Sulat Pol Ebè Yó Kem Tau Hemtahu Bè Rom 5:13 - Udél Dwata: Gna Kesfasad ne Lomi Kesfasad

¹³ Gu laanen là deng wen hlau hlolò Dwata kul, deng kem gegna ne yóm kegsalà tau. Okóm là deng snolò Dwata du bélê le he yóm kegsalà le yó, abay se là dengen wen hlau hloloen kul.

Sulat Pol Ebè Yó Kem Tau Hemtahu Bè Rom 5:13 Referans Kwoze

Sulat Pol Ebè Yó Kem Tau Hemtahu Bè Rom 4:15

Lemwót bè yóm kwen hlau gónón wen tafak gu bè Dwata abay se là glolò tau du. Ke laen dù hlau laen se dù tau gemsalà.

1 Kurin 15:56

Yó gónón wen kfasangen bélê tekuy yóm hatay lemwót bè salà. Ne yó gónón wen kfasangen yóm salà lanen wen yóm hlau Dwata.

1 Jan 3:4

Ke sok mò salà yóm tau, deng nuléhen ne yóm hlau Dwata. Abay se yóm gel mon le salà, yó se yóm nmò gónó le mulé du yóm hlau Dwata.

Tekang Kbuten 38:10

Okóm yóm nmò Unan yó, tey sidek kton Dwata du, ne yó gónó Dwata ma klowilen.

Tekang Kbuten 38:7

Okóm yóm Ir, nmoen yóm tey sidek bè kton Dwata du, ne yó gónó Dwata ma klowilen.

Tekang Kbuten 19:32

Yake hlengel te mà ne stungô te du anì mngà te béléen.”

Tekang Kbuten 19:4

Gu laan le là deng lemwót tungô, deng sana snibut le gónô Lat yó kem logi bè yó bè Sodom. Tódô kdéen kem logi lomi lemnok kkólen bè yó kem tuha, gotu le lemibut bè yó.

Tekang Kbuten 18:20

Omin Dwata mon du mò ke Abraham, “Tey sidek yóm gel tifù le kul yó kem tau bè Sodom ne Gomora. Alì sidek bè kdéen yó kem salà nmò le.

Tekang Kbuten 13:13

Yó kem tau bè Sodom yó, hol kem tau gónón smala sidek, kem tau alì gemsalà bè Dwata.

Tekang Kbuten 8:21

Yóm boo yóm dsuen yó, tey hyu nawa Dwata du ne yó hendemen, “Là kô bud genlau du ne yóm tonok ne yóm kentihen nô tahen lemwót bè sidek gel nmò tau. Tódô tngónu yóm tau, lemwót bè hanà kudien yóm kwen sidek nô lem hendemen. Là kô naw e bud genlà kul ne yóm kentihen mowil talak tonok lómón yóm deng nmou bélê le ni.

Tekang Kbuten 6:11

Bede yó kem dumu tau, laen kô dù hyu ton Dwata bélê le. Kihu gónó le nô, sónmò le hemsidek kem dumu le.

1 Jan 3:14

Deng tngón tekuy se yóm deng kegewà tekuy gu lem hatay, ne yóm deng kili tekuy ebè yóm klowil laen dù sónen. Yó gónó ye temngón du, abay se bong nawa ye yó kem dumu ye. Okóm yóm tau ke là kenbong nawahen kem dumun, yó se yóm tau tolo golu elem hatay.

Tekang Kbuten 19:36

Yó gónó le mlutut yó kem lewu ngà libun lemwót bè mà le.

Sulat Pol Ebè Yó Kem Tau Hemtahu Bè Rom 3:20

Abay se laen dù tau tedeng kton Dwata du lemwót bè kloloen yóm hlau. Yó muhen yóm hlau mò hdilô du bè tau yóm kegsalaen.