Sulat Pol Ebè Yó Kem Tau Hemtahu Bè Rom 6:21 - Udél Dwata: Gna Kesfasad ne Lomi Kesfasad

²¹ Tulón ye do kun, wen kô ofol ye du yó kem sidek tehe nmò ye gónó ye myak? Yó nefeten yóm nmò ye yó, duhen hatay.

Sulat Pol Ebè Yó Kem Tau Hemtahu Bè Rom 6:21 Referans Kwoze

Sulat Pol Ebè Yó Kem Tau Hemtahu Bè Rom 1:32

Deng hónô tngón le yóm monen bè hlau Dwata ke wen tau mò du yó kem sidek yó, sal gel tódô hnatay. Okóm là kô dog hdon le du. Tódô henlel le mò du, lel le semgduf kem dumu le mò du.

Sulat Pol Ebè Yó Kem Tau Hemtahu Bè Rom 7:5

Yóm tehe kegen tekuy lemolò du yóm knóyô lówó tekuy, mom temnù yóm óyô tekuy mò du yóm sidek bè yóm deng ketngón tekuy yóm hlau, igò sem yó nefeten yóm nmò tekuy yó, hatay.

Sulat Pol Ebè Yó Kem Tau Hemtahu Bè Rom 6:23

Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.

Kem Udél Hlalak Tehe Selumun 14:12

Wen se atul lómón ke tedeng bè kehedem tau du okóm yó sónen hatay.

1 Jan 2:28

Tahu se, kem ngà, hol henlós ye sen yóm kessotu ye bè Krays anì laen dù gónó tekuy likò sok semfulék edini, ne laen dù gónó tekuy myak béléen snéen bè yóm kdaw kesfuléken yó.

Hibru 6:8

Okóm yóm tonok yó, ke deng tódô tfeng kluon tmowok tahen, laen dù muhen ne. Tódô bayà bè yó ne. Ke lómón yó kmò yóm tau, ofi angat tafak Dwata du.

Sulat Pol Ebè Yó Kem Tau Hemtahu Bè Rom 8:13

Abay se ke henlel nmò ye yóm kuy knóyô, angat ye hlós elem hatay. Okóm ke hlan ye bè Tulus Dwata mò tmóbóng kuy kembê du yóm sidek anì là glolò ye du yóm knóyô lówó, angat wen kuy klowil laen dù sónen.

Sulat Pol Ebè Yó Kem Tau Hemtahu Bè Rom 8:6

Ke són knóyô lówó gónón galak yóm tau, yó nefeten, hatay. Ke galak bè Tulus Dwata, yó nefeten, klowil laen dù sónen, ne wen kenek nawahen.

Danyél 12:2

Wen se bè yó kem tau deng matay angat bud btik, wen se bélê le gmuta du yóm klowil laen dù sónen ne wen se bélê le gmuta du yóm tey sidek kyak laen dù sónen.

Jirimaya 17:10

Okóm ou se yóm sana Dwata hol gónó mogot, ou se gel hemklol du yóm nô lem hendem tau ne gotu tonu yóm nô lem but blututen. Yóm ofol blayu du sal lemwót bè yóm deng kun gel nmò.”

Deng Hegfan 20:14

Omin Dwata mò són yóm hatay, dalang se yóm benwu gónó le nô yó kem tau deng matay, tódô tudaen lu elem lanaw ofi. Nim lanaw ofi ni, ni se yóm gel mon le gewuhen dulék matay tau.

Deng Hegfan 16:6

yakà dengen gamà litô yó kem tau hemtahu béléem ne yó kem tehe tugodem lan le monok kul. Yó gónóm mon, gotu hinumem kul litô yó kem tau monok yó. Bong knóón bélê le nim tafakem kul ni.”

1 Pitér 4:17

Deng hto ne yóm buteng Dwata kmukum tau, ne fen hegnahen yó kem tau nogoten. Ke nbuten bélê tekuy, mò kmoen se bè yó kem tau là mimón du yóm Tulón Hyu lemwót gu bè Dwata?

Sulat Jim 5:20

Ni mò hol hendem ye. Yóm tau tmóbóng du yóm tau hetlas yó, du se deng mò lanen gewà yóm tau yó, ne gbek Dwata hmifót du yóm kdê salaen.

