Sulat Pol Ebè Yó Kem Tau Hemtahu Bè Rom 6:17 - Udél Dwata: Gna Kesfasad ne Lomi Kesfasad

¹⁷ Tehe ye ghesek bè yóm óyô ye mò sidek, okóm ni gónóhu hol dmóyón ke Dwata abay se deng hol nô bè nawa ye mimón du yóm ktahuhen lemwót gu bè Dwata.

Sulat Pol Ebè Yó Kem Tau Hemtahu Bè Rom 6:17 Referans Kwoze

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

2 Timuti 1:13

Hol loloem yóm tahu tolok gel gungolem gu béléu mò nulitem bè yóm gel ktolokem. Hol henlelem yóm kehtahuhem ne yóm kbong nawam kem dumuhem tau lemwót bè yóm deng kessotu tekuy bè Krays Jisas.

2 Kurin 2:14

Okóm tey kdóyónu ke Dwata, abay se lemwót bè yóm deng kessotu me bè Krays, hol lómón ke mi se yó kem tau deng nfunen bè yóm tehe katuen. Duhen mi se yóm tau hol nfunen mò gel htonen bè dumu tau. Ne hlan Dwata bélê me yóm kehbólen du bè klamangen yóm kun kmò Krays. Yóm tulón nwit me yó, hol lómón ke yóm hboo alì minggel boohen.

Sulat Pol Ebè Yó Kem Tau Hemtahu Bè Rom 16:26

Okóm nim kmoen ni, deng hetngón Dwata hlanen bè yóm deng snulat yó kem tehe tugoden ekni. Yó hol hmò Dwata kum, hol hetngón me nim tulón ni ebè kdéen tau bè klamangen benwu anì hemtahu le, ne nimón le snéen. Ni se hol kun kóyô yóm Dwata laen dù tul katayen.

Sulat Pol Ebè Yó Kem Tau Hemtahu Bè Rom 1:8

Ni tanay monu mò kuy, tey kedóyónu ke Dwata bè yóm kdê ye bè yó, hlanu bè Jisas Krays, abay se deng gefet bè klamangen benwu yóm kuy kehtahu bè Jisas.

3 Jan 1:3

Tey kligalu bè yóm kegdek le dini yó kem dumu te hemtahu. Tulón le do yóm tey ketenebem bè yóm tahu tolok, ne segtón bè ktahuhen yóm gel nmoem.

Sulat Pol Ebè Yó Kem Tau Hemtahu Bè Rom 15:18

Laen kô dumu gel tulónu, tek són yóm deng gendeng Krays hlanen béléu anì baling nimón le Dwata yó kem tau là Juhen. Yó kmoen du, hlanen bè yóm ktoloku ne yóm gel nmou lem blóng le,

Kul Nmò 11:18

Timbow deng gotu gungol le yóm tulón Pitér yó koni, tódô laen kô dù bud sfuhen yóm kudél le du. Deng mom baling dóyón le Dwata, mon le, “Tahu se, deng homong Dwata lu se kul yó kem tau là Ju le anì hegsel le, ne anì guta le yóm klowil laen dù sónen.”

2 Jan 1:4

Tey kligalu bè yóm kungolu du deng wen bè yó kem ngaem deng gel mimón du yóm ktahuhen. Ni se deng hloloen tekuy yóm Mà tekuy.

Hibru 5:9

Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

Filimun 1:4

Ó Wè Filimun, sal gel utómu uu bè yóm gel knihu bè Dwata, mung du yóm tey kdóyónu du,

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

1 Pitér 4:17

Deng hto ne yóm buteng Dwata kmukum tau, ne fen hegnahen yó kem tau nogoten. Ke nbuten bélê tekuy, mò kmoen se bè yó kem tau là mimón du yóm Tulón Hyu lemwót gu bè Dwata?

1 Pitér 3:1

Senged se kuy kem libun deng myehen. Hol gel nimón ye tuha logi ye, anì yó ke wen bélê le là hemtahu du yóm Udél Dwata, angat gwit ye lu tódô hemtahu lemwót bè yóm kton le yóm hyu kmò ye, baluen ke là bud wen udél ye ebélê le.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Hibru 11:8

Dalang se ke Abraham ekni. Lemwót bè yóm kehtahuhen bè Dwata, yó gónón tódô mimón yóm ktaba Dwata du ebè yóm benwu deng fasaden du. Tódô tnagaken yóm kun benwu, balù yóm là ketngónen du gónón seblà yóm benwu deng fasad Dwata du.

1 Tisalunika 3:9

Ne nim kmoen ni, tey kdóyón me ke Dwata lemwót bè yóm kuy kmò. Laen selen yóm klaan nawa me bè yóm gel kni me bélê ye bè Dwata.

Ifisus 1:16

tey bong se yóm dou kdóyón ke Dwata lemwót bélê ye, ne sónmou gel mutóm kuy bè yóm gel knihu béléen.

1 Kurin 1:4

Tey tendo gel kdóyónu ke Dwata bè yóm gel któbóngen kuy hlanen bè Krays Jisas.

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.

Kem Lingón 18:44

Uni le mungol dou, tódô henmung nimón le ou. Gotu le heglaan béléu yó kem tólóng tau.

Isra 7:27

Yó mon Isra, “Hol dóyón tekuy Dwata yóm sana Dwata hol gónó le mogot yó kem tehe fù tekuy. Tódô lemwót béléen nim nmò nim tau hol geta ni, yóm tey kadaten yóm Gónô Dwata bè Jirusalim.

Sulat Pol Ebè Yó Kem Tau Hemtahu Bè Rom 2:8

Okóm yó kem tau són ktes le kul knóyô, kenbê le yóm hyu ne són nmò le yóm sidek, angat hotu Dwata eta le yóm tey sidek kebuten kul.

Kul Nmò 28:15

Bè yóm kógów me yó, deng sana gungol le mi yó kem tau hemtahu bè Rom, glok le na a semlong kum bè fedyan Apiyus, ne bè yóm mon le Tlu Gónô Mefet. Tey mgel nawa Pol bè yóm ktonen kul, ne tey kdóyónen ke Dwata.

1 Kurin 14:6

Duhen yó, kem dumuhu setwoli, tô gónóhu tmóbóng kuy du ke kóle lem blóng ye, ke són yó udélu ebélê ye, són yóm udél là tngón ye du? Laen kô dù muhen. Okóm wen gónóhu tmóbóng kuy ke wen tulónu kuy lemwót bè yóm deng hegfan Dwata béléu, duhen ke wen hetngónen dou, duhen ke wen heglileben dou, duhen ke wen dumu toloku kuy.