Sulat Pol Ebè Yó Kem Tau Hemtahu Bè Rom 5:7 - Udél Dwata: Gna Kesfasad ne Lomi Kesfasad

⁷ Bélê tekuy, balù sentnga ktedeng kmoen yóm sotu tau, tey mgel ke fen tekuy tô matay béléen mò leyu lówóhen. Là tngón tekuy du, déke wen se tau gembek mò du.

Sulat Pol Ebè Yó Kem Tau Hemtahu Bè Rom 5:7 Referans Kwoze

1 Jan 3:16

Ni se gónó ye temngón du yóm tahu kbong nawa: Ngem yóm botong kun nawa Krays bè yóm tehe khamaen klowilen bélê tekuy. Yó gónóm mon, bè yóm gel któbóng ye yó kem dumu ye, hyu snéen ke glef ye matay bélê le.

Sulat Pol Ebè Yó Kem Tau Hemtahu Bè Rom 16:4

Udì duen deng le tô matay se kul lan le tmóbóng dou. Tey kdóyónu ke Dwata bè yóm któbóng le do yó. Senged snéen yóm kdéen tau là Ju le deng hemtahu bè Dwata bè ni, tey kdóyón le ke Dwata se kul.

Kun Snulat Jan 15:13

Yóm tau ke hamaen klowilen bè kem ween, laen kô gemsenged du yóm kbong nawa yó.

Kul Nmò 11:24

Nim Barnabas ni, tey tau hyu knawahen, sónmoen tendo galak bè Tulus Dwata, ne tey ngelem kehtahuhen. Bè yóm ktoloken bè yó, sónmoen se tendo temnù yó kem tau hemtahu bè yóm gónóhen mogot.

Kem Lingón 112:5

Hyu kun yóm tau mahil bemlay, yóm tau mahil hutóng ne là lenugihen yó kem dumuhen bè udél swa.

2 Samwél 18:27

Yó mon yóm tau mentey yó, “Dilô Ahimaas ngà Sadok yóm tau gna mlóy yóó.” Mon yóm tau hol geta se, “Hyu yóm tau yó, dô wen tulón hyu nwiten.”

2 Samwél 18:3

Okóm yó mon le mò du yó kem tau malak yó, “Béi mung kóm. Ke mlóy me se kum, là holen nô bè nawa yó kem hohon tekuy. Baluen he ke sóól matay bélê me, là holen nô bè nawa le snéen. Kaem uu yóm hol nalu hnatay le senta ke hmatay le sfolò libu tau bélê me. Yó gónóm mon, mom hyu ne ke tódói tebel bè ni bè syudad, henwitem mi tóbóng he ke wen mu me du.”

Matyu 13:15

Abay se là móyô le dmalang ni kem tau ni, deng mom nseng le klingu le, deng le mom hidong. Ke bê le nmò yó dum yó, dilô le yóm gel ton le ne glileb le lanen yóm gel gungol le. Ngangen ne efet le mimón béléu,’ mon Dwata, ‘ne gotu hnifótu yó kem salà le.’

Sulat Pol Ebè Yó Kem Tau Hemtahu Bè Rom 5:6

Yóm tolo knô tekuy lem salà, là kô gbek tekuy lemwà knô tekuy. Okóm bè yóm kehto yóm buteng Dwata du, fen tódô matay bélê tekuy Krays.

Sulat Pol Ebè Yó Kem Tau Hemtahu Bè Rom 5:8

Okóm ke Dwata kun, deng hegfanen yóm tey kbong nawahen tekuy bè yóm tehe le khógówen ke Krays edini, mò fen matay bélê tekuy igò tekuy tolo gemsalà.