Sulat Jim 1:15

Ngangen hembeyen du efet gmoen, ne yó gónón baling salà. Ne ke henlelen mò salà yóm tau, yó se mit du elem hatay laen dù sónen.

Hibru 10:29

Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.

2 Kurin 7:11

Tey tilob uléken yóm tehe kegbeng lem ye yó, abay se tódô lemwót bè Dwata. Ngem yóm alì kehedem ye du yóm là tedengen lem blóng ye, ne yóm alì kekbê ye du yóm sidek nmò yóm sotu tau bè yó. Tey keklit ye du yóm nmoen, ne sidek ktafa nawa ye du snéen. Són hendem ye ke mulék hyu nawahu ebélê ye, ne tey kfi ye do. Ne tey ktafak ye du yóm tau mò sidek lem blóng ye. Bè ni kem nmò ye ni koni deng gónó ye hegfan yóm klaen dù bud kuy du ne yóm kun nmò yóm tau yó.

Jirimaya 31:19

Deng tódô knogol me uu, okóm ni móyô me bud semfulék ebéléem. Kogol yóm ktafakem kum, tey sidek kegnóm me du. Tey sidek kyak me, abay se gotu me gemsalà lemwót bè yóm hanà kngà me.’ ”

Kem Udél Hlalak Tehe Selumun 16:25

Wen se atul lómón tô tedeng bè kehedem tau du, okóm yó sónen hatay.

Kem Udél Hlalak Tehe Selumun 1:31

Yó gónóm mon, guta ye bunguhen yóm ungel ye ne glayam ye du.

Kem Lingón 73:17

Song tngónu mò kmoen, denge husek elem Gónóem, Dwata. Ominu yó he temngón du yóm gónón e kól yóm kul klowil yó kem tau mò sidek.

Job 42:6

Duhen ni, deng tey sidek kyaku bè yóm kdê deng monu. Ni se gónów myón lem kfung ne lem kohù mò gónów hegfan du yóm deng tey kegselu.”

1 Bok Kem Tau Hol Geta 2:26

Omin Selumun mon du mò ke Abyatar yóm tau gel blóng ebè Dwata deng mung ke Adunadya, “Muléki ebè benwuhem se kóm bè Anatot. Bong knóón se ke matayi, okóm là tagad ni du he, abay se uu mit du bè mà yóm Slungan yóm Dwata hol dandónen geta, ne deng legen yóm kmungem ke mà bè yóm klawihen glayam.”

Flipay 3:19

Yó kem tau yó, angat le gógów elem lanaw ofi, abay se yóm kul knóyô lówó, hol lómón ke yó se dwata lolò le. Deng le mom hegmón du yóm nmò gónó myak. Són yó nô bè nawa le, són yóm nmò tau talak tonok.

Job 33:27

Yó angat udélen bè yó kem dumu tau yóm tau nsok Dwata yó, monen, ‘Denge gemsalà bè Dwata, là hyuhen yóm deng nmou okóm là kô tafak Dwata du do yóm tafak bang bayad yóm salà nmou.

Sulat Pol Ebè Yó Kem Tau Hemtahu Bè Rom 5:12

Bè hol kbuten, lemwót bè kegsalà Adam gónón wen salà lem benwu. Lemwót bè kegsalaen gónón wen hatay. Ne yó gónón lemwót matay kdéen tau abay se gotu le gbót gemsalà.

Sulat Pol Ebè Yó Kem Tau Hemtahu Bè Rom 6:16

Tódô tngón ye se ke tedu yóm gel nélék ye mò lolò ye deng yó se gónó ye ghesek. Ke mò salà se yóm nmò ye, bè salà se gónó ye ghesek ne yó nefeten yóm yó hatay. Okóm ke tendo nimón ye Dwata, yó se gónón tedeng ktonen kuy.

2 Kurin 4:2

Tey kenbê me kum yó kem nmò sidek gel bnos tau, ne yó kem dumu nmò gónó le gel hemyak knô. Là kô gel nmò me du se kum yóm gel smukat. Bè yóm gel ktolok me udél Dwata, là kô tódô lenbù me du, sal gel tulón me yóm ktahuhen. Ne tódô tngón Dwata se ktahuhen nim monu ni, ne dilô kem dumu tau snéen yóm klaen dù lafinen yóm gel nmò me.