Sulat Pol Ebè Yó Kem Tau Hemtahu Bè Rom 5:11 - Udél Dwata: Gna Kesfasad ne Lomi Kesfasad

¹¹ Okóm là sónen du yó gónó tekuy hligal. Hligal tekuy bè yóm deng nmò Dwata hlanen bè yóm gónó tekuy mogot Jisas Krays, duhen yóm deng kesefyuhen tekuy ne Dwata.

Sulat Pol Ebè Yó Kem Tau Hemtahu Bè Rom 5:11 Referans Kwoze

Sulat Pol Ebè Yó Kem Tau Hemtahu Bè Rom 5:10

Tey tehe kesfohon tekuy ke Dwata, okóm kun, niten tekuy sefyu hlanen bè yóm le katay yóm Ngaen. Duhen ni, bè yóm deng kesefyu tekuy ke Dwata, milud he bud któbóngen tekuy hlanen bè yóm deng bud kehlowilen ke Krays.

Flipay 4:4

Hol ye tendo gel hligal dé lemwót bè yóm deng kessotu ye bè yóm gónó tekuy mogot. Bud nulitu bélê ye yóm monu yó koni, hol ye gel hligal dé.

Isaya 61:10

Tey kligalen kun yóm Jirusalim lemwót bè yóm deng nmò Dwata béléen. Hol lómó kligalen lómón yóm libun myehen deng hen-get le. Yó henged nes hesek Dwata du yóm syudaden yó, yóm kegewaen bè yó kem hohonen ne yóm kegmoen bélê le.

Glasya 4:9

Okóm ni, deng tngón ye Dwata, o, monu dé, deng tngón Dwata yu. Ke lómón se ni kmoen, moen se ke bud ye ghesek bè yó kem dê hlolò le kuy lem nim benwu ni? Igoen laen dù kgis le tmóbóng kuy yó kem yó, balù udì.

Kem Lingón 149:2

Ó kem tau Israél, hol hnigal ye yóm deng mifil kuy. Dalang se kuy, kem tau bè Jirusalim, hol hnigal ye yóm Hol Geta bélê ye.

1 Pitér 1:8

Balù yóm là deng kton ye ke Jisas he, deng sana eles bong ne yóm nawa ye du. Balù là ton ye du ni kmoen ni, ewenem deng ye sana hemtahu béléen. Ne lemwót bè yóm kehtahu ye, laen selen yóm tey kligal ye, yóm kligal là gbek ye hmingón du.

Kulasi 2:6

Deng henmóyô ye ne Krays Jisas mò gónó ye mogot. Yó gónóm mon, hol nmò ye dé yóm nmò seklóón bè yóm deng kessotu ye béléen.

Flipay 3:3

Bè ktahuhen, tekuy se yóm tau wen tahu ilóen, là kô lu du. Abay se tekuy se yó kem tau gel hloni bè Dwata hlanen bè Tulusen. Tekuy se yóm alì hligal lemwót bè yóm deng kessotu tekuy bè Krays Jisas. Là bud snalig tekuy du ne yó kem gel hlolò tau mò lan tekuy gewà gu lem hatay.

Kem Lingón 104:34

Yake hol hyu nawa Dwata du yóm klingónu ebéléen, yakà lemwóten béléen yóm kligalu.

Kem Lingón 43:4

Ke lómón yó nmoem béléu, Dwata, angate gógów ebè yóm gónó me gel demsù ebéléem. Tek són uu gónóhen lemwót yóm kligalu. Angate gel hemglung ne semngal mò lanu dmóyón kóm, Dwata. Uu se yóm Dwata dou hentahu.

Kem Lingón 32:11

Yu kem tau gulit, hol ye hligal lemwót bè yóm deng nmò Dwata bélê ye. Ne yu kem tau mimón ke Dwata, hol ye hligal mensag.

1 Samwél 2:1

Omin Hana mni bè Dwata, monen, “Tey kehefligalen do Dwata. Ya tey któbóngen dou. Laen dù bud gónóhu myak ne bè yó kem hohonu, tey kligalu ne ni lemwót bè yóm tey któbóng Dwata do.

Flipay 3:1

Ni hol són yóm tulónu kuy, kem dumuhu setwoli. Hol ye gel hligal dé lemwót bè yóm deng kessotu ye bè yóm gónó tekuy mogot. Wen bud sensulitu bélê ye yóm tehe snulatu bélê ye anì là tlas ye.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

1 Kurin 10:16

Bè yóm gel kestifun tekuy na a hemtulón nawa yóm tehe katay Jisas bélê tekuy, wen se yóm gel ninum tekuy, ne gel dóyón tekuy Dwata bè yóm ninum yó. Bè yóm kinum tekuy du, deng wen kut du ne yóm kun litô Krays. Senged se kmò tekuy bè yóm mambang bè yóm kken tekuy du, deng wen kut du ne yóm kun lówó Krays.

Sulat Pol Ebè Yó Kem Tau Hemtahu Bè Rom 11:15

Lemwót bè yóm kekbê Dwata kul, yó gónó le mit sefyu ebè Dwata yó kem tau là Ju le. Ke lómón yó, milud he yóm kehyuhen bélê ye sok le deng gotu bud semfulék ebè Dwata yó kem kun tau Ju. Hol lómó kegnóm tekuy du, lómón yóm tau deng mowil gu lem hatay.

Sulat Pol Ebè Yó Kem Tau Hemtahu Bè Rom 2:17

Bélê ye kuy, kem dumuhu Ju, tey ksalig ye du yóm hlau Dwata, ne gel ye heklabak lemwót bè yóm ketngón ye ke Dwata.

Kun Snulat Jan 1:12

Okóm kdê yó kem tau hemmóyô du, ne hemtahu béléen tódô benlayen lu kwalis baling ngà Dwata.

Kun Snulat Luk 1:46

Yó mon Midi se kun, “Tey bong kdóyónu du yóm gónóhu mogot

Sulat Pol Ebè Yó Kem Tau Hemtahu Bè Rom 5:1

Duhen ni, deng baling tedeng ne kton Dwata tekuy mlan bè yóm kehtahu tekuy. Deng tekuy sefyu ke Dwata mlan bè Jisas Krays yóm gónó tekuy mogot.

Sulat Pol Ebè Yó Kem Tau Hemtahu Bè Rom 5:3

Là kô són du yó gónó tekuy hligal bè yóm angat kwen guta tekuy, okóm hligal tekuy du snéen yó kem gónó tekuy glayam. Yó uléken yóm keglayam tekuy yó, duhen yóm kegbek tekuy hbala.

Sulat Pol Ebè Yó Kem Tau Hemtahu Bè Rom 8:23

Là són du lu gemnóm du nim ni, okóm tekuy snéen kem tau hol gónóhen nô yóm Tulus Dwata, yóm hol tanay basa Dwata tekuy lemwót bè yóm alì kehkoso tekuy yóm kdaw kehegfan Dwata du yóm deng kngaen tekuy, ne yóm kehlomihen yóm lówó tekuy.

Sulat Pol Ebè Yó Kem Tau Hemtahu Bè Rom 9:10

Yóm ngà Abraham yó, duhen yóm fù tekuy Isak. Yó yehen Isak, duhen Ribika yóm mngà héng, boluy le kul Jakub ne Iso.

2 Kurin 8:19

Lelen du he deng nélék yó kem dumuhen hemtahu mò mung kum sok eted me yóm filak angat blay tekuy ebè yó kem dumu tekuy élél. Bè nim nmò tekuy ni mò gónón megdóyón yóm gónó tekuy mogot, ne mò gónó me hton du yóm óyô me tmóbóng se kum.