Sulat Pol Ebè Yó Kem Tau Hemtahu Bè Rom 5:12 - Udél Dwata: Gna Kesfasad ne Lomi Kesfasad

¹² Bè hol kbuten, lemwót bè kegsalà Adam gónón wen salà lem benwu. Lemwót bè kegsalaen gónón wen hatay. Ne yó gónón lemwót matay kdéen tau abay se gotu le gbót gemsalà.

Sulat Pol Ebè Yó Kem Tau Hemtahu Bè Rom 5:12 Referans Kwoze

Sulat Pol Ebè Yó Kem Tau Hemtahu Bè Rom 5:19

Lemwót bè yóm là kimón Adam gónón baling gemsalà kdéen tau. Ne lemwót bè kimón Jisas, yó gónón tedeng kton Dwata kul.

Sulat Pol Ebè Yó Kem Tau Hemtahu Bè Rom 6:23

Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.

Sulat Pol Ebè Yó Kem Tau Hemtahu Bè Rom 3:23

Tódô kdéen tau gotu gemsalà bè Dwata. Yó gónóhen laen dù tau gmulit du yóm tey kun klinggel nawa.

Sulat Jim 1:15

Ngangen hembeyen du efet gmoen, ne yó gónón baling salà. Ne ke henlelen mò salà yóm tau, yó se mit du elem hatay laen dù sónen.

Tekang Kbuten 2:17

Okóm béem abay ken yóm bungu koyu gónóm temngón du yóm hyu ne yóm sidek. Ke sok kenem yóm bunguhen tódói matay.”

Kem Lingón 51:5

Tódô mung bè ksutu yóm óyóu mò sidek. Nbuten bè keblolu yê dou, eles nô béléu yóm óyô mò sidek yó.

Tekang Kbuten 3:19

Ke là nam na hol hinget mò hulu là kói gemtob ken. Ni se mò kmoen béléem efet bud kulékem elem tonok, abay se bè tonok tehe gónóm gu lemwót. Nifilu uu lemwót gu bè tonok, ne angati bud baling tonok.”

Tekang Kbuten 3:6

Timbow henklol hnunu yóm libun yóm koyu yó, tey minggel ktonen du ne hendemen dô hyu mken du bunguhen, lelen hemdem du tey hyu ke baling temngón. Yó gónón wen nwahen bè yó kem bunguhen ne kenen. Ominen wen blayen ke tuha logihen ne kenen se kun.

Sulat Pol Ebè Yó Kem Tau Hemtahu Bè Rom 5:21

Duhen yó, yóm kegsalà tekuy, nwiten tekuy elem hatay. Okóm yóm kun tóbóng Dwata, nwiten tekuy tedeng anì hlós tekuy ebè yóm klowil laen kô dù tul sónen, hlanen bè yóm gónó tekuy mogot Jisas Krays.

Sulat Jim 3:2

Kdê tekuy, sal gel wen gónó tekuy gemsalà. Okóm yóm tau laen dù salà sumóngen, deng tahu gulit ne yóm tau yó, deng hulung mit ktauhen.

Isikél 18:4

Abay se kdéen tau gotu knukumu. Knukumu se yó kem tuha, bud knukumu se yó kem ngà le. Yó kukumu kul yóm tau gemsalà, du se yóm angat matay.

Sulat Pol Ebè Yó Kem Tau Hemtahu Bè Rom 5:18

Ne duhen yó, lemwót bè yóm sotu salà, yó gónón megtafak kdéen tau. Okóm bud lemwót bè yóm sotu nmò hyu, yó gónón mkó ta le yóm kegtafak le yó, ne bè yó se gónó le gmuta yóm klowil laen kô dù tul sónen.

Sulat Pol Ebè Yó Kem Tau Hemtahu Bè Rom 6:21

Tulón ye do kun, wen kô ofol ye du yó kem sidek tehe nmò ye gónó ye myak? Yó nefeten yóm nmò ye yó, duhen hatay.

1 Kurin 15:56

Yó gónón wen kfasangen bélê tekuy yóm hatay lemwót bè salà. Ne yó gónón wen kfasangen yóm salà lanen wen yóm hlau Dwata.

Ifisus 2:3

Bè ktahuhen, lómón yó se tehe kut kmò ekni yóm kdê tekuy. Tódô nmung tekuy yóm knóyô tekuy. Balù kihu knóyô lówó tekuy ne kenbeyen nawa tekuy, tódô nmò tekuy. Yó se gónó tekuy gomong bè yóm kdéen tau deng golu elem tafak Dwata.