Sulat Pol Ebè Yó Kem Tau Hemtahu Bè Rom 6:13 - Udél Dwata: Gna Kesfasad ne Lomi Kesfasad

¹³ Hol béen wen bè yó kem nô bè lówó ye mit kuy mò sidek. Hol hogot ye ke Dwata yóm klowil ye, yakà deng lenwaen kuy gu lem hatay, ne deng blayen kuy yóm klowil lomi, anì hol gmò ye yóm tedeng gónón megdóyón Dwata.

Sulat Pol Ebè Yó Kem Tau Hemtahu Bè Rom 6:13 Referans Kwoze

Sulat Pol Ebè Yó Kem Tau Hemtahu Bè Rom 12:1

Duhen yó, kem dumuhu setwoli, ni alì nalu nawahu bélê ye lemwót bè yóm tey kkodu Dwata tekuy. Hol blay ye ke Dwata dé lówó ye mò henged dsù ye ebéléen, yóm dsù tolo mowil ne tendo gel nmò ye yóm hyu. Ne tey kehyu nawa Dwata du yóm keblay ye du yó. Ke hendem ye yóm kdê deng nmoen bélê ye, tey knóón ke ni se yóm kut nmò.

Sulat Pol Ebè Yó Kem Tau Hemtahu Bè Rom 6:16

Tódô tngón ye se ke tedu yóm gel nélék ye mò lolò ye deng yó se gónó ye ghesek. Ke mò salà se yóm nmò ye, bè salà se gónó ye ghesek ne yó nefeten yóm yó hatay. Okóm ke tendo nimón ye Dwata, yó se gónón tedeng ktonen kuy.

1 Pitér 2:24

Bè yóm tehe ktutuk le ke Krays bè yóm kros, deng nwiten ne yó kem salà tekuy, ne deng mom du tnafak bè salà tekuy. Yó gónón mò du yóm yó anì tnagak tekuy yó kem sidek gel nmò tekuy, ne anì hol nô bè nawa tekuy mò du yóm hyu. Du se yóm tehe alì glayam, ne yu se yóm fen hyu bè kililen.

Kulasi 3:5

Yó gónóm mon, gotu kó ye ne yóm kdéen sidek knóyô lówó ye. Béen abay wen bélê ye mò samuk, ne yó kem dumu nmò gónó hemyak knô. Hol kenbê ye yóm knawa mò du yó kem yó. Kó ye snéen yóm nawa seglom, abay se yóm gel sen-glom ye yó, deng duhen yó se dwata ye.

Sulat Pol Ebè Yó Kem Tau Hemtahu Bè Rom 7:5

Yóm tehe kegen tekuy lemolò du yóm knóyô lówó tekuy, mom temnù yóm óyô tekuy mò du yóm sidek bè yóm deng ketngón tekuy yóm hlau, igò sem yó nefeten yóm nmò tekuy yó, hatay.

1 Pitér 4:2

Yó gónóm mon, lenwóten ni ne efet kukol towok ye, yake hol nô bè nawa ye mò du yóm kun kóyô bélê ye Dwata. Bê ye abay bud nmung yó kem sidek knóyô lówó tau.

Kulasi 2:13

Tehe yu ekni, deng ye golu elem hatay lemwót bè yóm kegsalà ye, ne bud lemwót bè yóm là deng kkó ye du yóm óyô ye mò sidek. Okóm ni, deng hlowil Dwata yu, gomong ye bè yóm tehe kehlowilen ke Krays gu lem hatay. Ne gotu hnifóten yó kem kdê salà tekuy.

1 Kurin 6:20

Yakà deng tehe benlihen tekuy, ne tey mebtes yóm keblihen tekuy. Duhen yó, bè kmò kwit tekuy yóm lówó tekuy, hol nmò tekuy yóm gónó Dwata megdóyón.

1 Jan 1:9

Okóm ke gotu benkas ye ebè Dwata yó kem salà ye, là gbeken du ke là hnifóten kuy, yakà wen yóm tehe fasaden tekuy. Gotu hnifóten yó kem salà tekuy, ne gotu kóhen bélê tekuy yóm kdê nmò tekuy là hyuhen.

