Sulat Pol Ebè Yó Kem Tau Hemtahu Bè Rom 6:2 - Udél Dwata: Gna Kesfasad ne Lomi Kesfasad

² Là kô yó du. Igò tekuy deng matay bè yóm óyô tekuy mò du yóm salà. Yó gónóhem mon, là bud tekuy gfét lemen ne yóm salà.

Sulat Pol Ebè Yó Kem Tau Hemtahu Bè Rom 6:2 Referans Kwoze

1 Jan 3:9

Yóm tau ke deng baling ngà Dwata, là senflósen du mò salà, yakà dengen mkél bè yóm kun kmò Dwata. Là kô gbeken du ke senflósen mò salà, abay se Dwata yóm deng Maen.

Kulasi 3:3

Abay se hol lómón ke deng tekuy gomong matay bè yóm tehe katay Krays, ne wen lomi klowil tekuy là dengen gfan he nô ditu bè Krays, bè hol gónóhen nô Dwata.

Sulat Pol Ebè Yó Kem Tau Hemtahu Bè Rom 7:4

Senged se bélê tekuy, kem dumuhu setwoli. Laen bud kwalisen ta tekuy ne yóm hlau tehe snulat Musis abay se bè yóm katay Krays, deng tekuy gomong matay béléen. Ne deng tekuy gomong bè yóm bud kehlowil Dwata du gu lem hatay. Ne yó uléken nim ni duhen yóm kwen gónón e kól yó kem nmò tekuy bè Dwata.

1 Pitér 2:24

Bè yóm tehe ktutuk le ke Krays bè yóm kros, deng nwiten ne yó kem salà tekuy, ne deng mom du tnafak bè salà tekuy. Yó gónón mò du yóm yó anì tnagak tekuy yó kem sidek gel nmò tekuy, ne anì hol nô bè nawa tekuy mò du yóm hyu. Du se yóm tehe alì glayam, ne yu se yóm fen hyu bè kililen.

Glasya 2:19

Bong bè yó dum hlau yó, olohen mom mit dou elem hatay lanu gmulé du. Yó gónóhu tódô tmebel du anì glolou Dwata. Ne lemwót bè yóm deng kehtahuhu bè Krays, hol lómón ke denge gomong matay béléen bè kros.

Sulat Pol Ebè Yó Kem Tau Hemtahu Bè Rom 7:6

Okóm nim kmoen ni, lemwót bè yóm deng kgomong tekuy matay bè Krays, deng tekuy gewà du ne yóm keghesek tekuy bè yóm hlau. Yóm kmò tekuy du yóm knóyô Dwata, là mlanen bè klolò tekuy du yóm hlau gnan, okóm mlan bè yóm lomi klowil ulék yóm kegalak tekuy bè yóm Tulusen.

1 Pitér 1:14

Hol nimón ye dé Dwata. Bê ye abay heskél yóm kmò ye bè yóm tehe tey dê nóyô ye gu laan ye là deng temngón ke Dwata he.

Kulasi 2:20

Hol lómón ke deng tekuy gomong matay bè Krays, là bud te gfét du yóm dê hlolò le yó. Ke ni se kmoen, moen de ke segmung ye bè kul kmò yó kem tau te tonok? Moen de ke tô lolò ye yóm gel mon le,

Glasya 6:14

Okóm béléu dou, tek sotu yóm saluu, són yóm katay Jisas Krays bè kros yóm gónó tekuy mogot. Lemwót bè yóm katayen yó, là kô bud gwiten dou ne yóm dê kenbeyen talak tonok ne là kóe bud gfét du snéen.

Kem Lingón 119:104

Lemwót bè yó kem hlauhem yóm khulungu hedem. Yó gónóm mon, tey kenbéu yóm nmò sidek.

Sulat Pol Ebè Yó Kem Tau Hemtahu Bè Rom 5:11

Okóm là sónen du yó gónó tekuy hligal. Hligal tekuy bè yóm deng nmò Dwata hlanen bè yóm gónó tekuy mogot Jisas Krays, duhen yóm deng kesefyuhen tekuy ne Dwata.

Tekang Kbuten 39:9

Yóm kwalisen bè ni lem gónô, lómón yó se yóm dou kwalis, ne laen dù nalihen béléu, tek són uu yóm tuha libunen. Là kô gbeku du yóm sidek monem yó, tey salà bè Dwata yóm yó.”

Kun Snulat Luk 20:16

Yó nmoen, tódô lemwót etu bélê le nan e gotu hnatay lu. Bud tólóng tau ne hogoten du yóm huluhen yó.” Timbow gungol yó kem tau nim tulón Jisas kul ni, botong mon le, “Bê. Là he yó.”

Sulat Pol Ebè Yó Kem Tau Hemtahu Bè Rom 6:15

Déke wen mon du, “Hyu ne ni, là bud tekuy gfét du ne yóm tehe hlau gnan. Anien ke senflós tekuy mò salà abay se wen Dwata fen gel tmóbóng.” Tey sekban ke lómón yó kehedem ye.