kton Dwata kul. Blayen kul yóm klowil laen kô dù tul sónen, ne angat le gomong bè Krays mogot benwu.

Sulat Pol Ebè Yó Kem Tau Hemtahu Bè Rom 6:16

Tódô tngón ye se ke tedu yóm gel nélék ye mò lolò ye deng yó se gónó ye ghesek. Ke mò salà se yóm nmò ye, bè salà se gónó ye ghesek ne yó nefeten yóm yó hatay. Okóm ke tendo nimón ye Dwata, yó se gónón tedeng ktonen kuy.

Kun Snulat Jan 17:2

Deng hkamalem yóm Ngaem yóm kdéen tau talak tonok anì wen klowil laen dù sónen blayen bè yóm kdéen tau deng blayem du.

Tekang Kbuten 3:19

Ke là nam na hol hinget mò hulu là kói gemtob ken. Ni se mò kmoen béléem efet bud kulékem elem tonok, abay se bè tonok tehe gónóm gu lemwót. Nifilu uu lemwót gu bè tonok, ne angati bud baling tonok.”

Kun Snulat Jan 6:68

Ne mon Simun Pitér se, monen, “Laen kô dù dumu tau lolò me, Sér, tek són sem uu. Lemwót bè udélem gónó me gmuta yóm klowil laen dù tul sónen.

Kun Snulat Jan 6:27

Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”

1 Jan 2:25

Deng wen tehe fasad Krays tekuy, duhen yóm klowil laen dù sónen.

Glasya 3:10

Bong yó kem tau tô smalig yóm klolò le yóm hlau Musis, angat tey ktafak Dwata kul. Abay se deng monen bè Sulat Dwata, monen, “Angat tnafak Dwata yóm tau ke là gotu loloen du yóm kdê deng snulat bè yó kem hlau Musis.”Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”

Kun Snulat Jan 4:14

Okóm yóm tau minum yóm él dou blay, là kóen na a bud meeng. Yóm él blayu yó, baling sfut él mò gónó gmuta yóm klowil laen dù sónen.”

Kem Udél Hlalak Tehe Selumun 11:19

Tahà ktauhen yóm tau sal gel nmoen yóm ktedengen, okóm yóm tau són moen mò sidek hukolen ktauhen.

Kun Snulat Jan 4:36

Yóm tau muta, wen ofol blay Dwata du. Ne yó kem nutahen, angat guta le se kul yóm klowil laen dù sónen. Yó gónóm mon, gotu le hligal yó kem tau mehek ne yó kem tau muta.

Sulat Pol Ebè Yó Kem Tau Hemtahu Bè Rom 1:32

Deng hónô tngón le yóm monen bè hlau Dwata ke wen tau mò du yó kem sidek yó, sal gel tódô hnatay. Okóm là kô dog hdon le du. Tódô henlel le mò du, lel le semgduf kem dumu le mò du.

Sulat Pol Ebè Yó Kem Tau Hemtahu Bè Rom 6:21

Tulón ye do kun, wen kô ofol ye du yó kem sidek tehe nmò ye gónó ye myak? Yó nefeten yóm nmò ye yó, duhen hatay.

Sulat Pol Ebè Yó Kem Tau Hemtahu Bè Rom 8:6

Ke són knóyô lówó gónón galak yóm tau, yó nefeten, hatay. Ke galak bè Tulus Dwata, yó nefeten, klowil laen dù sónen, ne wen kenek nawahen.

Sulat Pol Ebè Yó Kem Tau Hemtahu Bè Rom 8:13

Abay se ke henlel nmò ye yóm kuy knóyô, angat ye hlós elem hatay. Okóm ke hlan ye bè Tulus Dwata mò tmóbóng kuy kembê du yóm sidek anì là glolò ye du yóm knóyô lówó, angat wen kuy klowil laen dù sónen.

Sulat Pol Ebè Yó Kem Tau Hemtahu Bè Rom 8:38

Deng hónô tngónu, laen dù gembek semkó tekuy bè yóm kbong nawahen tekuy Dwata. Laen dù bè nim klowil tekuy ni, balù hatay, balù yó kem hógów Dwata gu bè longit, ne yó kem mtulus gel dók Seitan, balù yó kem gel sut bélê tekuy nim kmoen ni, dalang se yó kem sut hulin kdaw,

Sulat Pol Ebè Yó Kem Tau Hemtahu Bè Rom 8:39

balù yó kem htulus Seitan lemwót gu te kmawang, duhen ke lemwót gu lem tonok, ne yóm kdéen deng dlimun Dwata, laen kô gembek semkó tekuy bè yóm kbong nawa Dwata tekuy, hlanen bè yóm gónó tekuy mogot Krays Jisas.