Sulat Pol Ebè Yó Kem Tau Hemtahu Bè Rom 6:18 - Udél Dwata: Gna Kesfasad ne Lomi Kesfasad

¹⁸ Ni deng ye gewà gu lemen yóm salà tehe gónó ye ghesek. Ne deng ye ghesek bè yóm kmò yóm tedeng.

Sulat Pol Ebè Yó Kem Tau Hemtahu Bè Rom 6:18 Referans Kwoze

Sulat Pol Ebè Yó Kem Tau Hemtahu Bè Rom 6:22

Okóm ni, deng ye gewà bè yóm óyô mò sidek, baling ye ghesek bè Dwata. Yó uléken, baling ye tedeng bè ktonen kuy, ne angat blayen kuy yóm klowil laen dù sónen.

Glasya 5:1

Là bud tekuy ghesek du ne yóm hlau Musis, abay se deng lenwà Krays tekuy. Yó gónóm mon, hol tekuy hebegel anì là bud tekuy ghesek du yóm hlau yó.

Sulat Pol Ebè Yó Kem Tau Hemtahu Bè Rom 8:2

Abay se deng nô bè klowil tekuy yóm kfasang yóm Tulus Dwata mlay klowil ne mlan bè Jisas Krays lemwà tekuy gu lem salà ne yóm lemwà kut gu lem hatay.

Kun Snulat Jan 8:32

Ne angat tngón ye se yóm ktahuhen. Ne yóm ktahuhen yó, yó se hewà kuy bè yóm gónó ye ghesek.”

Sulat Pol Ebè Yó Kem Tau Hemtahu Bè Rom 6:7

Abay se ke deng matay yóm tau, là buden gfét du ne yóm óyóen mò sidek.

Sulat Pol Ebè Yó Kem Tau Hemtahu Bè Rom 6:14

Yake bê ye bud galak du ne yóm óyô mò sidek, abay se là bud tekuy galak bè yóm hlau gnan, okóm deng tekuy gnô lem yóm kun tóbóng Dwata.

Isaya 54:17

Okóm laen kô dù ngom sfatay gembek hemsidek kuy. Sal gel wen balaem kul yó kem tau dmuón kuy hkawang. Sal gel nfihu yó kem dou tau tóbóng lówó ne sal gel hegmou lu bè hohon le.” Ni se udél yóm Dwata hol gónó mogot.

1 Pitér 2:16

Ya mon ke tau talak tonok yóm tahu gónó ye mogot. Syan dé bê ye nmò yóm sidek bè yóm là kogot ye bélê le. Hol henyu ye kmò ye bè kem dumu tau, abay se tauhen yu Dwata.

Isaya 26:13

Uu se, Dwata, gónó me mogot. Deng gel nogot le mi yó kem dumu tau, okóm tek sónen uu yóm hol kum gónó mogot.

Kem Lingón 119:45

Laen dù bud gónów gfét, abay se hotuhu nawahu mimón du yó kem hlauhem.

Kem Lingón 119:32

Ke tnóbóngem ou, hotuhu gelu lemolò du yó kem hlauhem,

Kem Lingón 116:16

Ou se tóbóng lówóhem, Dwata. Nimónu uu hol lómón yóm tehe kimón yê kóm. Deng lenwaem ou lem hatay.

Kun Snulat Jan 8:36

Ke lenwaen yu yóm Ngà Dwata, deng duhen yó se hol tahu kegewà ye.

Kun Snulat Luk 4:18

“Deng nô béléu yóm kun Tulus Dwata, abay se deng néléken o mò fen hetngón du bè yó kem tau élél yóm Tulón Hyu lemwót gu béléen. Deng hógówen ou ebè yó kem tau deng nfét mò fen hetngón du kul yóm lan le gewà. Hógówen o ebè yó kem tau butô anì bud le mton, ne ebè yó kem tau hen-gnok anì gewà le.