1 Kurin 6:15

Deng hónô tngón ye se, yóm kuy lówó deng ssotu bè kun lówó Krays. Yó kô nmò ye, tnù ye bè kun lówó Krays yóm kun lówó yóm libun hdóyón? Hol bê tekuy abay nmò yóm yó.

Ifisus 2:5

Igò tekuy sem deng golu elem hatay lemwót bè yóm là kimón tekuy, gloken tódô bud hlowil tekuy ebè yóm klowil laen dù tul sónen, homongen tekuy bè yóm tehe le kehlowilen ke Krays gu lem hatay. Tódô lemwót bè yóm kun tóbóng Dwata yóm kehewaen tekuy yó.

Flipay 1:20

Yó hol nô lem nawahu, ne hol sen-galuhu ke senflósu mò du yóm deng sigang Dwata tahu. Kóyóu ke laen dù tul klikou tmulón ke Krays, sélét ne nim kmoen ni, anì hol megdóyón béléu Krays, kihu ke mlan bè dou klowil duhen ke mlan bè katayu.

1 Kurin 6:9

Deng hónô tngón ye, là kóen gmung bè yóm tau nogot Dwata yóm tau là tedeng nmoen. Béen tólóng kehedem ye du nim ni. Là kô le gmung yó kem tau gel mò samuk, ne yó kem tau hemtahu bè yóm dwata kéng, ne yó kem tau mdà yehen, ne yó kem tau deng mom senwì le yóm kmò kesyehen, syehen hono logi, ne syehen hono libun.

Sulat Pol Ebè Yó Kem Tau Hemtahu Bè Rom 6:19

Yó gónóhu hmingón du bè keghesek nim toloku kuy ni anì mahil ketngón ye du lanen. Tehe yu ekni, ghesek ye bè yóm óyô ye mò sidek, abay se tódô bayà ye lówó ye mò du, ne sónmoen minut temnù yóm ksidek nmò ye. Okóm ni yake hol hogot ye ke Dwata yóm lówó ye anì ghesek ye bè yóm tedeng, ne anì laen dù belenen yóm kmò ye.

2 Kurin 10:4

Yóm ngom sfatay nwit me se kum, là kóen lemwót bè kgis tau te tonok. Okóm tódô lemwót bè kun kfasang Dwata, yó gónó me mseng du yóm kul ktolok. Bè yóm gel kwit le kum skaf mon, botong là bud gbek le malà kum.

Sulat Pol Ebè Yó Kem Tau Hemtahu Bè Rom 6:11

Yó gónóm mon du, yu yó kem deng ssotu bè Krays hol ndà ye yóm klaen dù bud gmoen bélê ye yóm óyô ye mò sidek. Ne yóm klowil ye mò hol gónón tendo megdóyón Dwata.

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

2 Tutul Israél 30:8

Bê ye hgel kulu ye, lómón yóm tehe kul kgel kulu, okóm nimón ye Dwata. Mógów ye ebè kun Gónô yóm deng hetfingen, ne deng hólósen laen kô dù tul sónen. Tmaba ye ebè yóm sana kuy Dwata hol gónó mogot anì mkó ta ye yóm tey kebuten kuy.

Ifisus 5:14

Okóm ke wen hlayag kul, yó se gónó le baling layag se kul. Tahu yóm gel mon le, “Btiki ne, tau tungô. Mowili dé, tau matay. Wen Krays fen hlayag kóm.”

2 Kurin 8:5

Ya tey ketnga me du yóm kbong blay le. Okóm yó hol tanay nmò le, na le gotu hogot yóm gónó tekuy mogot yóm kul klowil. Ne lemwót bè yóm kimón le ke Dwata, bud gbót nimón le mi snéen kum.

