Sulat Pol Ebè Yó Kem Tau Hemtahu Bè Rom 5:15 - Udél Dwata: Gna Kesfasad ne Lomi Kesfasad

¹⁵ Okóm là sengeden yóm guta tau bélê le. Yóm alì hyu guta tau lemwót bè yóm tódô basa Dwata, duhen Jisas Krays, okóm tólóng se guta le lemwót bè kun kegsalà Adam, duhen hatay.

Sulat Pol Ebè Yó Kem Tau Hemtahu Bè Rom 5:15 Referans Kwoze

Sulat Pol Ebè Yó Kem Tau Hemtahu Bè Rom 6:23

Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.

Ifisus 2:8

Yakà lemwóten bè kun tóbóng Dwata yóm gónó tekuy gewà gu lem hatay lan tekuy hemtahu bè Krays. Là kóen lemwót bè nmò tekuy gónó tekuy gewà, kaem tódô lemwót bè yóm kun tóbóng Dwata. Laen kô bang gónó tekuy hegmón du nim ni.

Sulat Pol Ebè Yó Kem Tau Hemtahu Bè Rom 5:12

Bè hol kbuten, lemwót bè kegsalà Adam gónón wen salà lem benwu. Lemwót bè kegsalaen gónón wen hatay. Ne yó gónón lemwót matay kdéen tau abay se gotu le gbót gemsalà.

1 Jan 5:11

Ni sii yóm deng mon Dwata: Wen klowil laen dù sónen deng blayen tekuy hlanen bè yóm Ngaen.

2 Kurin 9:15

Yó ne, hol dóyón tekuy dé Dwata bè yóm keblayen du tekuy yóm Ngaen, yóm blay là gbek tekuy hmingón du btesen.

Isaya 53:11

Kogol yóm alì keglayamen bè yóm klowilen te tonok, angat bud mulék ebéléen yóm tey kligalen. Ne tódô tngónen là kóen gamà hkawang yóm tehe keglayamen, wen uléken. Tey gulit yóm tóbóng lówóhu ne tey kehyu nawahu béléen. Fen nbóen yóm kegtafak tau. Lemwót bè yóm nmoen, yó se mò lanu hmifót salà.

1 Jan 2:2

Hol du se mò lanen yóm gónó Dwata hmifót du yó kem salà tekuy. Là sónen du yóm salà tekuy hnifóten, okóm hnifóten snéen yóm kentihen salà tau bè klamangen benwu.

Hibru 2:9

Okóm deng ton tekuy Jisas. Bè yóm tehe knóen te tonok, hlun heglaan Dwata bè yó kem gel hógówen gu bè longit anì fen na a matay bè kdéen tau. Yó se mò lan Dwata tmóbóng kul. Okóm ni kmoen ni, deng ton tekuy yóm tey kehegeta Dwata du, ne yóm tey kadat le du lemwót bè yóm keglayamen bè yóm katayen bélê tekuy.

Kun Snulat Jan 4:10

Ne bnalà Jisas se yóm libun yó koni, monen, “Ke deng tngónem yóm tô blay Dwata kóm, ne ke tngónem yóm tau mni él béléem, dengi bud semwì mni él béléen ne anì benlayen uu yóm él hlowil tau.”

Kun Snulat Jan 3:16

Tey alì kbong nawa Dwata kul yó kem tau bè klamangen benwu, gloken tódô hamà klowil yóm Ngaen tek sotu, anì yó, kihu tau hemtahu béléen là gógówen elem hatay, okóm gutahen yóm klowil laen dù sónen.

Matyu 26:28

Ni se dou litô mò hemget du yóm deng fasad Dwata bè kem kun tau. Ne tey dê tau gónón gamà nim litóu ni mò lan Dwata hmifót salà le.

Matyu 20:28

Yakà lómón ni du se yóm kun nmò yóm Ngà Tau. Là kô yó du nógówen edini ke fen na a hdatù lem blóng kem tau. Okóm yó nógówen mò na e tmóbóng kul. Angat hamaen yóm kun klowil mò msok yó kem tey dê tau gu lem hatay.”

Danyél 12:2

Wen se bè yó kem tau deng matay angat bud btik, wen se bélê le gmuta du yóm klowil laen dù sónen ne wen se bélê le gmuta du yóm tey sidek kyak laen dù sónen.

Kul Nmò 15:11

Hol bê tekuy abay bud hlolò kul yóm yó,” mon Pitér. “Yó gónó tekuy gewà gu lem hatay, tódô lemwót bè yóm tey któbóng Jisas tekuy hlanen bè yóm kehtahu tekuy béléen. Senged se yóm kul kegewà yó kem tau là Juhen.”

2 Kurin 5:14

Là kô gbek me du ke là nmò me du nim nmò me ni lemwót bè yóm kbong nawa Krays tekuy. Deng hol mtukul ketngón me du ne yóm deng katay yóm sotu tau mò leyu lówó yóm kdéen tau. Bè yóm tehe katayen, hol lómón ke deng tekuy gotu gomong matay béléen.