2 Kurin 5:15

Du se matay bè kdéen tau anì yó, yóm kdê tekuy hanà tolo mowil, là kô bud lolò tekuy du ne yóm knóyô tekuy, són yóm kun knóyô Krays yóm lolò tekuy. Yakà bélê tekuy du gónón lemwót matay ne gónón bud mowil gu lem hatay.

Sulat Pol Ebè Yó Kem Tau Hemtahu Bè Rom 7:23

Okóm wen gnómu bè yóm dou lówó alì kemgis kemteng dou. Gel sen-gleden yóm hyu nô lem hendemu. Ngangen mò dou efete gfét bè yóm sidek knóyô lówóhu.

Kun Snulat Luk 15:32

Bê tekuy tô là hligal, abay se yóm twolihem, lómón ke deng matay, okóm deng bud mowil. Deng tehe hlana, okóm deng bud hton.’ ”

Sulat Jim 4:1

Tedu se buten yóm gel kesfatay ye bè kem dumu ye, ne yóm gel keseglius ye? Yó se hol buten, duhen yó kem dê kenbeyen nawa ye. Ni se hol sembeweg kuy.

Sulat Pol Ebè Yó Kem Tau Hemtahu Bè Rom 1:29

Tódô kdéen kay sidek gotu meskel lem hendem le. Alì le móyô hemsidek kem dumu le tau. Kóyô le ke són lu gónón e skok yóm kdéen. Tey dê ukô nmò le. Mahil le mófô. Són nawa monok nô bélê le. Sónmò le mit sfatay bè kem dumu le. Tey le hulung smukat. Sónmò le gel sutó nawa. Tey lemnek ksumóng le,

Kun Snulat Jan 5:24

Tódô tulónu kuy ktahuhen,” mon Jisas, “yó se hmungol yóm dou udél, ne hemtahu bè yóm hógów do, deng wen ne kun klowil laen dù sónen. Là angaten megtuled, okóm deng gewà gu lem hatay, ne deng gutahen ne yóm klowil laen dù sónen.

Kun Snulat Luk 15:24

Abay se nim ngau ni, lómón ke deng matay, okóm deng bud mowil. Deng tehe hlana, okóm deng bud hton.’ Ne tahu se, nbut le bè yó ne hligal.

Danyél 3:28

Omin Nibukadnisar mon du, “Hol dóyón tekuy yóm kul Dwata le Sadrak ne Misak ne Abidnigu. Deng wen hógówen gu bè longit mò lemwà yó kem tau tóbóng lówóhen smalig béléen. Là nimón le du yóm hlolou kul, mom hyu bélê le he ke matay le olo ke tô le tmaba ebè yó kem tólóng dwata. Tek són kul Dwata nimón le.

Isikél 18:4

Abay se kdéen tau gotu knukumu. Knukumu se yó kem tuha, bud knukumu se yó kem ngà le. Yó kukumu kul yóm tau gemsalà, du se yóm angat matay.

Kem Udél Hlalak Tehe Selumun 12:18

Yóm tau gel sidek kebkóhen tey gbeng lem dumu tau du, okóm yóm kun udél yóm tau hulung hedem, hemyu nawa.

Kem Lingón 37:30

Yóm tau hyu kmoen, dilô bè kudélen yóm khulungen hedem, ne laen dù mtukul nfihen.

2 Tisalunika 2:12

Yó nefeten, angat gotu megtuled yóm kdéen tau là dog hemtahu du yóm ktahuhen, mom hnigal le yóm ksidek nmò le.

2 Kurin 5:14

Là kô gbek me du ke là nmò me du nim nmò me ni lemwót bè yóm kbong nawa Krays tekuy. Deng hol mtukul ketngón me du ne yóm deng katay yóm sotu tau mò leyu lówó yóm kdéen tau. Bè yóm tehe katayen, hol lómón ke deng tekuy gotu gomong matay béléen.

2 Timuti 2:15

Hol hotuhem gelem mò du yóm hmò Dwata kóm anì hol gsengel nawahen kóm, ne anì laen bang gónóm myak bè yóm gel nmoem. Yake hol gulit ktolokem du yóm ktahuhen lemwót bè Dwata.